အပိုင်း(၁၄၉၇)

ဝိညာဉ်ဖျက်ဆီးခြင်း

“အားကောင်းလိုက်တဲ့ ဓားချက်”

အနီးဝန်းကျင်ရှိ လူတိုင်းသည် လေးလံသည့် အကြည့်တို့ဖြင့် ဖြစ်ပေါ်နေသည်။ ထိုအခိုက်တွင် ပျောက်ဆုံးခြင်းနယ်မြေ၌ ထိုက်ရွှမ်မြို့မှ ခွန်အား အလွန်ကောင်းသည့် ပါရမီရှင်များ အများအပြား ရှိနေသော်လည်း သူတို့က ရီဖူရှင်း၏ ဓားချက်ကို မြင်သည့်အခါတွင် အနည်းငယ် အံ့အားသင့်သွားသလို ခံစားကြရပေသည်။

ဓားမုဒြာမှ ဖြစ်တည်လာသည့် ဓားသဏ္ဌာန်သည် အလွန် အစွမ်းထက်သည့် ဓားစွမ်းအားများ ပါဝင်နေပြီး ၎င်းတွင် ဓားဝိညာဉ်လည်း ရှိနေခဲ့သည်။ ယင်းဓားသည် ရန်သူကို ချက်ချင်း ရှုံးနိမ့်စေခဲ့ကာ ၎င်း၏ စွမ်းအားကလည်း အလွန် အားကောင်းလှပေသည်။

သူနှင့် အဆင့်တူညီသော သံသယကင်းစင်ခြင်းအဆင့်မှ လူများသည် ခွန်အားအကုန်လုံးကိုပင် မထုတ်ဖော်လိုက်နိုင်ဘဲ တစ်ချက်တည်းနှင့် ရှုံးနိမ့်ခဲ့ရသည်။

မင်းသမီးလော့ယွဲ့သည် ရီဖူရှင်းကို စူးစိုက်ကြည့်နေခဲ့သည်။ သူ့ညီမသည် ထိုသူ၏ ဓားချက်က အလွန် အားကောင်းသည်ဟု ပြောခဲ့သည်။ သူ၏ ဓားက မည်မျှ မြန်သည်ကို မပြသခဲ့သော်လည်း သူ၏ စွမ်းအားက ကြောက်မက်ဖွယ် ကောင်းသည်ကို ပြသခဲ့ပြီး ဖြစ်၏။ ဓားအလင်းသည် သူ့ခန္ဓာကိုယ်အနီးတွင် လှည့်ပတ်နေပြီး ထိုအချိန်၌ ရီဖူရှင်းသည် သူကိုယ်တိုင် ဓားတစ်လက် ဖြစ်သွားသကဲ့သို့ ထင်မှတ်ရသည်။ သူ့နောက်တွင် သက်စောင့်ဝိညာဉ်တစ်ခုဖြစ်သော ဓားဝိညာဉ် ပေါ်ပေါက်လာသည်။

ထိုသည်မှာ ဓားစွမ်းရည်တွင် အလွန် ကျွမ်းကျင်သည့် တန်ခိုးရှင်သာ ဖြစ်နိုင်ပေသည်။

လော့ယွဲ့ထံ၌ မဟာလမ်းစဉ် စွမ်းအားများ စီးဆင်းလာနေပြီး သူမသည် ကြိုးစားကြည့်ရန် စိတ်အားထက်သန်နေသည်။ သူမက ရီဖူရှင်း၏ ခွန်အားကို မြင်တွေ့လိုသော်လည်း တန့်ဟူနှင့် လင်းယွမ်က ရှေ့သို့ ခြေလှမ်းလာကာ ပြောလိုက်သည်။ “ဂျူနီယာညီမလေး.

သူ့ဓားက ဘယ်လောက်မြန်လဲ ကျုပ်တို့ကို စမ်းသပ်ခွင့်ပေးပါ”

တန့်ဟူနှင့် လင်းယွမ် နှစ်ယောက်လုံးက ပြန်လည်မွေးဖွားခြင်းအဆင့်တွင် ဖြစ်ကာ သူတို့သည် အလွန် အားကောင်းလှပေသည်။ သူတို့က ထိုက်ရွှမ်မြို့တော်အရှင်၏ တပည့်များလည်း ဖြစ်နေသေး၏။ သူတို့သည် များပြားလှသည့် အစွမ်းထက် ပညာရပ်များကို သင်ယူဖူးကာ ထိုက်ရွှမ်တစ်မြို့လုံး၌မှာပင် ကျော်ကြားကြသည်။

