အခန်း(၇)

အခန်း (၇)  : စီးပွားရေး

ကုတ်အဖြူနှင့် ဇွန်ဘီက ဂီးဂီးဂါးဂါး လည်ချောင်းအသံ  ပြုလုပ်လိုက်သည်။ သူ့လက်ထဲမှ မိန်းကလေးကို ရှေ့တွန်းပို့လိုက်ပြီးနောက် ပုတ်ရွဲနေသည့် လက်ဝါးကို ဖြန့်ကာ အမြုတေများစွာကို ထုတ်ပြလိုက်သည်။ ဝမ်ချင်းလင်ပင် အံ့အားသင့်သွားမိသည်။

ဒီဇွန်ဘီက လူသားအသိစိတ် အရိပ်အယောင် တကယ်ကြီး ရှိနေတာပဲ …

သူက ဝမ်ချင်းလင်အား မိန်းကလေးကို အသိစိတ်ရှိလာသည့် ဇွန်ဘီ ဖြစ်လာအောင် ကူညီခိုင်းနေခြင်း ဖြစ်သည်။

ကျန်းလန်  “ သူတို့ကို အရင်ကြိုးစားကုကြည့်ကြတာပေါ့။ အမြုတေ မတောင်းခင် သူတို့အရင်ကောင်းလာတဲ့အထိ စောင့်ရအောင် ”

ဝမ်ချင်းလင်က ရုံးခန်းမှ သွေးအနီမိုနီ နည်းနည်း ထုတ်လာကာ  “ စားချင်လား ”

ထိုမိန်းကလေးက ဂီးဂီးလုပ်ရင်း ရှေ့တိုးလာပြီး လက်သီးအရွယ် သွေးအနီမိုနီကို ယူလိုက်သည်။ ထိုအရာမှ သွေးနံ့လေး ပျံ့လွှင့်နေသည်။

ဆေးခန်းအပြင်ဘက်တွင် အနံ့ကြောင့် ဆွဲဆောင်ခံလိုက်ရတဲ့ ဇွန်ဘီများ စုဝေးနေကြသည်။ သို့သော်လည်း သူတို့က ရှေ့တိုးမလာရဲဘဲ အဝေးကနေသာ ကြည့်နေကြသည်။

ဝမ်ချင်းလင်က သူ့မိဘအခြေအနေသည် သူ့သွေးကြောင့်လား ဒါမှမဟုတ် သွေးအနီမိုနီကြောင့်လား မသည်းကွဲပေ။ သူက အနည်းငယ် စမ်းသပ်ရုံမှအပ ရွေးချယ်စရာ မရှိပေ။

ထိုမိန်းကလေးက နည်းနည်း စားလိုက်ပြီးနောက် လက်ကျန် သွေးအနီမိုနီတစ်ဝက်အား ကုတ်အဖြူနှင့် ဇွန်ဘီဆီ ပေးလိုက်သည်။ ကုတ်အဖြူနှင့် ဇွန်ဘီက အလွန်တရာ ဆာလောင်နေပုံရသည်။ သူက သွေးအနီမိုနီကို ယူလိုက်ပြီး အလုတ်ရေ အနည်းငယ်ဖြင့် အပြီးသတ်ပစ်လိုက်သည်။

သူ့မှတ်ဉာဏ်များ ပြန်ရလာသည်။ ကမောက်ကမ ဖြစ်နေသည့် ဦးနှောက်က ဖြည်းဖြည်းချင်း ရှင်းလင်းလာသည်။  မှုန်ဝေဝေအကြည့်များက ပျောက်ကွယ်သွားပြီး အသက်ဝင်မှုများ အစားထိုးဝင်ရောက်လာသည်။

ဝမ်ချင်းလင်က သူတို့အား တစ်ချိန်လုံး စောင့်ကြည့်နေသည်။ သူတို့ ပျက်စီးယိုယွင်းနေသော ခန္ဓာကိုယ်များက အချိန်တစ်ခုအထိ မပြောင်းလဲသွားသော်လည်း သူတို့အပြုအမူများက ပြောင်းလဲလာကြသည်။

