အပိုင်း(၁၉၆၇)

ဧည့်သည်များထံမှ မကောင်းသော ရည်ရွယ်ချက်

ယန့်ကျန်းက သူ၏ နတ်အာရုံကို ပြန်သိမ်းယူလိုက်သည်။ သူ့ စိတ်က မှန်တစ်ချပ်ကဲ့သို့ ကြည်လင်နေ၏။ သူ ထင်ထားသလိုပင် ရှေးဟောင်းတော်ဝင် ယန်မိသားစုမှ တန်ခိုးရှင်များက ဝမ်တုတွင် ရောက်နှင့်နေကြပြီဖြစ်သည်။

ထို့ပြင် သူတို့က နန်းတော်၌ ဖြစ်သမျှအရာအားလုံးကို စိတ်ဝင်စားပုံမပေါ်ပေ။ သူတို့က စားသောက်ဆိုင်အတွင်း အရက်ကို တိတ်ဆိတ်စွာ သောက်နေကြပြီး ကောင်းကင်တိုက်ပွဲနန်းတော်၌ ဖြစ်ပျက်နေသည်များကို လုံးလုံးဂရုမစိုက်ကြချေ။ ဖြစ်နိုင်သည်က ရှေးဟောင်းတော်ဝင် ယန်မိသားစုမှ တန်ခိုးရှင်များက ဤနေရာရှိ တန်ခိုးရှင်များ၏ အပြုအမူကို သိပ်ဂရုမစိုက်ကြပုံပေါ်သည်။

ဖြစ်နိုင်သည်မှာ ရှေးဟောင်းတော်ဝင် ယန်မိသားစုအတွက် ဂရုစိုက်သော တစ်ခုတည်းသောအရာမှာ ဝမ်ရှန့်စောင့်ကြည့်မျှော်စင်ပင် ဖြစ်သည်။

ရှေးဟောင်းတော်ဝင် ယန်မိသားစု သည်နေရာသို့ ရောက်လာသည့် ရည်ရွယ်ချက်အစစ်အမှန်ကို မည်သူ သိမည်နည်း။

သူ၏ နတ်အာရုံကို ပြန်သိမ်းပြီးနောက် ယန့်ကျန်းသည် ရှေးဟောင်းတော်ဝင် ယန်မိသားစုအကြောင်း တွေးနေခြင်းအား ရပ်တန့်လိုက်သည်။ ထိုအရာက သူ ယခု စိတ်ပူနေရမည့် မကြောင်းမဟုတ်ပေ။ သူတို့က တူညီသောအဆင့်တွင် ရှိမနေသည့်အတွက် ထိုသူတို့၏ အရေးကို ဝင်စွက်ဖက်ရန် သူက အဆင့်မမီပေ။ လက်ရှိတွင် သူလုပ်ရန် လိုအပ်သည်မှာ မြောက်ပိုင်းမှလာသော တန်ခိုးရှင်တို့ကို ရင်ဆိုင်ရန်သာ ဖြစ်သည်။

မြောက်ပိုင်းမှ တန်ခိုးရှင်များသည် ရှေးဟောင်းတော်ဝင် ယန်မိသားစုနှင့် လိုက်ပါလာခြင်း ဖြစ်နိုင်ပေသည်။ ကောင်းကင်တိုက်ပွဲနန်းတော်သို့ လာရောက်ခြင်းမှာ သူတို့ကိုယ်တိုင်၏ ဆန္ဒလား ရှေးဟောင်းတော်ဝင် ယန်မိသားစု၏ အမိန့်လား မည်သူမှ မသိပေ။

ယန့်ကျန်း ရောက်လာပြီးနောက် ကောင်းကင်တိုက်ပွဲနန်းတော်မှ တန်ခိုးရှင်များက အလွန် တိတ်ဆိတ်လာကြသည်။ မည်သူကမှ စကားမပြောကြပေ။ ယန့်ကျန်းက ကောင်းကင်တိုက်ပွဲနန်းတော်၏ နန်းတော်သခင်ဖြစ်ပြီး စီနီယာတစ်ဦးလည်းဖြစ်သည်။ သူရောက်ရှိလာသည်ဖြစ်ရာ ပုံမှန်အားဖြင့် သူက ဦးဆောင်ပေလိမ့်မည်။