ယခု သူတို့သည် ပူးပေါင်းကာ သံသယကင်းစင်ခြင်းအဆင့်မှ တန်ခိုးရှင်တစ်ယောက်ကို ရင်ဆိုင်ချင်နေသည်။ ထိုသည်မှာ ဝိုင်း၍ အနိုင်ကျင့်နေသည်နှင့် တူပေသည်။ သို့သော် ဤဓားသမားက အလွန် အားကောင်းလှသည်ကို လူတိုင်း တွေ့ဖူးပြီးသားပင် ဖြစ်သည်။ ပြန်လည်မွေးဖွားခြင်းအဆင့်မှ တစ်စုံတစ်ယောက်သည်ပင် သူ့ကို ရှုံးနိမ့်စေရန် မဖြစ်နိုင်ခဲ့ပေ။

လော့ယွဲ့သည် ခေတ္တမျှ တွေဝေသွားသော်လည်း ခေါင်းညိတ်လိုက်သည်။ တန့်ဟူက ရှေ့သို့ ခြေချလိုက်ကာ လေထဲသို့ တက်လာ၍ ရီဖူရှင်းနှင့် မျက်နှာချင်းဆိုင်လိုက်သည်။ သူထံမှ အလွန်အားကောင်းသော ဖိအားကို ခံစားမိနိုင်ပေသည်။ သူ၏ ပြင်းထန်သည့် စွမ်းအားကို လူတိုင်း ခံစားမိကြပေသည်။

“မြို့တော်အရှင် ရုံးတော်က တန့်ဟူ။ ကျုပ်ရဲ့ အဆင့်နဲ့ မင်းကို တိုက်ခိုက်ဖို့က မတရားသလို ဖြစ်နေပေမဲ့ မင်းရဲ့ ဓားစွမ်းရည်က အရမ်းအားကောင်းလွန်းတယ်။ အဲဒါကြောင့် ကျုပ်လည်း စမ်းကြည့်ရုံအပြင် ရွေးချယ်စရာမရှိဘူး” တန့်ဟူက ပြောပြီးနောက် သူ၏ နောက်ကျောမှ ပုဆိန်ကြီးကို ထုတ်ယူလိုက်သည်။ သူက ပခုံး၌ လွယ်ထားခဲ့သော တိုက်ပွဲပုဆိန်အား သာမန်အတိုင်းပင် ဆွဲကိုင်လိုက်ပေသည်။

မမြင်နိုင်သည့် မုန်တိုင်းက နေရာအနှံ့မှ ထွက်ပေါ်လာပြီး လေထုထဲတွင် အော်မြည်နေကာ ထက်ရှသည့် ဓားသွားများနှင့် လူတိုင်း၏ အသားအရေတို့အား ထိုးဆွနေသကဲ့သို့ ခံစားလိုက်ကြရပေသည်။ အနီးအနားရှိ လူများမှာ အေးစက်မှုကို ခံစားလိုက်ကြရသည်။ တန့်ဟူသည် မုန်တိုင်းရှန့်ထိုအဖြစ် ကျော်ကြားပြီး သူ့အဆင့်တွင် သူ့အား ယှဉ်နိုင်သူမှာ ထိုက်ရွှမ်မြို့၌ များများစားစားမရှိတာကြောင့် သူသည် သံသယကင်းစင်ခြင်းအဆင့်မှ တစ်စုံတစ်ယောက်အား စိတ်ထဲမထားပေ။ ယခင်က ဤကဲ့သို့သော တိုက်ပွဲမျိုး ဆင်နွှဲခဲ့ဖူးခြင်းမရှိပေ။ သူကသာ အဆင့်မြင့်များကို စိန်ခေါ်ခဲ့ဖူးပြီး သူ့ထက်နိမ့်သည့်အဆင့်များက သူ့ကို ယှဉ်နိုင်သူ မည်သူမှ မရှိခဲ့ပေ။

“အသင့်ဖြစ်ပြီလား” တန့်ဟူက လွှမ်းမိုးနိုင်သော အသံဖြင့် ရီဖူရှင်းကို ကျယ်လောင်စွာ မေးလိုက်သည်။

“စ ပါ” ရီဖူရှင်းက ပြန်ဖြေလိုက်သည်။ ထိုက်ရွှမ်မြို့တော်အရှင်၏ တပည့်သည် ထူးခြားသာလွန်သည့် အဆင့်အတန်းရှိပြီးသား ဖြစ်သည်။ သူ့ဆရာက မြို့တော်အရှင် ကိုယ်တိုင် ဖြစ်၏။