ခဏကြာသည့်အထိ စောင့်ဆိုင်းပြီးနောက် ကုတ်အဖြူနှင့် ဇွန်ဘီက အသံခပ်ဩဩဖြင့် ပြောလာသည် “ ကျေးဇူးပါ ”

ပုတ်ရွဲနေသည့် ခန္ဓာကိုယ်က ပြန်ကောင်းမလာသေးပေ။ ကုတ်အဖြူ ဇွန်ဘီက အသိစိတ် ပြန်ရယူနိုင်ခဲ့သည်။

ဝမ်ချင်းလင်က သွေးအနီမိုနီကြီးကြီးယူကာ နှစ်ယောက်လုံးကို ထပ်စားခိုင်းလိုက်သည်။

သူ့မိဘများ ကြုံတွေ့ခဲ့ကြသည့်အတိုင်း ဇွန်ဘီနှစ်ယောက်တွင် အသားအသစ် ထွက်လာပြီး အရိုးများ ပြန်လည်နေရာကျသွားလေသည်။

သူတို့၏ ခန္ဓာကိုယ်ကို ကြည့်ကာ ဖုန်းပင်း၏ မျက်နှာက ဘာအမူအယာမှ ဖော်မပြနိုင်သော်လည်း အလွန်စိတ်လှုပ်ရှားလာမိသည် “ ကျုပ် အကြွေးတင်နေတဲ့ အမြုတေတွေကို သေချာပေါက် ပြန်ဆပ်ပါ့မယ် ”

အသေးလေး ထုံထုံကလည်း အကြောသေနေသော မျက်နှာလေးဖြင့် ကျေးဇူးတင်လာသည်  “ အစ်ကိုကြီး ကျေးဇူးပါနော် ”

ဝမ်ချင်းလင်က သူတို့အား သတိပေးလိုက်သည်  “ငါတို့က လူတွေနဲ့ တူပေမဲ့ လူသားတွေ မဟုတ်ဘူး။ တကယ်လို့ ဗိုက်ဆာရင် သန္ဓေပြောင်း တိရစ္ဆာန်တွေကို စားလို့ရတယ်။ လူသားတွေကို မစားပါနဲ့ … လူသားတွေ ခင်ဗျားတို့ကို အမဲလိုက်လာစေမဲ့ အကြောင်းပြချက်မျိုး မပေးနဲ့”

ဖုန်းပင်းက ခေါင်းညိတ်ကာ  “ကျုပ် သေချာချုပ်ထိန်းပါ့မယ် ”

ဝမ်ချင်းလင်၏ မှန်းဆချက် မှန်ကန်နေလေပြီ။ သွေးအနီမိုနီက သူတို့၏ ခန္ဓာကိုယ်များကို ပြန်လည်ကောင်းမွန်လာစေပြီး အသိစိတ် ပြန်ရလာအောင် ကူညီပေးနိုင်သည်။

ဝမ်ချင်းလင်က သွေးအနီမိုနီကို စားပြီး ပြန်ကောင်းလာသည့် ဇွန်ဘီနှင့် သွေးအနီမိုနီအပြင် သူ့သွေးကိုပါ သောက်ခဲ့ကြသည့် သူ့မိဘကြားမှ ကွာခြားချက်ကို သိချင်နေမိသည်။

နှိုင်းယှဉ်ချက်တချို့လုပ်ပြီးနောက် ထိုအုပ်စုနှစ်ခုကြားမှ အင်အားကွာခြားချက်သည် အလွန်ကြီးမားနေကြောင်း သတိထားလိုက်မိသည်။