ပြင်းထန်သည့် အရှိန်အဝါနှင့် ဖိနှိပ်နိုင်သော စွမ်းအားတို့က တိတ်ဆိတ်နေသော လေဟာနယ်အတွင်း လွှမ်းခြုံနေကာ အခြေအနေက ပြင်းထန်နေ၏။ ၎င်းသည် တိုက်ပွဲကြီးတစ်ခု အချိန်မရွေး ဖြစ်ပွားတော့မလို ထင်မှတ်ရသည်။

ယန့်ကျန်းက ကောင်းကင်ထက်မှ တန်ခိုးရှင်များကို ကြည့်ကာ ပြောလိုက်သည်။ “ခင်ဗျားတို့မှာ ဒီလိုရည်ရွယ်ချက် ရှိတယ်ဆိုမှတော့ ကြွပါ။ ကျုပ်ရဲ့ ကောင်းကင်တိုက်ပွဲနန်းတော်က လမ်းစဥ်တိုက်ပွဲ ဆင်နွှဲတဲ့ နေရာပဲ။ ကျုပ်တို့ ဧည့်သည်တွေကို ဧည့်ခံတဲ့နေရာကလည်း ဒီလမ်းစဥ်တိုက်ပွဲစင်​မြင့်ပဲ ဖြစ်တယ်။ ခင်ဗျားတို့က မြောက်ပိုင်းလို အဝေးကြီးက လာတယ်ဆိုမှတော့ ကျုပ်ရဲ့ ကောင်းကင်တိုက်ပွဲနန်းတော်က ဧည့်ခံပေးရမှာပေါ့။ ဒီ လမ်းစဥ်တိုက်ပွဲစင်မြင့်ကနေ ကြိုဆိုပါတယ်။”

အကြောင်းအရာကို သေချာမသိထားလျှင် ယန့်ကျန်းက ခင်မင်ရင်းနှီးသော မိတ်ဆွေအား ကြိုဆိုနေသလို ထင်မှတ်မိပေလိမ့်မည်။

ပုံမှန်အားဖြင့် ကောင်းကင်တိုက်ပွဲနန်းတော်၏ တိုက်ပွဲစင်မြင့်မှ ကြိုဆိုသည်ဟု ဆိုခြင်းမှာ တစ်ဖက်လူနှင့် တိုက်ပွဲအား လက်ခံသည်ဟု ဆိုလိုခြင်းပင် ​ဖြစ်သည်။

ကျယ်ပြောသော ကောင်းကင်ထက်တွင် အစွမ်းထက်သည့် စွမ်းအားတို့က ဆက်လက် လွှမ်းမိုးထားဆဲပင် ဖြစ်သည်။ မြောက်ပိုင်းမှ တန်ခိုးရှင်များကြားတွင် အစောပိုင်းက စကားပြောလာသည့် အကြီးအကဲက လေးစားမှုထားပေးသည်။ သူက ဘေးမှ တန်ခိုးရှင်များကို ​ပြောလိုက်သည်။ “ကောင်းကင်တိုက်ပွဲနန်းတော်က ရိုးသားစွာ ဖိတ်ခေါ်နေမှတော့ မင်းတို့ ပြန်တုံ့ပြန်ချင်တဲ့ ဆန္ဒရှိရင် အဲဒီကို ဆင်းသွားကြလို့ရတယ်။”

ယန့်ကျန်းနှင့် အခြားသူများသည် မြောက်ပိုင်းမှ တန်ခိုးရှင်များက အလွန် အစွမ်းထက်ကြောင်း မျှော်လင့်ထားပြီး ဖြစ်သည်။ သူတို့က တူညီသော အင်အားစုများမှ မဟုတ်ကြပေ။ ထို့အစား သူတို့သည် ရှေးဟောင်းတော်ဝင် ယန်မိသားစုနှင့်အတူ ဝမ်တုသို့ လိုက်လာသော အင်အားစုအမျိုးမျိုးမှ တန်ခိုးရှင်များ ဖြစ်ကြသည်။

သူတို့ ကောင်းကင်တိုက်ပွဲနန်းတော်သို့ လာရောက်သည့် ရည်ရွယ်ချက်မှာ လမ်းစဥ်တိုက်ပွဲစင်မြင့်ကြောင့် ဖြစ်လေသည်။ ဤနေရာတွင် သူတို့က ဝမ်တုမှ တန်ခိုးရှင်များ၏ စွမ်းဆောင်ရည်နှင့် ခွန်အားကို ရှင်းလင်းစွာ မြင်နိုင်ကြပေသည်။ တန်ခိုးရှင် တစ်ဦးချင်းစီ၏ စွမ်းအားကို  သိရန် မလုံလောက်လျှင်ပင် ပျမ်းမျှအင်အားကို သိနိုင်ပေသည်။

