Switch Mode

အပိုင်း ( ၅၃၆)

တတိယမြောက် ရှေးဟောင်းနယ်မြေကို ဖွင့်ခြင်း

ယန်ချူ၏မျက်လုံးများမှ ကြည့်မိသူများ အားလုံးကို နာကျင်စေနိုင်သော ဓားအလင်းများ ထွက်ပေါ်လာနေသည်။ သူကား ဓားကျေးရွာ၏ ဆက်ခံသူဖြစ်သည်။ ယခု တစ်စုံတစ်ယောက်က သူပိုင်ဆိုင်သော အရာတစ်ခုကို လာရောက် လုယက်ရန် ကြိုးစားနေ၏။

ဓားအသိများ လေထုထဲကို ပျံ့လွင့်သွားကာ ဓားအလင်းတန်းကိုးခုက ယန်ချူ၏နောက်တွင် ဖြစ်ပေါ်လာသည်။ ဓားကိုးလက်က ကွဲပြားခြားနားသော စွမ်းအင်ကိုယ်စီကို ပိုင်ဆိုင်ကြသည်။

ယန်ချူ၏နောက်မှ ဓားအလင်းတန်းကိုးခုက အပေါ်ကို ထိုးတက်သွားကာ ဓားပုံရိပ်ကိုးခု ဖြစ်ပေါ်လာသည်။ ရီဖူရှင်းက ခေါင်းမော့၍ ကြည့်သည်တွင် ထိုဓားများ၏ထူးခြားသော စွမ်းရည်များကို ခံစားမိသည်။ ထိပ်သီးပါရမီရှင်များ အားလုံးက ထူးခြားသော စွမ်းရည်များကို ပိုင်ဆိုင်ကြသည်။ ယန်ချူကား ဓားကျေးရွာ၏ ဆက်ခံသူဖြစ်ကာ သူ၏ဘိုးဘေးကလည်း ဓားပညာရှင် တစ်ယောက် ဖြစ်သည်။ သူကိုယ်တိုင်က အားနည်းခြင်း မရှိသည်မှာ ထင်ရှားသည်။

အားလုံးက ထိုမြင်ကွင်းကို ကြည့်နေကြသည်။ နာမည်ကျော် နတ်ဓားကိုးလက်က အလွန်အမင်း အားကောင်းသည်။

“လူစုကြ…” ယန်ချူက အမိန့်ပေးသည်။ သို့သော် သူ၏အနီးမှ တန်ခိုးရှင်များ အားလုံး၏ စိတ်ထဲတွင်ကား ဒွိဟဖြစ်နေကြသည်။ သူတို့က တိုက်ခိုက်ရမည်လော၊ လက်ရှောင် ရမည်လော မသိကြပေ။

“ဘယ်သူမဆို ပြန်တိုက်ခိုက်ရင် ကျုပ်ရန်သူလို့ သတ်မှတ်ပြီး ချမ်းသာပေးမှာ မဟုတ်ဘူး…” ရီဖူရှင်းက အေးစက်စွာ ပြောသည်။ ရီဖူရှင်း၏နောက်မှ ဓားသမားများကလည်း ဓားများကို ထုတ်လိုက်ရာ ချက်ချင်းပင် ပတ်ဝန်းကျင် တစ်ခုလုံးက ဓားအရောင်အဝါများဖြင့် ပြည့်နှက်သွားသည်။

ယန်ချူ၏အမူအရာများက အလွန်အမင်း အေးစက်နေသည်။ သူ၏နောက်ကျောမှ ဓားများထဲမှ ဓားတစ်လက်က ရောင်စဉ်ရောင်ဝါများ တောက်ပလျက် ရှေ့ကို ပျံသန်း လာနေသည်။ ကြောက်မက်ဖွယ် ကောင်းသော ဓားအသိက ကောင်းကင်နှင့် မြေပြင်တစ်ခုလုံးကို ဖြတ်တောက် သွားသည့်အလား ထင်မှတ်ရ၏။

