တပည့်များနှင့်အတူ အထွတ်အထိပ်သို့

လူသူအရောက်အပေါက်နည်းသော တောင်ထွတ်တစ်ခုပေါ်မှ ဆိတ်ငြိမ်စံအိမ်ထဲတွင် ရွှမ်ဟောက်၏ မျက်လုံးများ ဖြည်းညင်းစွာ ပွင့်လာ၏။ သူ့မျက်နှာပေါ်တွင်တော့ မယုံနိုင်ဟန်အပြည့် ဖြစ်‌နေသည်။ သူက ဓားပျံဂိုဏ်း၏ အကြီးအကဲတစ်ဦးအဖြစ် ကျင့်ကြံရေးလောကသို့ ကူးပြောင်းရောက်ရှိလာခြင်း ဖြစ်၏။

တစ်မြို့လုံးကို လက်တစ်ချက် ဝှေ့ယမ်းရုံဖြင့် ဖျက်ဆီးနိုင်သော ကနဦးဝိညာဉ်အဆင့်ပင် ရောက်ရှိနေသည်။

ပို၍ အံ့အားသင့်စရာကောင်းသည်မှာ သူ့ထံတွင် တပည့်များ စွမ်းအားမြင့်လာသည်နှင့်အမျှ သူ့စွမ်းအားပါ မြင့်တက်လာနိုင်သော စနစ်တစ်ခု ရှိနေခြင်းပင် ဖြစ်၏။

“အခုရော ဘာလုပ်ပေးရဦးမှာလဲ။ ငါ့တပည့်တွေကို အင်မော်တယ်တွေ ဖြစ်လာအောင် လုပ်ပေးပြီးပြီလေ။ ဘာဆက်လုပ်စေချင်သေးတာလဲဟ…”

[တပည့်လေး‌ယောက်ကို တာအိုအင်မော်တယ်အဆင့်ရောက်အောင် ကူညီပါ]

[ဆုလဒ်: ကျင့်စဉ်အဆင့်ကြီးတစ်ဆင့် တက်မည်]

“…”