ကောင်းကင်ထက်မှ ပုံသဏ္ဌာန်တစ်ခု ရှေ့သို့ ထိုးဆင်းလာသည်။ သူ၏ ခန္ဓာကိုယ်က ရှေ့သို့ ဆင်းလာပြီး ကောင်းကင်တိုက်ပွဲနန်းတော် ထိပ်သို့ ဆင်းသက်လာသည်။

ထိုသူ၏ ခန္ဓာကိုယ်က ကြွက်သားအပြည့်နှင့် တောင့်တင်းသန်စွမ်း​ပြီး သူ့မျက်လုံးများက ကြေးခေါင်းလောင်းကဲ့သို့ ဖြစ်နေကာ အနက်ရောင်ဆံပင်တို့က သူ့ပခုံးပေါ်သို့ ကျသည်အထိ ရှည်လျားနေသည်။ သူ့ခန္ဓာကိုယ်တွင် ရွှေရောင်ဝတ်ရုံကို ဝတ်ဆင်ထားပြီး သူ့ခန္ဓာကိုယ်မှ အစွမ်းထက်အရှိန်အဝါနှင့် ပြင်းထန်သော အရိုင်းဆန်ဆန် လွှမ်းမိုးနိုင်စွမ်းများ ထုတ်လွှတ်နေသည်။ သူ့ကျင့်ကြံဆင့်က အဆင့်ငါးရန်ဟောင်ဖြစ်ပြီး သူ၏ အရှိန်အဝါက အလွန် ဖိနှိပ်နိုင်စွမ်းရှိပေသည်။

မြောက်ပိုင်းမှ တန်ခိုးရှင်များသည် ရှေ့သို့ ခြေလှမ်းလာသည့် ရန်ဟောင်ကို မြင်ပြီးနောက် ချက်ချင်း စိတ်သက်သာရာ ရသွားကြသည်။ ထိုလူက မြောက်ပိုင်းနယ်မြေရှိ ကုန်းမြေတစ်ခုကို ပိုင်စိုးသော တော်ဝင်မိသားစုတစ်ခုမှ အစွမ်းထက်တန်ခိုးရှင် ဖြစ်​လေသည်။ ထိုတော်ဝင်မိသားစုက ကုန်းမြေကို အုပ်စိုးသောအခါ သူတို့သည် မရေတွက်နိုင်သော အလောင်းများကို ချနင်းခဲ့ပြီး အချိန်ခဏအတွင်းမှာပင် ကုန်းမြေများစွာကို ဖြတ်ကျော်ကာ ကျော်ကြားလာပေသည်။ တော်ဝင်မိသားစု၏ လွှမ်းမိုးမှုသည်လည်း ကုန်းမြေများစွာသို့တိုင် ရောက်ရှိခဲ့ပေသည်။ မြောက်ပိုင်းရှိ အဓိကကုန်းမြေမှ ယန်ယွင်ကုန်းမြေသည်ပင် တော်ဝင်မိသားစုအား ကောင်းစွာ သိရှိပေသည်။ ထိုလူသည် တော်ဝင်မိသားစုမှ ပင်မတန်ခိုးရှင်တစ်ဦးဖြစ်သည်။ သူက တိုက်ပွဲအရည်အချင်းပြည့်ဝပြီး တိုက်ပွဲခွန်အားက ဖော်ပြ၍ မရနိုင်အောင် ကြောက်မက်ဖွယ် ကောင်းလှသည်။ ကောင်းကင်တိုက်ပွဲနန်းတော်က အစွမ်းထက်တန်ခိုးရှင်တစ်ဦးကိုသာ စေလွှတ်ခြင်းမရှိလျှင် သူတို့က ရှုံးနိမ့်သွားပေလိမ့်မည်။

“မင်းတို့ထဲက ဘယ်သူကများ စိန်ခေါ်တာကို လက်ခံဖို့ဆန္ဒရှိပြီး အဝေးကလာတဲ့ ဧည့်သည်ကို ကြိုဆိုမလဲ။” ကောင်းကင်တိုက်ပွဲနန်းတော်သခင် ယန့်ကျန်းက မေးလိုက်သည်။