တန့်ဟူသည် ရှေ့သို့ လျှောက်ကာ တက်လာပြီး ရုတ်တရက် ကြောက်မက်ဖွယ် မုန်တိုင်းက ကောင်းကင်နှင့် မြေကြီးအကြားတွင် တိုက်ခတ်လာသည်။ ဤမုန်တိုင်း၏ စွမ်းအားက ထိတွေ့၍ရသော ဖြစ်တည်မှုတစ်ခုအဖြစ် ပြောင်းလဲလာကာ များပြားလှသည့် အသွားများက ရီဖူရှင်းကို ပိုင်းဖြတ်ရန် ဝင်ရောက်လာသည်။

ရီဖူရှင်း၏ ခန္ဓာကိုယ်အနီး၌ ဓားမုဒြာ ထွက်ပေါ်လာပြီး သူ၏ ခန္ဓာကိုယ်ကို ဗဟိုပြုကာ လှည့်ပတ်နေသည်။ ဓားမုန်တိုင်းတစ်ခု ဖြစ်တည်လာကာ အလွန် ပြင်းထန်အားကောင်းသည့် အင်အားနှစ်ခုက ထိပ်တိုက်တွေ့ဆုံမိကြပြီး အလွန် စူးဝါးထက်ရှသည့် အသံတစ်ခု ထွက်ပေါ်လာသည်။

မုန်တိုင်းက အားကောင်းလာကာ ချက်ချင်းပင် လေဟာနယ်ကို ဖျက်ဆီးလိုက်သည်။ ရီဖူရှင်း ရပ်နေခဲ့သည့် ကျောက်တုံးကျောက်ဆောင် အချို့သည်ပင် မုန်တိုင်းအတွင်း နစ်မြုပ်သွားခဲ့သည်။ ဓားမုဒြာသည် ဝင်ရောက်လာသည့် မုန်တိုင်းကို တားဆီးခြင်းမရှိခဲ့ပေ။ တန့်ဟူသည် ရုတ်တရက် ပြင်းထန်သည့် ခြေလှမ်းကို လှမ်းလိုက်ပြီး ထိုခြေလှမ်းတွင် အလွန် လွှမ်းမိုးနိုင်စွမ်းရှိသော စွမ်းအားများပါဝင်နေသည်။ မုန်တိုင်းသည် ဓားများထက် ပို၍ ထက်ရှလာကာ လေဟာနယ်ကို ဖြတ်၍ ရီဖူရှင်း၏ ခန္ဓာကိုယ်ကို အပိုင်းပိုင်း ခုတ်ဖြတ်ချင်နေသည်။

မုန်တိုင်အတွင်း ရပ်နေသည့် သူမှာ သာမန် ရှန့်ထိုအဆင့်သာ ဖြစ်ပါက ချက်ချင်း အသတ်ခံလိုက်ရပေလိမ့်မည်။

“မင်းတိုက်ခိုက်ဖို့ အသင့်မဖြစ်သေးဘူးလား” တန့်ဟူက ရီဖူရှင်းကို အရင်တိုက်ခိုက်ရန် အခွင့်အရေး ပေးခဲ့သော်လည်း ရီဖူရှင်းက အလျင်လိုပုံမရပေ။ ဓားစွမ်းအားက သူ၏ တစ်ကိုယ်လုံးကို ရစ်ပတ်နေပြီး မုန်တိုင်းစွမ်းအားများကို ခုခံရင်းနှင့်ပင် သူသည် မုန်တိုင်းအတွင်း နစ်မြုပ်သွားခဲ့သည်။

တန့်ဟူ၏ ဘယ်ဘက်လက်က ဆန့်ထွက်လာခဲ့သည်။ ရုတ်တရက် လေထုကို ဆုပ်ဆွဲလိုက်ကာ ကျယ်လောင်သည့် ဘုန်းခနဲ အသံတစ်ခုက ကောင်းကင်နှင့် မြေကြီးအကြားတွင် ထွက်ပေါ်လာသည်။ ရီဖူရှင်းရှိနေသည့် နေရာသည် မုန်တိုင်းဖြင့် ဖိညှစ်နေခြင်းကို ခံရသကဲ့သို့ ဖြစ်လာကာ ကြောက်မက်ဖွယ် မုန်တိုင်းက ဆက်လက်အော်မြည်နေသည်။ ၎င်းမုန်တိုင်းက သူ၏ ခန္ဓာကိုယ်ကို အပိုင်းပိုင်း စုတ်ဖြဲချင်နေသကဲ့သို့ပင် ဖြစ်သည်။ အလွန် လွှမ်းမိုးနိုင်စွမ်းရှိသည့် လမ်းစဉ်စွမ်းအားက သူ့ခန္ဓာကိုယ်ကို ဖိနှိပ်ထားသည်။

