ကြယ်တာရာဘုံကိုးလွှာ

ဒါက လူသား၊ မိစ္ဆာနဲ့ ထူးဆန်းသားရဲများ အတူတကွ တည်ရှိတဲ့နေရာပါ။ မိစ္ဆာတွေက ခန္ဓာကိုယ်ကို သန်မာအောင် ကျင့်ကြံကြတယ်။ ထူးဆန်းသားရဲများဟာ ဝိညာဉ်စွမ်းအားကို လေ့ကျင့်ကြတယ်။ ဒဏ္ဍာရီအရတော့ အကန့်အသတ်မဲ့ မိုးသစ်တောအလယ်မှာ အရမ်းကြောက်စရာကောင်းတဲ့ ဖြစ်တည်မှုတွေ ရှိပါသတဲ့။ သူတို့ကို မိစ္ဆာဘုရင်များလို့ သမုတ်ကြတယ်။ တချို့သော မိစ္ဆာဘုရင်တွေဟာ ကြောက်စရာခန္ဓာကိုယ်တွေကို ပိုင်ဆိုင်ပြီးတော့ တချို့တွေကတော့ ပုံရိပ်ယောင်များ ဖြစ်တယ်။ တချို့ မိစ္ဆာဘုရင်တွေဟာ အစွမ်းကြီးပြီးတော့ တောင်ကြီးတွေကိုတောင် ရွေ့စေနိုင်တယ်။ တချို့မိစ္ဆာဘုရင်တွေကတော့ မိုင်တစ်ထောင်အကွာအဝေးအထိ သိမြင်နိုင်တယ်။ ဒီမိစ္ဆာဘုရင်တွေဟာ လူသားလောကမှာ မြင်တွေ့ရဖို့ ခက်တယ်။ သူတို့က လူသားလောကမှာ ထွက်ပေါ်လာရင်တောင်မှ လူသားတစ်ဦးအသွင်နဲ့ ပြန်ဝင်စားလေ့ရှိပြီးတော့ လူသားတွေလိုပဲ ကျင့်ကြံအဆင့်တက်ကြလေ့ရှိတယ်။