သူပြောပြီးသွားသည်နှင့် အဆင့်တူရန်ဟောင်တစ်ပါးက ရှေ့သို့ ခြေလှမ်းလာသည်။ သူက လေထဲသို့ ခြေလှမ်းလိုက်ကာ လမ်းစဥ်တိုက်ပွဲစင်မြင့်ထက်သို့ ဆင်းသက်လိုက်သည်။ သူက ခေါင်းကို မော့ကာ ကောင်းကင်မှ လူကို ကြည့်၍ ပြောလိုက်သည်။ “လမ်းညွှန်ပြသပေးပါဦး။”

သူတို့ထဲမှ မည်သူကမှ နာမည် မိတ်မဆက်ကြပေ။ မြောက်ပိုင်းမှ တန်ခိုးရှင်များ၏ ရည်ရွယ်ချက်က မည်သည့်အရာပင်ဖြစ်စေ သူတို့တွင် ကောင်းမွန်သည့် ရည်ရွယ်ချက် မရှိလေရာ သူတို့ဘက်ကလည်း ယဥ်ကျေးနေရန် မလိုအပ်ပေ။ ထို့ပြင် ထိုတန်ခိုးရှင်များ ရောက်လာသည့် နည်းလမ်းက အလွန် အထက်စီးဆန်လှသည်။

​ရှေ့သို့တက်လာသော ရန်ဟောင်မှာ ကောင်းကင်တိုက်ပွဲနန်းတော်မှ ကျင့်ကြံသူပင် ဖြစ်သည်။ ထိုသို့​ အထက်စီးဆန်သော အပြုအမူမျိုးနှင့် ကောင်းကင်တိုက်ပွဲနန်းတော်သို့ ရောက်လာသည့် ဧည့်သည်တို့ကို ယဥ်ကျေးနေရန် မလိုကြောင်း သူ သိရှိပေသည်။

ထို့နောက် တောက်ပသည့် အလင်းတို့ ပေါ်လာပြီး လမ်းစဥ်တိုက်ပွဲစင်မြင့်ထက် လေထဲတွင် မျောလွင့်နေသည်။ လမ်းစဥ်ဝင်္ကပါမှ အလင်းများက ကောင်းကင်သို့ ထိုးဖောက်သွားပြီး လမ်းစဥ်တိုက်ပွဲစင်မြင့်ကို သီးခြားလေဟာနယ်တစ်ခု ဖြစ်လာစေသည်။

ရီဖူရှင်းက လမ်းစဥ်တိုက်ပွဲစင်မြင့်ထက်ရှိ ဝင်္ကပါကို ကြည့်လိုက်သည်။ ထိုသီးခြားလေဟာနယ်က အပြင်လောကနှင့် ပိုင်းခြားထားပြီး အထဲ၌ ဖြစ်သမျှက အပြင်သို့ မသက်ရောက်စေပေ။ သို့သော်လည်း အတွင်းထဲမှ နေရာက ကြီးမားကျယ်ပြန့်ပြီး တိုက်ခိုက်ရန် လုံလောက်သော နေရာရှိသည်။ ၎င်းက အလွန် ထူးခြားဆန်းကြယ်လှသည်။ ကြည့်ရသည်မှာ ကောင်းကင်တိုက်ပွဲနန်းတော်က ရန်ဟောင်အဆင့် လမ်းစဥ်တိုက်ပွဲအတွက် အထူးပြင်ဆင်ထားပုံရသည်။

ဘန်း……

ထို့နောက် ကျယ်လောင်သော အသံတစ်ခု ထွက်ပေါ်လာသည်။ လမ်းစဥ်တိုက်ပွဲစင်မြင့်ထက်မှ ပြင်းထန်လှသော လေဟာနယ်လှိုင်းများ ထွက်ပေါ်လာသည်။ တန်ခိုးရှင်များကအားလုံးက အသံကို ရှင်းလင်းပြတ်သားစွာ ကြားနေရပြီး မြောက်ပိုင်းတော်ဝင်မိသားစုမှ ရန်ဟောင်က ကောင်းကင်သို့ ခြေလှမ်းလိုက်လျှင် မရေတွက်နိုင်သော အလင်းတန်းများက ကောင်းကင်မှ ကျဆင်းလာသည်။