သူ့နောက်မှ ဓားဝိညာဉ်သည် အော်မြည်လာကာ မရေတွက်နိုင်သည့် ဓားမုဒြာများက လှည့်ပတ်နေသည်။ ဓားဝိညာဉ်မှ ပြောင်းလဲလာသည့် ဓားသည် ထက်ရှသည်ထက် ထက်ရှလာကာ ဓားကြီးတစ်လက်အဖြစ် ပြောင်းလဲသွားပြီး လေဟာနယ်ကို ထိုးဖောက်သွားသည်။

“သွား” ရီဖူရှင်းက အမိန့်ပေးလိုက်ပြီး ဓားစွမ်းအားက လမ်းကြောင်းတစ်လျှောက် ထိုးထွက်သွားကာ မုန်တိုင်းကို နှစ်ခြမ်းကွဲသွားစေပြီး မရေတွက်နိုင်သည့် ဓားမုဒြာက ရှေ့သို့ တည့်တည့် ဆက်လက်ရွေ့လျားလာသည်။ သူတို့သည် မရေတွက်နိုင်သည့် ဓားစွမ်းအင်လှိုင်းများအဖြစ် ပြောင်းလဲသွားကာ ဘေထဲရှိ တန့်ဟူထံသို့ ချက်ချင်း တိုးဝင်သွားသည်။

တန့်ဟူက ပြုံးလိုက်သည်။ ထိုမျှ ကျော်ကြားသူက ရိုးရှင်းလိမ့်မည် မဟုတ်ပေ။ ထိုလူသည် ဤနေရာ၌ ယခုကဲ့သို့ အခြေအနေမျိုး ဖြစ်စေခဲ့သည်။ သေချာပေါက် သူက ရိုးရှင်းသောသူ မဟုတ်ပေ။

သူ၏ လက်များက ရှေ့သို့ ရောက်ရှိသွားပြီး တိုက်ပွဲပုဆိန်သည် ကြောက်မက်ဖွယ် မုန်တိုင်းတစ်ခုကို သယ်ဆောင်လာသည်။ ကောင်းကင်ထက်ရှိ မုန်တိုင်းက တိုက်ပွဲပုဆိန်ကို ဝန်းရံထားသည်။  မုန်တိုင်းတစ်ခုစီက တိုက်ပွဲပုဆိန်၏ ခုတ်ချက်နှင့် တူပေသည်။ ဤတိုက်ပွဲပုဆိန်သည် အဆင့်မြင့်မှော်လက်နက် မဟုတ်သော်လည်း တန့်ဟူ၏ လက်တွင်း၌ နာမည်ကြီးလာခဲ့သည်။ ထို့ကြောင့် ယင်းကို မုန်တိုင်းတိုက်ပွဲပုဆိန်ဟု ခေါ်လေသည်။

မရေတွက်နိုင်သည့် မုန်တိုင်းများက တိုက်ပွဲပုဆိတ်ထက်၌ ဖွဲ့တည်လာသည်။ တန့်ဟူက ရီဖူရှင်းအား စိုက်ကြည့်လိုက်ပြီး သူ၏ပုဆိန်အား လွှဲယမ်းကာ ကောင်းကင်ကို ဖွင့်လှစ်၍ ရီဖူရှင်း၏ ဓားနှင့် ထိပ်တိုက်တွေ့ဆုံစေလိုက်သည်။ ချက်ချင်းပင် လွှမ်းမိုးနိုင်သော စွမ်းအားက ဓားချီကို ဖျက်ဆီးပစ်လိုက်ကာ ၎င်း၏ စွမ်းအားကို ထုတ်ဖော်ပြလိုက်ပေသည်။

ရီဖူရှင်းက သူ၏ လက်များကို ရှေ့မှ ဓားပေါ်တွင် တင်လိုက်ပြီး မရေတွက်နိုင်သည့် ဓားမုဒြာများက စုစည်းကာ တစ်ခုတည်း ဖြစ်လာသည်။ ထိုအချိန်တွင် ဓားချီသည် စွမ်းအားအမြင့်ဆုံးသို့ ရောက်ရှိလာကာ သူ၏ ခန္ဓာကိုယ်မှ ဓားအလင်းများသည် ကောင်းကင်သို့ ပေါက်ကွဲထွက်လာကာ လေထဲရှိ မုန်တိုင်းဆီသို့ ဦးတည်သွားပေသည်။