သူ့မိဘများ၏ အမြန်နှုန်းနှင့် အင်အားက အဆင့် ၃ ဆင့်ကဲသက်ရှိပုံစံနှင့် ယှဉ်နိုင်လုနီးပါး ဖြစ်၏။ ဖုန်းပင်း၏ အင်အားမှာ သာမန်ဇွန်ဘီထက် အားကောင်းရုံမျှသာ ဖြစ်ပြီး အဆင့် ၁ ဆင့်ကဲသက်ရှိပုံစံဖြစ်ဖို့ အနည်းငယ် လိုအပ်နေသေးသည်။

သားသတ်သမားနှင့် နှိုင်းယှဉ်ကြည့်ပါက ဖုန်းပင်းက အမြန်နှုန်း ပိုမြန်ဆန်သော်လည်း အင်အားက အားနည်းနေသေးသည်။ သို့သော်လည်း သူတို့တွင် တူညီချက်တစ်ခု ရှိ၏။ သူတို့အားလုံးက ဇွန်ဘီအမြုတေကို မစုပ်ယူနိုင်ကြပေ။

တစ်ပတ်ကြာမြင့်ပြီးနောက် ဆေးခန်းခ သွားရောက်စုဆောင်းသော ဖုန်းပင်းက အမြုတေ ၁၉၄ ခုနှင့် ပြန်ရောက်လာသည်။ ထိုအချိန်မှစ၍ သူတို့ကြား ဘာမှအကြွေး မရှိတော့ပေ။

ထိုရက်သတ္တပတ်အတွင်း ဇွန်ဘီနှစ်ကောင်က ဆေးခန်းဆီ ဦးဦးဖျားဖျား ရောက်လာကြသည်။ ဖုန်းပင်းနှင့် ထုံထုံကဲ့သို့ နှစ်ယောက်လုံးက အသိစိတ်အနည်းငယ် ရှိနေပုံပေါ်သည်။

တိုက်တိုက်ဆိုင်ဆိုင် သူတို့နှစ်ယောက်လုံးက ယခင် ဝမ်ချင်းလင် ထိန်းချုပ်ခဲ့ဖူးသော ဇွန်ဘီများ ဖြစ်၏။ ထိုစဉ် သူတို့က လော့ဖုန်းကြွယ်ဆီ ဟိန်းဟောက်အော်ဟစ်နေကြပြီး ဆွဲဖြဲဖို့ လက်ရွယ်နေခဲ့ကြသည်။ ဝမ်ချင်းလင်က သူတို့အား အတင်းကျပ် ထိန်းချုပ်ခဲ့သည်။

ကုသရေးလုပ်ငန်းစဉ်အတွက်မူ ဇွန်ဘီနှစ်ကောင်က သွေးအနီမိုနီစားပြီး သူတို့ခန္ဓာကိုယ်များနှင့် အသိစိတ်ကို အရင်ရအောင် လုပ်ပြီးမှ အခကြေးငွေရှာဖို့ ထွက်သွားကြသည်။

ဤဖြစ်စဉ်က ဝမ်ချင်းလင်က ပို၍ တွေးတောလာမိစေသည်။

 သူ့စိတ်စွမ်းအားက သူတို့ အသိစိတ်ရလာအောင် ကူညီပေးနေတာလား …

ထိုအတွေးဖြင့် ဝမ်ချင်းလင်က ဘာမှလုပ်စရာ မရှိနေသည့်အခါ စိတ်စွမ်းအား ဖြန့်ကျက်ထားသည့် အလေ့အကျင့် ရလာခဲ့သည်။

သူက သူ့စိတ်စွမ်းအားကို နန်းချန်၏ လမ်းကြားများ၊ လမ်းမများအထက် ဖြန့်ကျက်ထားပြီး ဇွန်ဘီတွေကို ဦးနှောက်ဆေးလိုက်ကာ အသိစိတ်စောစော ဝင်လာဖို့ မျှော်လင့်ထားသည်။