ကောင်းကင်တိုက်ပွဲနန်းတော်မှ တန်ခိုးရှင်သည် လက်သီးတစ်ချက်ကို ပစ်လွှတ်လိုက်သည်။ ထို့နောက် လူအုပ်ကြီးသည် ကြီးမားသည့် ရွှေရောင်ခြေဖဝါးတစ်ဖက်က ကောင်းကင်ထက်မှ ကျဆင်းလာပြီး ပြိုင်ဘက်၏ လက်သီးနှင့် ဝင်တိုက်သည်ကို မြင်တွေ့လိုက်ရသည်။ ထိုစွမ်းအားနှစ်ခုတိုက်မိသည့်အခါ ကြောက်မက်ဖွယ် အလင်းတို့ ပေါက်ကွဲထွက်လာသည်။

ပြင်းထန်လှသည့် ဆူညံသံများက လေထဲတွင် ပဲ့တင်ထပ်နေသည်။ မြောက်ပိုင်းမှ တန်ခိုးရှင်က ကောင်းကင်အောက်သို့ တစ်လှမ်းချင်း ဆင်းလာခဲ့သည်။ သူ၏ ခြေလှမ်းများသည် အလွန် ဖိနှိပ်နိုင်စွမ်းရှိသည့် မဟာလမ်းစဥ်စွမ်းအားများ ပါဝင်နေကာ ကောင်းကင်ကို ဖျက်ဆီးတော့မလိုပင်။ လမ်းစဥ်စွမ်းအားတိုက်ခိုက်မှုသည် နတ်ဆင်ကောင်းကင်ချနင်း နည်းစနစ်နှင့် ဆင်တူပေသည်။

လူအုပ်ကြီးက အရှေ့ရှိ လမ်းစဥ်တိုက်ပွဲစင်မြင့်သို့ ကြည့်လိုက်ကြသည်။ ခြေလှမ်းတိုင်းက ကြီးမားသော ​ခြေရာများအဖြစ် ပြောင်းလဲသွားသည်။ ကြီးမားသည့် ရွှေရောင်ခြေရာများက ကောင်းကင်တစ်ခုလုံးကို လွှမ်းခြုံထားပြီး အစွမ်းထက်လှသော စွမ်းအားများကို ထုတ်လွှတ်နေသည်။

ကောင်းကင်တိုက်ပွဲနန်းတော်မှ ရန်ဟောင်က ၎င်းတို့ကို တားဆီးရန် အဆက်မပြတ် တိုက်ခိုက်မှုများကို ထုတ်လွှတ်လိုက်သည်။ မဟာလမ်းစဥ် နတ်ဝင်ရိုးက သူ့ခန္ဓာကိုယ်အထက်တွင် ပေါ်ပေါက်လာသည်။ ၎င်းက ရွှေရောင်လင်းယုန်တစ်ကောင်ဖြစ်ပြီး အတောင်များက ကောင်းကင်တစ်ခုလုံး ဖုံးကွယ်သည်ထိ ဖြန့်ကျက်ထားသည်။ ၎င်းသည် လေဟာနယ်ကို စုတ်ဖြဲ ဖြတ်သန်းကာ ရန်သူ့ထံသို့ တည့်တည့် တိုးဝင်သွားသည်။

မြောက်ပိုင်းမှ ရန်ဟောင် တန်ခိုးရှင်သည် သူ့အောက်ဘက်ရှိ နတ်လင်းယုန်ကို ကြည့်လိုက်ကာ အစွမ်းထက်ခြေရာများက အထက်မှ ကျဆင်းလာလေသည်။ ထိုအခိုက်အတန့်တွင် သူ့ခန္ဓာကိုယ်ပေါ်၌ ရွှေရောင်ချပ်ဝတ်တစ်ခု ပေါ်ပေါက်လာပြီး တောက်ပကာ အံ့သြဖွယ်ကောင်းသော အလင်းတို့က သူ့ခန္ဓာကိုယ်ပေါ် သူ့တစ်ကိုယ်လုံးကို လွှမ်းခြုံထားကာ သူ့မျက်လုံးများထဲတွင် မောက်မာဝံ့ကြွားခြင်းနှင့် အထင်အမြင်သေးခြင်းတို့ဖြင့် ပြည့်နေခဲ့သည်။