“သွား”

ရီဖူရှင်းက ခိုင်မြဲစွာ ဆုပ်ကိုင်ထားရာမှ လွှတ်ပေးလိုက်ပြီး ထက်ရှစူးဝါးသည့် အသံကို ကြားလိုက်ရသည်။ ဓားသည် အလွန် လျင်မြန်ပြီး တိုက်ပွဲပုဆိန်၏ အလင်းကို ဖြတ်သန်းချိုးဖျက်သွားကာ လေထဲရှိ တန့်ဟူထံ တရကြမ်းတိုးဝင်သွားခဲ့၏။

ထိုသည်ကို ကြည့်ရင်း တန့်ဟူ၏ မျက်နှာထက်၌ အံ့အားသင့်သည့် အကြည့်တို့ ပေါ်ပေါက်လာသည်။ သူက လေထဲသို့  ခုန်တက်ပြီး သူ၏ ခန္ဓာကိုယ်ကို လှည့်ပတ်ကာ နောက်ထပ် ပုဆိန်ရိုက်ချက်ကို ထုတ်လွှတ်လိုက်သည်။ မရေတွက်နိုင်သည့် မုန်တိုင်းအလင်းများက ပြင်းထန်သည့် ပုဆိန်စွမ်းအားများအဖြစ် ပြောင်းလဲသွားပြီး လေဟာနယ်ကို ချိုးဖျက်ရန် ကြိုးစားကာ ရီဖူရှင်းနှင့် ထိုဓားဆီ ရည်ရွယ်တိုးဝင်သွားသည်။

တိုက်ပွဲပုဆိန်နှင့် ဓားကြီးတို့က ထိပ်တိုက်တွေ့ဆုံသွားပြီး ကြောက်မက်ဖွယ် ဖျက်ဆီးခြင်းအလင်းများ ထွက်ပေါ်လာသည်။ ခဏအတွင်းပင် ဓားကြီးက ပျောက်ကွယ်သွားခဲ့ပြီး မရေတွက်နိုင်သော ဓားများအဖြစ်သို့ ပြောင်းလဲသွားကာ ဓားဝင်္ကပါကဲ့သို့ပင် လေဟာနယ်ကို ဖြတ်သန်းကာ တန့်ဟူထံသို့ ရောက်လာခဲ့သည်။

ထိုဓားသည် အကုန်လုံး အလွန် လျင်မြန်လှသည်။ ယင်းတွင် လေဟာနယ်စွမ်းအားများ ပါဝင်နေပြီး လေဟာနယ်ကို တိုက်ရိုက်ဖြတ်သန်းကာ သူ့ထံသို့ ပြေးဝင်လာ၏။

ဓားအလင်းတစ်ခုသည် သူ၏ လည်ပင်းအနီးမှ ဖြတ်သန်းသွားခဲ့ပြီး သူ၏ခန္ဓာကိုယ်တစ်ခုလုံးကို အေးစိမ့်သွားစေသည်။ ကျယ်လောင်သည့် အော်ဟစ်သံနှင့် တိုက်ပွဲပုဆိန်က စတင် လည်ပတ်လာပြီး အရာအားလုံးကို ဖျက်ဆီးပစ်နိုင်သော ပြင်းထန်သည့် အလင်းတို့ကို ထုတ်လွှတ်လိုက်သည်။ သို့သော် ဓားများသည် မျက်စိရှိနေသကဲ့သို့ ထင်မှတ်ရကာ ထိုရိုက်ချက်အား ရှောင်တိမ်းလိုက်ပြီး ရပ်တန့်သွားခြင်းမရှိ ဆက်လက်တိုက်ခိုက်လာနေသည်။

“သူ့ရဲ့ တိုက်ခိုက်မှု ဓားစွမ်းအားက ဒီလောက် အားကောင်းတာလား” လူအများ၏ နှလုံးသားတို့က ထိတ်လန့်တုန်လှုပ်မှုတို့ဖြင့် ပြည့်နှက်သွားသည်။