သူ့စိတ်စွမ်းအားက နန်းချန်အစွန်နား ရောက်သွားသည့်အခါ သားအမိ နှစ်ယောက်က သူတို့ အဆုတ်ကွဲမတတ် အော်ဟစ်ငိုကြွေးနေပြီး ထွက်သွားသည့် ယာဉ်တစ်စီးကိုပါက တွေ့လိုက်ရသည်။

ကောင်းကင်က မှောင်လာခါနီး ဖြစ်၏။ အကယ်၍ ထိုသားအမိသာ ကွင်းပြင်ထဲ ဆက်နေနေလျှင် နောက်တစ်ရက် နေအလင်းရောင်ကို မြင်နိုင်မည် မဟုတ်ချေ။

ဝမ်ချင်းလင်က သူ့လက်ဘေးမှ သွေးအနီမိုနီများကို ကြည့်လိုက်သည်။ သူတို့က လူသားတွေအတွက်ရော အသုံးဝင်လား ဒါမှမဟုတ် လူသားတွေကို ဇွန်ဘီများ ဖြစ်လာစေမှာလား။

ဝမ်ချင်းလင်က မောင်းနှင်သွားလိုက်သည်။ သူ ရောက်ရှိသည့်အခါ အမျိုးသမီးငယ်လေးက စိတ်ကစဉ့်ကလျား ဖြစ်နေလေသည်။

“ လာလေ လာစားလှည့်ကြ မကောင်းဆိုးဝါးတွေ လာကြစမ်းပါ … ငါလည်း အသက်မရှင်ချင်တော့ဘူး။ ဒါပေမဲ့ မင်းတို့ကိုပါ အပါခေါ်သွားမယ် ”

ဝမ်ချင်းလင်က ကားကို ရပ်လိုက်ပြီး ကားပြတင်းပေါက်မှ လှမ်းကြည့်လိုက်သည်။

ထိုအမျိုးသမီး၏ အသံက ရုတ်ချည်း ရပ်တန့်သွားပြီး ကောင်လေးကို ချီကာ ငိုရင်း တောင်းဆိုလာသည်။

“ ငါတို့ကို ကယ်ပါဦး။ အခု ဘယ်သွားမလို့လဲ။ ငါတို့ကို လိုက်စီးခွင့် ပေးနိုင်မလား။ ငါတို့က လင်းချန်ဆီ သွားမလို့ပါ။ ဒါတွေ ဒါတွေအကုန်လုံးကို မင်းဆီ ပေးပါ့မယ်။ ငါတို့ကို ကယ်ပါဦး ”

အမျိုးသမီးက တုန်တုန်ယင်ယင်ဖြင့် သူမ ခန္ဓာကိုယ်တစ်ဝိုက် သိမ်းဆည်းထားသည့် အမြုတေများကို ထုတ်ယူလိုက်သည်။ ထိုအမြုတေများက ဒါဇင်နှင့်ချီ ရှိလေသည်။

ဝမ်ချင်းလင်က ကားမှ ထွက်လာပြီးနောက် ကောင်ငယ်လေးကို ကြည့်လိုက်မိသည်။

“ သူ အသွင်ပြောင်းနေပြီ ”

ထိုအရာကို ကြားပြီး အမျိုးသမီးက ကလေးကို ဖက်ထားလိုက်ရင်း တုန်လှုပ်တကြီး အမူအယာ ဖြစ်လာသည်။

“ မဟုတ်ဘူး။ သူ အဆင်ပြေပါတယ်။ ငါတို့သာ လင်းချန် အခြေစိုက်စခန်းဆီ သွားနိုင်ရင် သူ့ကို ကယ်နိုင်ပြီ ”

လင်းချန် အခြေစိုက်စခန်းက စခန်းအကြီးတစ်ခု ဖြစ်၏။ လင်းချန်အနား ဆောက်ထားသောကြောင့် လင်းချန် အခြေစိုက်စခန်းဟု အမည်တွင်နေခြင်း ဖြစ်သည်။

