ငါလေးကကျင့်ကြံသူအတု

အခု  ‘ငါလေးက ကျင့်ကြံသူ အတု’ ဆိုတဲ့ စာစဉ်က ဝတ္ထုတစ်ပုဒ်အနေနဲ့ သာမက manga အနေနဲ့လည်း အောင်မြင်နေတဲ့ စာစဉ်တစ်ခုပါ။ ကိုယ်တွေနည်းတူ ကျင့်ကြံခြင်းခေတ်၊ တာအို စတာတွေကို ဝတ္တုတွေ၊ ရုပ်ရှင်တွေ၊ ကာတွန်းတွေကနေပဲ သိရှိထားတဲ့ ကောင်လေးတစ်ယောက်က အစစ်အမှန်နတ်ဘုရားတစ်ပါး လွှပြောင်းပေးအပ်တဲ့ (ဂျင်းထည့်တဲ့) စနစ်တစ်ခုကို လက်ခံရရှိပြီး multiverse မှာ ရှိနေတဲ့ ကောင်းကင်ဘုံပိုင်နက်ရှိ ထိုက်ချူကုန်းမြေကြီးပေါ်မှာ တည်ထောင်ထားတဲ့ ‘စုစည်းညီညွတ် ကျင့်ကြံခြင်းကျောင်းတော်’ ဆိုတဲ့ ကျောင်းမှာ ပညာသင်ခွင့် ရရှိသွားတဲ့အခါ..။ ကျင့်ကြံဖူးခြင်းမရှိ၊ ဘယ်ကစရမယ်ဆိုတာ နားမလည်..။ အစစ်အမှန် နတ်ဘုရားရဲ့ ထောက်ခံစာနဲ့ ကျောင်းတော်ကို ဝင်ခွင့်ရလာတဲ့သူ ဖြစ်တဲ့အပြင် ပထမနှစ် တန်းခွဲ ၁ ကို ဝင်ရောက်ခွင့် ရသူမို ‘နောက်ခံအကောင်းဆုံးသော မရိုးဖြောင့်တဲ့ ကျောင်းသား _ အန်လင်း’ ဆိုတဲ့ ဂုဏ်ပုဒ်နဲ့ ကျော်ကြားလာပါတော့တယ်။

ကောင်းကင်ဘုံပိုင်နက်တွင် ပြောဆိုသည့် ဘာသာစကားအား နားလည်လာစေရန် ‘၇၀ ဒယ်ဆီဘယ်ရှိ ခွေးလိုဟောင်ပါ’ ဆိုတဲ့ စနစ်ရဲ့ အရိုးကိုက်စေမှု၊ တာအိုခန္ဓာ ဗလာအဆင့်ကနေ အဆင့် ၁ သို တက်ချင်ပါသလား ‘ဒိုက် ၁၀ ကြိမ် ထိုးပါ’ ဆိုတဲ့ စနစ်ရဲ့ ဆေးထိုးမှု၊ တောင်ခွင်းလက်သီးကို တက်မြောက်ချင်ပါသလား ‘တောင်စိတ်အဆီအနှစ် ၁၀ ဂရမ် မျိုပါ’ ဆိုတဲ့ စနစ်ရဲ့ မကောင်းကြံမှု၊ တောင်စိတ်အဆီအနှစ်ကြောင့် သုံးရက်ကြာ ဝမ်းလျှောမှု၊ ဝမ်းလျှောရာမှ ခြေထောက်များ ချိသွားမှု စတဲ့ ‘စစ်နတ်ဘုရားစနစ်’ ဆိုတဲ့ ခန့်ညားထည်ဝါတဲ့ စနစ်ရဲ့ ပညာပြမှုတွေကို အန်လင်းအနေနဲ့ ဘယ်လိုမျိုး ကျော်ဖြတ်မလဲ၊ ဘယ်လိုအလွဲတွေနဲ့ ကြုံတွေ့ရမလဲ စတဲ့ အကြောင်းအရာများကို ဟီးဟီးဟားဟားနဲ့ ဖတ်ရှုရမှာပဲ ဖြစ်ပါတယ်။