သူ့ ပြိုင်ဘက်က ထိုက်ရွှမ်မြို့တော်အရှင်၏ တပည့် မုန်တိုင်းရှန့်ထို တန့်ဟူဖြစ်သည်။

လူအများက ရီဖူရှင်းကို ကြည့်လိုက်ကြ၏။ သူ၏ တစ်ကိုယ်လုံးက ဓားတစ်လက်၏ အတွင်း၌ ရှိနေသကဲ့သို့ ထင်မှတ်ရကာ ဓားတစ်လက်သဏ္ဌာန်က သူ့ကို ဓားအတွင်းတွင် လုံခြုံအောင် ဖုံးကွယ်ထားခဲ့သည်။ သူ၏ မျက်လုံးများကို ပိတ်လိုက်ပြီး သူသည် ကောင်းကင်နှင့် မြေကြီးမှ မဟာလမ်းစဉ် စွမ်းအားများနှင့် တစ်သားတည်း ဖြစ်သွားခဲ့သည်။ အနီးဝန်းကျင်မှ ဓားသမားများ၏ ဓားအားလုံးက တုန်ခါနေကြသည်။ ၎င်းတို့သည် သူတို့၏ ထိန်းချုပ်မှုအောက်၌ မရှိတော့သကဲ့သို့ ဖြစ်လာပြီး ထိုဓားသမားများ၏ ခန္ဓာကိုယ်အတွင်းမှ ဓားချီများသည်ပင် သူ့ထံသို့ စီးဆင်းသွားသလို ထင်မှတ်ရသည်။

ဤနေရာ၌သာ မဟုတ်ဘဲ ပျောက်ဆုံးနယ်မြေအတွင်းရှိ နေရာများတွင်လည်း ထိုသို့ ဖြစ်ကာ သူတို့သည် အံ့အားတသင့်နှင့် ထိုမြင်ကွင်းကို ကြည့်လာကြသည်။

ကျယ်လောင်သည့် အော်မြည်သံနှင့် တန့်ဟူသည် လေထဲတွင် လှည့်ပတ်ကာ ထိုစွမ်းအားများကို ဖြတ်တောက်လိုက်သည်။ များပြားလှသည့် ဓားများက မည်သည်မှ မကျန်တော့သည်ထိ ဖျက်ဆီးခံလိုက်ရပေသည်။

သူက ရီဖူရှင်းကို ကြည့်လိုက်သည်။ သူသည် မြို့တော်အရှင်၏ တပည့်ဖြစ်ပြီး ပြန်လည်မွေးဖွားခြင်းအဆင့် တစ်ယောက်အနေနှင့် ဤတိုက်ပွဲသည် သူ့အား အရှက်ရစေခဲ့သည်။

ရီဖူရှင်း၏ အရည်အချင်းက ထူးချွန်နေလျှင်ပင် သူ၏ အဆင့်နှင့်ဆိုပါက လွယ်ကူစွာ တိုက်ခိုက်ချေမှုန်းနိုင်သင့်ပေသည်။

မုန်တိုင်းတိုက်ပွဲပုဆိန်က မြောက်တက်လာပြီး ထောင်ချီသည့် မုန်တိုင်းအလင်းများက မိုးကြိုးများကဲ့သို့ပင် ကောင်းကင်နှင့် မြေကြီးအကြား လင်းလက်လာသည်။ လူအများ၏ နှလုံးသားများက အခုန်မြန်လာခဲ့၏။ တန့်ဟူ၏ ပုဆိန်က တိုက်ခိုက်ရသေးခြင်း မရှိလျှင်ပင် သူတို့သည် ၎င်း၏ ခမ်းနားထည်ဝါသော အရှိန်အဝါကို ခံစားမိကြသည်။

“တန့်ဟူက သူ့ရဲ့ အကောင်းဆုံးစွမ်းရည်ကို သုံးလိုက်ပြီ” လူအများ၏ နှလုံးသားက အခုန်မြန်လာကြသည်။ သူတို့သည် ထိုရိုက်ချက်ကို အသုံးပြုသည့်အခါ၌ မည်မျှ အားကောင်းလိမ့်မည်ကို မှန်းဆနိုင်ခြင်း မရှိကြပေ။

ရီဖူရှင်းက လေထဲသို့ မော့ကြည့်လိုက်သည်။ သူ၏ အမူအရာက သာမန်အတိုင်းပင် ငြိမ်သက်အေးချမ်းနေသည်။  ဓားဝိညာဉ်သည် သူ၏ လက်နှစ်ဖက်ဖြင့် ဆုပ်ကိုင်ထားသော ဓားအတွင်း တိုက်ရိုက်ပေါ်ပေါက်လာပြီး ဓားအလင်းများကို မိုင်ပေါင်းများစွာထိ ထုတ်လွှတ်လိုက်သည်။