ဝမ်ချင်းလင် အခုရှိနေသည့် နန်းချန် အခြေစိုက်စခန်းက လင်းချန်၏ တောင်ဘက်ပိုင်းတွင် တည်ရှိသည့် အခြေစိုက်စခန်းငယ်လေးတစ်ခုသာ ဖြစ်၏။ အသက်ရှင်သူ တစ်ရာဝန်းကျင်လောက်ရှိသောကြောင့် လင်းချန်အခြေစိုက်စခန်းလိုမျိုးနှင့် နှိုင်းယှဉ်၍ မရပေ။

ဝမ်ချင်းလင်က အံ့ဩသွားလေသည်။

“ လင်းချန် အခြေစိုက်စခန်းက ဖြေဆေးရှိပြီလား”

အမျိုးသမီးက ခေါင်းညိတ်လိုက်ပြီးနောက် ခေါင်းပြန်ခါလိုက်ပြန်သည်။

“ လင်းချန်အခြေစိုက်စခန်းက တစ်ယောက် ဇွန်ဘီ အကိုက်ခံရပေမဲ့ ဇွန်ဘီအဖြစ် ပြောင်းမသွားဘူးတဲ့။ သူ့ဆီမှာ ပဋိပစ္စည်းရှိနေတာလား ဒါမှမဟုတ် ဖြေဆေးရှိတာလားတော့ သေချာမသိဘူး။ ဒါပေမဲ့ လင်းချန် အခြေစိုက်စခန်းဆီ သွားနိုင်သရွေ့ မျှော်လင့်ချက်ရှိတယ် ”

ဝမ်ချင်းလင်က ထိုကလေး၏ အဝတ်များကို မ ကြည့်လိုက်သည့်အခါ အမျိုးသမီးက သူ့လက်ကို မြန်မြန်ဆွဲထားလေသည်။ ဝမ်ချင်းလင်၏ စိတ်ထဲ မြင်ကွင်းတစ်ခု မြင်ယောင်လာပြီး ကောင်လေးက ဇွန်ဘီအကိုက်ခံလိုက်ရသောကြောင့် အဖွဲ့ငယ်လေးက သူ့ကို စွန့်ပစ်လိုခဲ့သည်။

အမျိုးသမီးက ခါးသီးစွာ တောင်းဆိုခဲ့ပေမဲ့ အဖွဲ့က သူမ၏ လက်နက်များကိုပါ အတင်းလုယူကာ အမျိုးသမီးနှင့် ကောင်ငယ်လေးကို ကားပေါ်မှ ကန်ချခဲ့ခြင်း ဖြစ်သည်။

ဤသည်မှာ စိတ်စွမ်းအင် အမျိုးအစား တစ်ခု ဖြစ်သည့် အတိတ်ကို သုံးသပ်ခြင်း ဖြစ်၏။

ထိတွေ့ခြင်းဖြင့် သူတို့က အခြားသူများ အမှတ်မိဆုံး သို့မဟုတ် စိတ်အခြေအနေ ပြောင်းလဲမှု အဖြစ်ခဲ့ဆုံးသော အခိုက်အတန့်ကို ပြန်လည်ဖမ်းဆုပ်နိုင်သည်။

ဝမ်ချင်းလင်  “ဇွန်ဘီအဆိပ်က သူ့တစ်ကိုယ်လုံး ပျံ့တော့မယ်။ လင်းချန်အခြေစိုက်စခန်းအထိ မခံတော့ဘူး ”

ထိုအရာကို ကြားပြီး အမျိုးသမီးက ပြိုလဲကာ ငိုကြွေးလိုက်သည်။

“ မဖြစ်နိုင်ဘူး မဖြစ်နိုင်ဘူး … ငါတို့သာ မြန်မြန်လုပ်ရင် မီမှာပါ ”