“သူ့ကို သတ်…” ယန်ချူက ရီဖူရှင်းထံကို ဓားကိုညွတ်လျက် ကြိမ်းဝါးသည်တွင် ထောင်ပေါင်း များစွာသော ဓားများက ရီဖူရှင်းထံသို့ တိုးဝင်သွားသည်ဟု ထင်ရသည်။ လူတိုင်းကလည်း လွန်စွာ ကြီးမား ပြင်းထန်သော ဓားအရှိန်အဝါကို ခံစားကြရသည်။ ဧရာမရွှေဓားက သူ၏လမ်းကြောင်း တစ်လျှောက် အရာခပ်သိမ်းကို ဖြတ်တောက် သွား၏။

ဘုန်း … မြေပြင်က လှုပ်ယမ်းသွားပြီး ယန်ကျန်းက လေထဲကို ခုန်တိုက်လိုက်သည်။ သူ၏ခန္ဓာကိုယ်ကြီးက ရွှေဓားကဲ့သို့ပင် လင်းလက် တောက်ပသည်။ သူက လက်ဝါးတစ်ချက် ရိုက်ထုတ် လိုက်သည်တွင် ဧရာမ လက်ဝါးပုံရိပ်က ရွှေဓားနှင့် လေထဲတွင် တွေ့ဆုံသည်။ လူဝံများ အားလုံးက ကောင်းကင် ဖြတ်သန်းခြင်း ရိုက်ချက် ရှစ်ဆယ့်တစ်ချက်ကို လေ့ကျင့်ကြသည်။ သို့သော် သူတို့က တခြား ပညာရပ်များတွင်လည်း ကျွမ်းကျင်ကြ၏။ သို့သော်လည်း လက်ဝါးပုံရိပ်နှင့် ရွှေဓားတို့ တွေ့ဆုံရာတွင် အမှန်ပင် ပုံရိပ်က ပြိုပျက် သွားရသည်။ ထို့အတူ လက်ဝါးပုံရိပ်ကို ဖြတ်သန်းသွားသော ရွှေဓားကလည်း သူ၏စွမ်းရည် ဆုံးရှုံးသွားသည့်အလား လမ်းခုလတ်မှာပင် ပျောက်ပျက် သွား၏။

“အရိပ်မဲ့ဓား…” ကြောက်မက်ဖွယ် ကောင်းသော ဓားတစ်လက်က လေထုကို ခွင်းသွားပြန်သည်။ ယန်ချူက ပထမတိုက်ကွက် ပျက်သွားသည့်တိုင် နောက်ဆုတ်ရန် စိတ်ကူးရှိဟန်မရ။ ဓားကိုးလက်မှ နောက်ထပ်ဓားတစ်လက် တိုးဝင်သွားပြန်သည်။ ဓားကား မြန်ဆန်လွန်းရကား အလင်းတစ်ချက် ဝင်းလက် သွားသည်ကိုသာ မြင်ရသည်။ ထိုဓားက ယန်ကျန်း တစ်ယောက်တည်းကိုသာ ဦးတည်နေသည် မဟုတ်ဘဲ ရီဖူရှင်းနှင့် တခြားလူများ အားလုံးကို ဦးတည်နေသည် ဟုလည်း ထင်မှတ်ရသည်။ အရိပ်မဲ့ဓားဟု ခေါ်ခြင်းမှာလည်း မြန်ဆန်လွန်းရကား အရိပ်ပင် မထင်သောကြောင့်လည်း ဖြစ်သည်။

ထိုမြင်ကွင်းကို ကြည့်ကာ မြေပြင်မှ လူများအားလုံး တုန်လှုပ်ရသည်။ ယန်ချူကား ဓားကျေးရွာ၏ ဆက်ခံသူဖြစ်သည်။ နတ်ဓားကိုးလက်မှ ဓားကွက် တစ်ကွက်စီတိုင်းက အလွန်အမင်း အားကောင်းကာ ကွဲပြားခြားနားသော စွမ်းအားများကို ပိုင်ဆိုင်ကြသည်။

