ကံကြမ္မာဖန်တတ်ပါ့လေ

မွေးဖွားလာကတည်းက ကံဆိုးမှုအပေါင်း ခညောင်းနေတဲ့ မင်းသား(၁၃) တစ်ယောက် ၁၆ နှစ်အရွယ်မှာ ချီဖောက်ပြန်မှု ၈၈ ကြိမ် ခံစားရပြီးတော့ သေဆုံးသွားခဲ့တယ်။ သူ မသေဆုံးခင်မှာ သူ သွားလိုက်တဲ့နေရာတိုင်း ကံဆိုးမှုတွေ သယ်ဆောင်လာတယ်လို့ နာမည်ကြီးပြီး လူတိုင်းဝေးဝေးက ရှောင်ကြတယ်။ သူ့အဖိုးတန်ငှက်လေးလည်း ရေကန်ထဲ ကျသွားပြီး သေဆုံးသွားခဲ့ရတယ်။ သူ့ဆေးဖက်ဝင် အပင်လေးလည်း ကလေးတစ်ယောက်ကြောင့် အမြစ်ကနေ ရှင်းခံလိုက်ရပြန်ရော…။ နောက်ဆုံး သူ့အစ်ကိုတော်တွေနဲ့ တော်ဝင်ကျောင်းတော် သွားတက်တဲ့အခါ နောက်ရက်ကျ ကျောင်းဆောင် ပြိုကျသွားလေတယ်…။

အဲဒီအခါမှာ ခေတ်သစ်ဘက်က ရှန်ထျန်း အစားထိုး ဝင်ရောက်လာတယ်…။ တခြားသူ ခန္ဓာကိုယ်ထဲ ရောက်ပြီးတော့ သူမတူ စွမ်းအားတစ်ခု ရလာတာက တခြားသူရဲ့ ကံအပြောင်းအလဲ အခွင့်အရေးနဲ့ ရောင်ဝါစက်ဝန်းကို မြင်ရတာပါပဲ။ မှန်ထဲ သူ့ခေါင်းပေါ် ကြည့်လိုက်တဲ့အခါ မည်းနက်နေတဲ့ ရောင်ဝါကို မြင်လိုက်ရတယ်…။ ဒီလိုရောင်ဝါမျိုးနဲ့ နေပူထဲ အပြင်ထွက်မိရင်တောင် မိုးကြိုးပစ်ခံရမဲ့ကိန်းပဲ…။ ဒီကြားထဲ သူ ကျင့်ကြံတဲ့ ကျင့်စဉ်က အဆင့်တစ်ခုတက်လေ ကံပိုဆိုးလေ…။တခြားသူရဲ့ ကံအပြောင်းအလဲ အခွင့်အရေးကနေ ဂုန်းဆင်းရင်း သူ့ကိုယ်သူ ဘယ်လိုကံမြင့်တက်လာအောင် လုပ်မလဲဆိုတာ ပေါ့ပေါ့ပါးပါး ဖတ်ရှုရမှာ ဖြစ်ပါတယ်…။