ဝမ်ချင်းလင်  “ အဲဆို ပဋိပစ္စည်းနဲ့ လူ ဒါမှမဟုတ် ဖြေဆေး ဘယ်မှာရှိလဲဆိုတာ သိလား။ သူတို့ကို ရှာနိုင်လို့လား။ အချိန်မီရော ရှာတွေ့ပါ့မလား ”

အမျိုးသမီးက ဆွဲဆွဲငင်ငင် ငိုကြွေးလိုက်သည်။ သူမက မျှော်လင့်ချက် မြင်သော်လည်း တစ်ခဏမျှသာ ခံကြောင်း မသိချေ။

ဝမ်ချင်းလင်က သွေးအနီမိုနီကို ထုတ်ကာ ကောင်လေးရှေ့မှာ ပြလိုက်သည်။

“ စားချင်လား ”

ကောင်လေး၏ အကြည့်တို့က အသက်မဲ့ကာ ခန္ဓာကိုယ်က ဆက်တိုက် တွန့်လိမ့်နေလေသည်။ ဤသည်မှာ ကူးပြောင်းခြင်း လက္ခဏာများ ဖြစ်၏။

ဝမ်ချင်းလင်က ထိုကောင်လေးသည် သွေးအနီမိုနီကို စားချင်လား၊ မစားချင်လား မသိသော်လည်း သွေးအနီမိုနီက ထိုကောင်လေးကို စားချင်နေမှန်း သိလိုက်သည်။

သူ့ပါးစပ်အနားရှိ လက်တံများက ရုတ်ချည်း လှုပ်ရှားလာကာ ကောင်လေး လည်ပင်းနား ရောက်သွားလေသည်။ လက်တံတစ်ခုချင်းစီ ကောင်လေး၏ သွေးကို စုပ်နေသလိုမျိုး ဂလုဂလု အသံထွက်လာလေ၏။

အမျိုးသမီးက ကြောက်လန့်သွားကာ သွေးအနီမိုနီကို ရိုက်ထုတ်ချင်သော်လည်း ဝမ်ချင်းလင်၏ တားဆီးမှုကို ခံလိုက်ရသည်။

“မလှုပ်နဲ့ ”

အမျိုးသမီးက အော်လိုက်သည်  “အဲဒါက ရှောင်ဝမ်ရဲ့ သွေးကို စုပ်နေတယ် ”

ဝမ်ချင်းလင်က ထိုကောင်လေးကို မျက်တောင်မခတ် ကြည့်နေပြီး  “ အဲဒါက ဇွန်ဘီအဆိပ်ကို စုပ်နေတာ ”

အမျိုးသမီးက ရပ်တန့်သွားသည်။ ထိုအခါမှ သူမက ကောင်လေး ခန္ဓာကိုယ်ထဲ ပျံ့နှံ့နေသည့် ဇွန်ဘီအဆိပ်က အလျှင်အမြန် လျော့ကျလာကြောင်း သတိပြုမိလိုက်သည်။

နောက်ဆုံးသော ဇွန်ဘီအဆိပ်ကို ဖယ်ရှားလိုက်သည့်အခါ သွေးအနီမိုနီက လက်တံများကို အလိုလို ပြန်သိမ်းလိုက်သည်။ သူက သွေးတချို့ သောက်မိသည့်အလား ဦးခေါင်းက နည်းနည်း ကြီးလာသည်။

ထိုစဉ် ကောင်လေးက အသိပြန်ဝင်လာကာ အားနည်းဖျော့တော့စွာ ခေါ်လိုက်သည် “မေမေ”

အမျိုးသမီးက ငိုလိုက်ရယ်လိုက်ဖြင့် သူမ သားကို ဖက်ထားလိုက်ပြီး နမ်းရှုံ့လိုက်သည်။

ဝမ်ချင်းလင်က ဆက်မကြည့်နေနိုင်တော့ဘဲ သွေးအနီမိုနီနှင့် အမြုတေများကို ယူကာ မေးလိုက်သည် “ ကားမောင်းနိုင်လား ”