ယန်ကျန်း၏ ဧရာမခန္ဓာကိုယ်က တုန်ခါသွားကာ ရွှေရောင်အလင်း အရံအတား ဖြစ်လာပြီး သူ့ကို ကာကွယ်သည်။ အရိပ်မဲ့ဓားက အရံအတားကို ဖြတ်ကျော်နိုင်ခြင်း မရှိပေ။ ထို့အတူ ရီဖူရှင်းကလည်း အင်မော်တယ် ခန္ဓာကိုယ်များ ခုခံပညာရပ်ကို ထုတ်ဖော်သည်တွင် ဥက္ကာခဲများက သူ့ကို လှည့်ပတ် ကာကွယ်ကြသည်။

ဘုန်း…

ယန်ကျန်းက ရှေ့ကို တက်သွားသည်တွင် သူ့အနီးမှ ဓားအရောင်အဝါများက ပြိုပျက်ရသည်။ သူ၏ ဧရာမခန္ဓာကိုယ်က အလင်းတန်းအလား ယန်ချူထံကို ပြေးဝင်သွား၏။

ရီဖူရှင်းက ထိုမြင်ကွင်းကို ကြည့်ကာ သည်အတိုင်း ရပ်နေသည်။ ယန်ကျန်းက ကူညီ တိုက်ခိုက်မှတော့ သည်တိုက်ပွဲက အထူးပြောနေစရာ မလိုတော့။

ယိရှောင်ရှီကလည်း ယခု ထိပ်သီးပါရမီရှင် အဆင့်ရှိကာ ရီဖူရှင်းကလည်း ကောင်းကင် ပျက်သုဉ်းခြင်း နှင်တံဖြင့် ဆိုပါက ပြိုင်ဘက်ကင်းသည်။

ဘုန်း… ဘုန်း… အလင်းတန်းများက လေထုထဲ ဖြတ်သန်းသွားကာ ဓားတစ်လက်က ရီဖူရှင်းထံသို့ တိုးဝင်လာနေသည်။ ကြည့်ရသည်မှာ ဓားကျေးရွာမှ ဓားသမားတစ်ယောက်က သူ၏ဦးခေါင်းကို အလိုရှိဟန်ရသည်။

ဓားကျေးရွာ၏ ဆက်ခံသူက ယန်ချူဖြစ်သည်။ သို့သော် ယန်ချူအပြင် ဓားကျေးရွာ၌ အလွန်အမင်း ပါရမီမြင့်သော လူများ ရှိပေသည်။ ဓားချက်များက မရေမတွက်နိုင်သော ဝင်္ကပါကွက်ပုံစံများ ဖြစ်ပေါ်စေကာ ရီဖူရှင်းအား ပတ်ပတ်လည်မှ ရစ်ပတ်လာကြသည်။

ရီဖူရှင်းက သူ၏လက်ကို ဆန့်တန်းလိုက်သည်တွင် ဥက္ကာခဲများက လှည့်ပတ်သွားပြီး ဓားချက်များကို ကာကွယ်သည်။ ဥက္ကာခဲများ ပြိုပျက်သွားပြီး ဓားကွန်ချာက ရီဖူရှင်းထံကို ဆက်လက် ဆင်းသက်လာသည်။