တန့်ဟူ၏ ပုဆိန်က အောက်သို့ ကျဆင်းလာကာ ကောင်းကင်ထက်တွင် အလင်းရောင်တစ်ခု ထွက်ပေါ်လာ၏။ အလင်းတန်းတစ်ခုသည် အထက်မှ အောက်သို့ ရီဖူရှင်း ရှိနေရာဆီ ခုတ်ပိုင်းလာခဲ့ပေသည်။

“ဝိညာဉ်ဖျက်ဆီးခြင်း”

ရီဖူရှင်းက ရေရွတ်လိုက်ပြီး သူ၏ ဓားနှင့် ရိုက်ခတ်လိုက်သည်။ ၎င်းသည် တစ်စုံတစ်ယောက်အား ဝိညာဉ်ပျက်စီးသွားစေရန် လုပ်ဆောင်နိုင်ပေသည်။

ကောင်းကင်ထက်တွင် ဓားနှင့် ပုဆိန်အလင်းတို့က တစ်ခုနှင့် တစ်ခု ထိပ်တိုက်တွေ့သွားခဲ့သည်။  ပုဆိန်နှင့် ဓားကြားတွင် ပြင်းထန်သည့် တိုက်ခိုက်မှု ဖြစ်ပွားခဲ့၏။

“ထပ် သွား” ရီဖူရှင်းက အမိန့်ပေးလိုက်ပြီး သူ့ခန္ဓာကိုယ်မှ နောက်ထပ် ဓားတစ်လက် မွေးဖွားလာကာ လေထုကို ဖြတ်သန်း သွားသည်။

ဝှစ်… ဝှစ်… ဝှစ်….

ဓားက လေထုကို ဆက်လက် ဖြတ်သန်းလာကာ လေထုသည် အလွန်အမင်း ဖိနှိပ်ခံရ၍ အက်ကွဲကာ ပျက်စီးသွားတော့မလို ဖြစ်လာသည်။

ဘန်း… ဘန်း… ဘန်း…

လမ်းစဉ်စွမ်းအားများက ပျက်စီးပြိုပျက်သွားခဲ့သည်။ ကျယ်လောင်သည့်အသံနှင့် ကြီးမားသည့် တိုက်ပွဲပုဆိန်၏ အလင်းများသည်လည်း ကျိုးပြတ်ကာ ဖျက်ဆီးခံလိုက်ရသည်။

ဓားသည် လေထုကို ချိုးဖျက်လာကာ လေထဲရှိ တန့်ဟူ၏ ရှေ့သို့ ကျဆင်းလာသည်။ တန့်ဟူသည် တိုက်ပွဲပုဆိန်နှင့် တစ်ဖန်ထပ်၍ ရိုက်ခတ်လိုက်သော်လည်း ချက်ချင်းပင် သူ့ခန္ဓာကိုယ်ကို ဓားအလက်ထောင်ပေါင်းများစွာ ဖြတ်သန်းစိုက်ဝင်လာသကဲ့သို့ ခံစားလိုက်ရပြီး သူ၏ စိတ်ဝိညာဉ်ကို အဆုံးမဲ့ ဓားစွမ်းအားများဖြင့် ထိုးဖောက်ခံလိုက်ရသကဲ့သို့ ပြင်းထန်စွာ တုန်ခါလာသည်။

လူအုပ်ကြီးသည် အလင်းတစ်ချက် လက်သွားသည်ကို မြင်လိုက်ရပြီး ရီဖူရှင်း၏ ပုံရိပ်က ဆင်းသက်လာသည်။ သူ၏ လက်က ဓားပေါ်သို့ ရိုက်ခတ်လိုက်ကာ ဓားအလင်းများက လေထုကို ထိုးဖောက်လိုက်သည်။ တန့်ဟူက ညည်းညူလိုက်ပြီး သူ၏ ခန္ဓာကိုယ်က လွင့်စဉ်သွားသည်။

“တန့်ဟူ ရှုံးသွားပြီ” လူတိုင်းသည် သူတို့၏ အမူအရာ ပြောင်းလဲသွားသည်ကို မြင်လိုက်ရသည်။ သူတို့၏ နှလုံးသားများက ပြင်းထန်စွာ တုန်ခါလာနေပြီး စိတ်လှုပ်ရှားမှုတို့ဖြင့် ပြည့်နှက်နေကာ ကိုယ်တိုင် ကြိုးစားလိုသည့် ဆန္ဒများ ဖြစ်ပေါ်လာသည်။ ဤလူ၏ တိုက်ပွဲစွမ်းအားက အမှန်တကယ် အားကောင်းလွန်းသည်လား။