“မောင်းနိုင်ပါတယ်”

ဝမ်ချင်းလင်က ကားသော့ကို သူမဆီ ပေးလိုက်သည်။

“ဒီကားက ခင်ဗျားအတွက်ပဲ။ အခြေစိုက်စခန်းဆီ တတ်နိုင်သမျှ မြန်မြန် ပြန်သွားကြပေါ့။ ကောင်းကင်က မှောင်လာတော့မယ် ”

ဝမ်ချင်းလင်က လှည့်ထွက်သွားတော့မည် ဖြစ်သော်လည်း သူ ဦးတည်ရာက နန်းချန် ဖြစ်နေလေသည်။

အမျိုးသမီးက အလန့်တကြားဖြင့် လှမ်းဆွဲလိုက်၏။

“မင်းက ဘယ်သွားမလို့လဲ ”

ဝမ်ချင်းလင်  “ အိမ် ”

အမျိုးသမီးက နန်းချန်အား ကြည့်ပြီး ခက်ခက်ခဲခဲ မေးလိုက်သည်  “ အိမ်က  .. နန်းချန်ထဲမှာလား ”

ဝမ်ချင်းလင်က သူမ မေးခွန်းကို ပြန်မဖြေပေ။

“ ပြန်တော့ ”

ထိုစကားများကို ပြောပြီးနောက် သူက လျှောက်လှမ်းသွားလိုက်သည်။

ထို့နောက် အမျိုးသမီးက အော်ပြောလိုက်သည်  “ နန်းချန်က ဇွန်ဘီတွေအပြည့် ဖြစ်နေတာ အန္တရာယ်အရမ်းများတယ်။ ငါတို့နဲ့အတူတူ လင်းချန်အခြေစိုက်စခန်းဆီ လိုက်ခဲ့ပါ့လား ”

တုံ့ပြန်မှု မကြားရသည့်အခါ အမျိုးသမီးက ထပ်အော်ပြောလိုက်သည်  “နောက်တစ်ခါ တွေ့နိုင်ဦးမလား ”

ဤတစ်ကြိမ် ဝမ်ချင်းလင်က ပြန်ဖြေလိုက်သည်။

“ ကျွန်တော်က နန်းချန်မှာ ဆေးခန်း ဖွင့်ထားတယ် ”

နောက်ဆုံးတွင် သူက ဆေးခန်းအကြောင်း ကြေညာနိုင်လိုက်လေပြီ။ နောင်အခါ အမြုတေ ဝင်လာဖို့ တည်ငြိမ်သော စီးပွားရေးတစ်ခု ဖြစ်လာနိုင်၏။

အမျိုးသမီးက နန်းချန်ထဲ ဝင်ရောက်သွားသည့် သူ့ပုံရိပ် ပျောက်ကွယ်သွားသည့်အထိ ကြည့်နေမိသည်။ ထိုအခါမှ သူမက ကားမောင်းထွက်သွားလေ၏။


Comment

  1. အမှိုက်ကောင် says:

    ရုတ်တရက်ကြီး Google ပြန်ဖြစ်သွားတယ်။ ဘာသာပြန်သူက အိပ်ငိုက်သွားတာလား တော်ပြီ မဖတ်တော့ဘူး

    1. Fortuna says:

      ဘာသာပြန်သူက အိပ်ငိုက်သွားတာ မဟုတ်ရပါဘူးဗျာ … machine trans ထဖောက်ရင် ဘာသာပြန်သူ လိုအပ်ချက် ဖြစ်သွားတာပါ ရှေ့မှာလည်း လူသားသစ္စာနဲ့ ကံကြမ္မာဖန်တတ်ပါ့‌လေ ဘာသာပြန်ခဲ့တဲ့သူပါ google trans မသုံးပါဘူး

Leave a Reply


Options

not work with dark mode
Reset