“ဓားဝင်္ကပါတစ်ခုလား…” ရီဖူရှင်းက ရှေ့ကို တစ်လှမ်းတက်ကာ သူ၏နှင်တံကို မြှောက်လိုက်သည်။ သူ့ခန္ဓာကိုယ်မှ ကြောက်မက်ဖွယ် အားလှိုင်းများ ဖြစ်ပေါ်လာကာ ကောင်းကင်နှင့် မြေပြင်ကို လှုပ်ခတ် သွားစေသည်။ နှင်တံက ကြီးမား ရှည်လျားသွားပြီး ရိုက်ချက်က အပေါ်မှ ဆင်းသက် လာသည်။ ရိုက်ချက်အောက်တွင် ဓားကွန်ချာက အလယ်မှ ကျိုးပျက် သွား၏။ သို့သော်လည်း ဓားချက်များက ပြန်လည် စုစည်း ဖြစ်ပေါ်လာကာ ဓားကွက်ချာ အဖြစ် ရီဖူရှင်းထံကို ရစ်ပတ် လာကြပြန်သည်။ တစ်ချိန်တည်းမှာပင် အလွန်ရှည်လျား ကြီးမားသော နှင်တံက တစ်ဖန် ကြီးမားသော အရှိန်အဟုန်ဖြင့် ဆင်းသက်လာသည်ကို ထိုဓားချက်များအား ထိန်းချုပ် ညွှန်ကြားနေသော ဓားသမားများက မြင်ကြရသည်။

သူတို့က မြန်ဆန်စွာ နောက်ဆုတ် ရှောင်ဖယ်ရန် ကြိုးစားကြသော်လည်း ကြီးစွာသော ဖိအားက သူတို့အား လှုပ်မရအောင် ဖြစ်သွားသေည်။

ဘုန်း … ဘုန်း … ဘုန်း …

ထိုရိုက်ချက် ကျဆင်းလာသည်တွင် အဝေးမှ လူများပင် လွင့်စဉ်သွားကာ သွေးများ အန်ကြသည်။ တိုက်ရိုက် ထိမှန်သော ဓားသမားများကား အစအနေပင် ရှာမရတော့။ တခြား တစ်ဖက်မှ ဓားသမားများက ကြောက်ရွံ့ ထိတ်လန့်စွာဖြင့် ဓားများကို ထုတ်ကြသည်။ သို့သော်လည်း သစ်မင်းနွယ်ပင်များက ကောင်းကင် တစ်ခုလုံးကို ပိတ်ဆို့ကား သူတို့အား ပြေးပေါက် ရှာမရအောင် လုပ်ထားသည်။ ဓားသမားများက နွယ်ပင်များကို အရူးအမူး ဖြတ်တောက်ရန် ကြိုးစားကြ သော်လည်း မရေမတွက်နိုင်သော နွယ်ပင်များ အောက်တွင် ဘာမှ မတတ်နိုင်။

“ဘာတွေ ကြိုးစား နေကြသေးတာလဲ…” ယိရှောင်ရှီက ပျင်းရိစွာ ပြောသည်။ နွယ်ပင်များက ထိုဓားသမားများကို တစ်ယောက်ပြီး တစ်ယောက် ရစ်ပတ်လျက် မြေပြင်ပေါ်ကို ကျစေသည်။ မြေပြင်တွင် သွေးများ မြင်မကောင်းတော့။

တိုက်ပွဲက ခဏမျှသာ ကြာမြင့် သေးသော်လည်း ဓားကျေးရွာမှ ဓားသမား အများအပြား ဇီဝိန်ကြွေသွားကြပြီ ဖြစ်သည်။

ယန်ချူ၏ နောက်လိုက်များက နောက်ထပ် ဟာသမလုပ်ရဲကြတော့။ ယန်ကျန်း တစ်ယောက်တည်းကပင် သူတို့အတွက် ကြီးစွာ ဖိအား ဖြစ်နေပြီးဖြစ်သည်။ ယခု ရီဖူရှင်းနှင့် ယိရှောင်ရှီတို့ကပါ ဝင်ရောက် တိုက်ခိုက်သည်တွင် သူတို့အတွက် အသက်ရှင်ရန် လမ်းစပင် မရှိတော့ပေ။ ထို့အတူ ရီဖူရှင်း၏နောက်မှ ဓားသမား တစ်ရာခန့်ကလည်း တိုက်ခိုက်ရန် အဆင်သင့် ဖြစ်နေကြသည်။