သူသည် လူတိုင်း၏ တုံ့ပြန်မှုကို ခံစားမိလိုက်သည်။ ရီဖူရှင်း၏ လက်များက လေထုအတွင်း၌ စည်းတံဆိပ်သဏ္ဌာန် ဖန်တီးထားပေသည်။ ထိုအခိုက်တွင် မဟာလမ်းစဉ် လေဟာနယ်သည် ဓားစွမ်းအားများနှင့် ပြည့်နှက်နေသည်။ သူတို့ မည်သည့်နေရာ၌ ဖြစ်စေ ဓားစွမ်းအားများက နေရာအနှံ့ ရှိနေခဲ့သည်။

ဓားများသည် ရီဖူရှင်း၏ ခန္ဓာကိုယ်ကို ဝန်းရံ၍ လေထုထဲတွင် ချက်ချင်း ဖွဲ့စည်းလာကာ ကောင်းကင်ထက်တွင် ဇောက်ထိုးခိုနေခဲ့သည်။

ရီဖူရှင်း၏ စိတ်က စေစားသည့်အတိုင်း ဓားများက ချက်ချင်း တစ်ဖက် တန်ခိုးရှင်ကို ညွှန်ပြလိုက်ကာ လူတိုင်းသည် သူတို့၏ စိတ်ဝိညာဉ်ကို ဖိနှိပ်ထားသကဲ့သို့ ခံစားလာရပေသည်။

“ဓားတစ်ချောင်းဆို လုံလောက်ပြီ” ရီဖူရှင်းပြောလိုက်ပြီး သူ၏ အသံ၌ ဓားစွမ်းအားများ ပါဝင်နေသကဲ့သို့ပင် ဖြစ်သည်။ သူ၏ အသံ ထွက်ပေါ်လာသည့်အခါ လူတိုင်းသည် မရေတွက်နိုင်သော ဓားစွမ်းအားများက သူတို့၏ ခန္ဓာကိုယ်ပေါ် ကျဆင်းလာသကဲ့သို့ ခံစားလိုက်ရပြီး မကြာခင်၌ ဓားအစစ်များ ကျဆင်းလာပေသည်။

ထိုခဏ၌ သူတို့သည် ပြန်လည်မွေးဖွားခြင်းအဆင့် တန်ခိုးရှင်များ ဖြစ်နေလျှင်ပင် သူတို့သည် စွမ်းအားများကို စုစည်း၍ ထိုရိုက်ချက်ကို ခုခံကာကွယ်လိုက်ရသည်။

ဘုန်း… ဘုန်း…. ဘုန်း…

ဤဓားတိုက်ရိုက်မှုက လော့ယွဲ့အပါအဝင် လူတိုင်းကို ရည်ရွယ်ထားခဲ့သည်။ ပြင်းထန်သည့် ဓားစွမ်းအားများက လော့ယွဲ့အနီးတွင် ထွက်ပေါ်လာသည်။ သူမသည်လည်း ဓားပညာရပ်ကို ကျင့်ကြံပေသည်။

သို့သော် ရီဖူရှင်း၏ ဓားက ရောက်ရှိလာသည့်အခါ သူမသည် ဓားအလက်ထောင်ပေါင်းများစွာနှင့် ထိုးစိုက်လာသကဲ့သို့ ခံစားလိုက်ရသည်။

ဖူး….

ခပ်တိုးတိုးညည်းသံ ထွက်ပေါ်လာသည်။ ဓားစွမ်းအားများက သူမ၏ ခန္ဓာကိုယ်ကို ထိုးဖောက်နေသည်ကို ထင်မှတ်ရပြီး သူမ၏ စိတ်ထဲတွင် အတွေးတစ်ချက် ဖြစ်ပေါ်လာကာ သူမသည် ထိုနေရာမှ ပျောက်ဆုံးသွားခဲ့သည်။

သူမသာလျှင် မဟုတ်ဘဲ များပြားလှသည့် လူတို့သည် သူတို့ ရှိနေရာမှ ပျောက်ကွယ်သွားခဲ့ကာ ရီဖူရှင်းသည်လည်း အတူတူပင် ဖြစ်သည်။

***


Comment

Leave a Reply


Options

not work with dark mode
Reset