ကောင်းကင်တိုက်ပွဲနန်းတော်မှ ရန်ဟောင်၏ မျက်လုံးများက ထက်ရှနေသည်။ သူ့အနီးတွင် ကြောက်မက်ဖွယ် လေဆင်နှာမောင်းတို့ ဖြစ်ပေါ်လာသည်။ လင်းယုန်က အတောင်များကို ဖြန့်လိုက်ပြီး အထက်သို့ ပျံတက်သွားသည်။ ရွှေရောင်နတ်အလင်းတို့က လမ်းစဥ်တိုက်ပွဲစင်မြင့်အထက်တွင် ပေါ်ပေါက်လာသည်။ ၎င်းက အလွန် အံ့သြဖွယ်ပင် ဖြစ်၏။ ကြည့်ရသည်မှာ ယင်းက လမ်းကြောင်းအတွင်းရှိ အရာအားလုံးကို ဖျက်ဆီးသွားတော့မလို ထင်မှတ်ရပေသည်။

သို့သော်လည်း မြောက်ပိုင်းမှ ရန်ဟောင်ကို ကြည့်ရသည်မှာ အလွန် တည်ငြိမ်နေသည်။ အရာအားလုံးက သူ၏ တွက်ဆမှုအတွင်း၌ ရှိနေသကဲ့သို့ပင် ဖြစ်သည်။ မြောက်ပိုင်း တော်ဝင်မိသားစုမှ ထိုတန်ခိုးရှင်က မည်မျှ သန်မာသနည်း။ လူအများစုသည် ယခင်က တွေ့ကြုံဖူးပြီး ဖြစ်သည်။ သူ၏ စွမ်းရည်က အဆင့်ထက် ကျော်လွန်နေခြင်း ဖြစ်ပေလိမ့်မည်။

ဘုန်း….

အလွန်တောက်ပသော အလင်းတို့က ကောင်းကင်ကို ဝါးမြိုခဲ့သည်။ မြောက်ပိုင်းမှ ရန်ဟောင်က ပျောက်ကွယ်သွားခဲ့သည်။ ထို့နောက် ကောင်းကင်တွင် ကြီးမားထည်ဝါသော စစ်နတ်ဘုရားတစ်ပါး ပေါ်ပေါက်လာလေသည်။ မြောက်ပိုင်းမှ ရန်ဟောင်၏ မျက်နှာသည်လည်း ထွက်ပေါ်လာပြီး  အမြင့်မှနေ၍ ကြီးမားလှသော ကျောက်တိုင်တစ်ခု ကျရောက်လာသည်။ မဟာလမ်းစဥ်ကို ဖြတ်သန်းထိုးဖောက်လာသော နတ်အလင်းကျောက်တိုင်က ပြိုကျပျက်စီးလာသည်။

၎င်းက ကျောက်တိုင်မဟုတ်ဘဲ ခြေထောက်တစ်ခု ဖြစ်နေပေသည်။ သို့သော်လည်း လေထဲတွင် ပေါ်ပေါက်လာပြီး ကောင်းကင်ကို ထိုးဖောက်သည့် နတ်အလင်းတို့က လျှပ်စီးကဲ့သို့ လျင်​မြန်စွာ ရွေ့လျားနေကာ အောက်ဘ​က်သို့ နင်းချေလိုက်သည်။

မဟာလမ်းစဥ်က အပိုင်းပိုင်းအစစအဖြစ် တိုက်ရိုက်ဖျက်ဆီးခံလိုက်ရသည်။ နတ်လင်းယုန်က အထက်သို့ ဆန်တက်သွားကာ တိုက်ခိုက်ရန် ကြိုးစားသော်လည်း ကျောက်တိုင်အလင်းများ၏ ဖျက်ဆီးပစ်ခြင်းခံလိုက်ရသည်။ ၎င်းက ချေမှုန်းခံလိုက်ရသည့်အခါ နတ်အလင်းက ပေါက်ကွဲထွက်လာပြီး မျက်စိကျိန်းလောက်စရာ အလင်းတို့ဖြစ်ပေါ်လာသည်။

ဘုန်း….