ယန်ကျန်းနှင့် တိုက်ခိုက်နေသာ ယန်ချူက အခြေအနေ မဟန်သည်ကို ရိပ်မိသည်တွင် ဓားကို စီးနင်းလျက် ထွက်ပြေးဟန် ကြိုးစားသည်။ သို့သော် ယန်ကျန်းက သူ၏ပြေးလမ်းကို ပိတ်ကာ နှင်တံဖြင့် ရိုက်သည်။ ယန်ကျန်းကလည်း နတ်ဓားကိုးလက်ကို တစ်ပြိုင်နက်တည်း ထုတ်ကာ ပြန်ခုခံသည်။

တစ်ချိန်တည်းမှာပင် ရီဖူရှင်းကလည်း လျှပ်စီးအရိပ် ခြေလှမ်းကို သုံးလျက် ယန်ချူ၏ ပြေးလမ်းကို ပိတ်သည်။ ယိရှောင်ရှီကလည်း တစ်ဖက်ခြမ်းကို နွယ်ပင်များဖြင့် ပိတ်ဆို့လျက် ကြည့်နေသည်။

ဟူး…

ယန်ချူက ပိုမိုမြန်ဆန်စွာဖြင့် လွတ်လမ်းရှာရန် ကောင်းကင်ယံသို့ ပျံတက်သည်။ ယန်ကျန်းကလည်း မာန်သွင်းကာ အပေါ်သို့ ခုန်တက်ပြီး နှင်တံဖြင့် လိုက်ရိုက်သည်။ သို့သော် ယန်ချူ ရိုက်လိုက်သော နှင်တံဖြင့် ထိတွေ့သည်ကား ယန်ချူ၏ ပုံရိပ်မျှသာ..။

အလင်းတန်းတစ်ခုက အလွန်အမင်း မြန်ဆန်စွာဖြင့် ရီဖူရှင်းထံကို တိုးဝင်သွားသည်။ ဓားချက်က မထင်မှတ်သော ဓားချက်ဖြစ်သလို အမြန်နှုန်းကလည်း ကြောက်မက်ဖွယ် ကောင်းရာ ထိမိပါက လွယ်မည် မဟုတ်ပေ။

ယန်ချူ၏သက်စောင့်ဝိညာဉ်က လင်းလက် တောက်ပနေကာ ဓားကိုးလက် ပေါင်းစပ်ထားသော နတ်ဓားကိုးလက် ပင်မဓားထံမှ အန္တရာယ်၏အငွေ့အသက်ကို ရီဖူရှင်းက ခံစားရသည်။

ရီဖူရှင်း၏အမူအရာက ပြောင်းလဲသွားသည်။ ဓားကိုးလက် ပေါင်းထားသော ဓားက အမှန်ပင် ကြောက်မက်ဖွယ် ကောင်းသည်။ ဓားကျေးရွာ၏ ဆက်ခံသူက သည်တစ်ခေါက် အမှန်ပင် ဒေါသထွက်သွားဟန် ရသည်။

ကောင်းကင် ပျက်သုဉ်းခြင်းနှင်တံအား ဆုပ်ကိုင်ထားရင်းက ရီဖူရှင်း၏ ပတ်ပတ်လည်တွင် ဥက္ကာခဲ မုန်တိုင်းတစ်ခု ဖြစ်ပေါ်လာသည်။ သူ၏ခန္ဓာကိုယ်က ရေအလျင်အလား ညင်သာစွာ လှုပ်ရှားသွားသည် လေထုကို တစ်ချက် ရိုက်ချသည်။ လေထုကို တုန်ခါသွားစေသော ထိုရိုက်ချက်က တိုက်ခိုက်ရန် ရည်ရွယ်ခြင်း မဟုတ်ဘဲ အားယူခြင်းသာ ဖြစ်သည်။