တောက်ပသော အလင်းများက မဟာလမ်းစဥ်ကို ဖျက်ဆီး၍ ကောင်းကင်ကို ထွင်းဖောက်ကာ ကောင်းကင်တိုက်ပွဲနန်းတော်မှ တန်ခိုးရှင်၏ ခန္ဓာကိုယ်ကို ရိုက်ခတ်သွား​လေသည်။ ကျယ်လောင်သော အသံနှင့်အတူ ကောင်းကင်တိုက်ပွဲနန်းတော်မှ တန်ခိုးရှင်၏ မဟာလမ်းစဥ် နတ်ဝင်ရိုးက အက်ကွဲသွားခဲ့သည်။ နတ်လင်းယုန်၏ ခန္ဓာက ဖျက်ဆီးခံလိုက်ရပေသည်။ အလင်းတန်းတစ်ခုက သူ့ခန္ဓာကိုယ်ကို ထိုးဖောက်သွားပြီး နာကျင်မှု​ကြောင့် ညည်းညူလိုက်သည်။ ထို့နောက် သူ့ခန္ဓာကိုယ်က မြေပြင်ပေါ်သို့ ဒူးထောက်ပြုတ်ကျသွားသည်။ သူ၏ မဟာလမ်းစဥ်က ထိခိုက်သွားပြီး ဒဏ်ရာအများအပြား ရရှိသွားသည်။

ကောင်းကင်တိုက်ပွဲနန်းတော်မှ လူတိုင်း ထိုမြင်ကွင်းကို မြင်တွေ့ခဲ့သည်။ ၎င်းမှာ မယုံကြည်နိုင်ဖွယ် မြင်ကွင်းပင် ဖြစ်သည်။

အလွန် ရက်စက်လှသည်။

အစွမ်းထက်ရန်ဟောင်တစ်ပါးက အပြီးတိုင် ဖျက်ဆီးခံလိုက်ရပြီး ဒဏ်ရာအများအပြား ရရှိခဲ့သည်။ ထိုတိုက်ခိုက်မှုက ကောင်းကင်တိုက်ပွဲနန်းတော်မှ ရန်ဟောင်ကို အလွန် ထိခိုက်စေခဲ့သည်။

သို့သော်လည်း ထိုတိုက်ပွဲက သူတို့အား ပြိုင်ဘက်၏ ခွန်အားကို သိရှိစေခဲ့သည်။ မြောက်ပိုင်းမှ ကျင့်ကြံသူက ကောင်းကင်တိုက်ပွဲနန်းတော်မှ ရန်ဟောင်ကို ဒဏ်ရာအများကြီး ရရှိစေခဲ့သည်။

လမ်းစဥ်တိုက်ပွဲစင်မြင့်ထက်မှ ဝင်္ကပါက လှုပ်ရှားသွားခဲ့သည်။ တစ်စုံတစ်ယောက်က စင်မြင့်ထက် တက်သွားကာ ကောင်းကင်တိုက်ပွဲနန်းတော်မှ ရန်ဟောင်ကို ပြန်ခေါ်လာခဲ့သည်။ ကောင်းကင်တိုက်ပွဲနန်းတော်သခင် ယန့်ကျန်းသည် ထိုတိုက်ပွဲကို မျက်မြင်တွေ့ပြီးနောက် သူ့အမူအရာက အေးစက်လာသည်။ သူက ခေါင်းကို မော့ကာ လမ်းစဥ်တိုက်ပွဲစင်မြင့်ထက် ရှိနေသော ရန်ဟောင်ကို အေးစက်စွာ ပြောလိုက်သည်။ “မင်းက မြောက်ပိုင်းလို ဝေးလံတဲ့ နေရာက လာခဲ့တယ်။ အဲဒီမှာ ဒီလောက်ရက်စက် အကြင်နာကင်းမဲ့ဖို့ လိုလို့လား။”

ထိုရန်ဟောင်က ယန့်ကျန်း၏ စကားများကို သိပ်ဂရုမစိုက်ပေ။ သူက ပြန်ဖြေလိုက်၏။ “ကျုပ် ကြားဖူးတာတော့ ကောင်းကင်တိုက်ပွဲနန်းတော်ရဲ့ လမ်းစဥ်တိုက်ပွဲစင်မြင့်က ရက်စက်တဲ့ နေရာတစ်ခုတဲ့။ ဒဏ်ရာရတာတွေ သေဆုံးတာတွေက အဖြစ်မများတာမှ မဟုတ်တာ။ ဒါက စစ်မှန်တဲ့ လမ်းစဥ်တိုက်ပွဲပဲလေ။ ဘာလို့ ကျုပ်ကျမှ ရက်စက်ပြီး အကြင်နာမရှိဘူးလို့ ပြောရတာလဲ။ ကျုပ်​ကြားဖူးတဲ့ ကောလာဟလတွေက မှားနေလို့လား။”

ကောင်းကင်၌ ရပ်နေသော မြောက်ပိုင်းမှ ရန်ဟောင်က တည်ငြိမ်စွာ ငုံ့ကြည့်နေပြီး သူက ထိုတုံ့ပြန်မှုကြောင့် အံ့သြဟန်မပြပေ။

ရီဖူရှင်းက ကောင်းကင်မှ ရန်ဟောင်ကို ကြည့်လိုက်​ပြီး ဇဝေဇဝါဖြစ်သွားသည်။ ဝမ်တုသို့ ရောက်ရှိလာသော မြောက်ပိုင်းမှ တန်ခိုးရှင်များမှာ အလွန် အစွမ်းထက်သည့် အပြင်လူများဟု ဆိုနိုင်ပေသည်။ သူတို့က မည်သည့်အတွက်ကြောင့် ထိုမျှ ရက်စက်ကာ အကြင်နာကင်းမဲ့ရသနည်း။

သူတို့က မြောက်ပိုင်းနယ်မြေနှင့် တုန်းဟွာပိုင်နက်အကြား ပဋိပက္ခများကို ယူဆောင်လာသည်လား။

သူတို့ဖိအားပေးနေသည့် နောက်ကွယ်၌ မည်သည့်အကြောင်းရင်း ရှိသနည်း။ သူတို့က ဝမ်ရှန့်စောင့်ကြည့်မျှော်စင်ကို ပစ်မှတ်ထားနေသည်လား။

“ကြည့်ရတာ ရောက်လာသူတွေက မရိုးရှင်းဘူးပဲ။ သူတို့တွေက ရှေးဟောင်းတော်ဝင် ယန်မိသားစုရဲ့ အမိန့်ကို လိုက်နာကြတယ်။ ဒီတန်ခိုးရှင်တွေက အညှာအတာကင်းပြီး ရိုင်းစိုင်းတယ်။ သူတို့နောက်မှာ ထောက်ပံ့ပေးနေတဲ့ တစ်​ယောက်ယောက် ရှိရမယ်။ အဲဒါက ရှေးဟောင်းတော်ဝင် ယန်မိသားစုပဲ ဖြစ်လိမ့်မယ်။ ဆိုလိုတာက ရှေးဟောင်းတော်ဝင် ယန်မိသားစုက ဒီလိုလုပ်ဖို့ သဘောတူပြီးသားပဲ။ ဒီလိုဆိုတော့ သူတို့ ဒီကို ရောက်လာတဲ့ ရည်ရွယ်ချက်က မရိုးရှင်းနိုင်ဘူး။” လင်ချိုးက ရီဖူရှင်းကို ပြောလိုက်သည်။

ရီဖူရှင်းက ခေါင်းညိတ်လိုက်၏။ သူတို့က အလွန် ရက်စက်လှပြီး သက်ညှာပေးမှု မရှိပေ။ သူတို့ ဤနေရာ၌ ဖိအားပေးချင်နေသည်။ ယခုကဲ့သို့ လုပ်ဆောင်မှုနှင့် သူတို့က တစ်စုံတစ်ယောက်ကို ပြသလို​ခြင်း ​ဖြစ်နိုင်သလို ဝမ်တုတစ်ခုလုံးကို ပြသခြင်းမျိုးလည်း ဖြစ်နိုင်သည်။

ကောင်းကင်တိုက်ပွဲနန်းတော်တွင် ဝမ်တုမှ တန်ခိုးရှင်များ စုစည်းနေကြပြီး အများစုမှာ တုန်းရှောင်းကုန်းမြေမှ ဖြစ်ကြသည်။ သို့သော် သူတို့က ထိုသို့ ပြုမူလာကြလေရာ သူတို့အား ကျောထောက်နောက်ခံ ပြုသူက ကျိန်းသေ ရိုးရှင်းမည် မဟုတ်ပေ။

ဤတိုက်ပွဲက လူအများ၏ စိတ်ခံစားချက်ကို ရှုပ်ထွေးစေသည်။ သူတို့က သနားစရာများ ဖြစ်နေကြသည်။ ထိုအချိန်၌ မည်သည့် အတွင်းရေးပဋိပက္ခများ ရှိနေပါစေ ကိစ္စမရှိပေ။ မြောက်ပိုင်းသားများ၏ မောက်မာလှသော အပြုအမူတို့က သူတို့အားလုံးအတွက် အထင်သေးစက်ဆုပ်ဖွယ်ပင် ဖြစ်လေ၏။

***


Comment

Leave a Reply


Options

not work with dark mode
Reset