ရီဖူရှင်း၏လှုပ်ရှားမှုများက မြန်ဆန်သော်လည်း နှေးကွေးသည်ဟု ထင်ရကာ ထူးခြားသော ဟန်ချက်တစ်ခု ပါဝင်နေသည်။ ထို့နောက် လေထဲတွင်ပင် နောက်ထပ် ရိုက်ချက် တစ်ချက်ကို သူတို့မြင်ရသည်။ သို့သော် ထိုရိုက်ချက်ကလည်း တိုက်ခိုက်ရန် ရည်ရွယ်ချက် မပါ။

ဘုန်း…

ရီဖူရှင်းက အချိန်တိုအတွင်း၌ လေးချက်မြောက် ရိုက်ချလိုက်ပြီး ဖြစ်သည်။ ကြောက်မက်ဖွယ် ကောင်းသော အားလှိုင်းများက ပဉ္စမမြောက် ရိုက်ချက်တွင် လာရောက် စုစည်းကြကာ ကောင်းကင်နှင့် မြေပြင်က တုန်ခါသွားသည်။ တစ်ချိန်တည်းမှာပင် ဓားကိုးလက်ကလည်း သူ့ထံကို ဇီဝိန်ခြွေရန် ရောက်လာကာ ကြောက်မက်ဖွယ် ကောင်းသော နှင်တံရိုက်ချက်နှင့် တွေ့ဆုံသည်။ နှစ်ဖက်အားလှိုင်းနှစ်ခုက တွေ့ဆုံသည်တွင် ဘုန်းခနဲမြည်ကာ လေဟာနယ်ကပင် ဟောင်းလောင်း ဖြစ်သွားဟန် ရသည်။

ယန်ချူ၏ နတ်ဓားကိုးလက်က ထူးခြား ဆန်းကြယ်သော စွမ်းအားကို ပိုင်ဆိုင်သည်။ သို့သော်လည်း ထိုတိုက်ခိုက်မှုက နှင်တံရိုက်ချက် အောက်တွင် ကြေပျက်ခဲ့ရ၏။

တစ်ချိန်တည်းမှာပင် ယန်ကျန်းနှင့် ယိရှောင်ရှီတို့၏ တိုက်ခိုက်မှုများကလည်း ယန်ချူထံကို ရောက်လာသည်။ ယန်ချူက ဒေါသတကြီး အော်ဟစ်ကာ ဓားကိုးလက်က သူ့ထံသို့ ပြန်လည်​ရောက်ရှိ သွားကြသည်။ သူ၏အေးစက်သော မျက်လုံးက ရီဖူရှင်းကို အခိုးအငွေ့ ဆူဝေစွာဖြင့် ကြည့်နေသည်။

တဝုန်းဝုန်း မြည်သံနှင့်အတူ နှစ်ဖက်ကြားညှပ် တိုက်ခိုက်မှု အောက်တွင် ယန်ချူ နစ်မြုပ်လုမတတ် ဖြစ်သွားသည်။ ယန်ကျန်းနှင့် ယိရှောင်ရှီတို့၏ တိုက်ခိုက်မှုများကို ယန်ကျန်းက အပြည့်အဝ ကာကွယ်နိုင်ဟန် မတူဘဲ နောက်ဆုံးတွင် ဒဏ်ရာ ရသည်။ ယိရှောင်ရှီ၏ သစ်မင်း နွယ်ပင်များက ယန်ချူအား ရစ်ပတ်လျက် မြေပြင်ပေါ်တွင် ရိုက်နှက်သည်။

ရီဖူရှင်းက ရှေ့ကို တစ်လှမ်းတိုးကာ မြေပြင်ပေါ်တွင် လဲလျောင်းနေသော ယန်ချူကို ရိုက်ချလိုက်သည်။ ဘုန်းခနဲ မြည်သံနှင့်အတူ ယန်ချူ အဝေးကို လွင့်စဉ်သွားကာ သွေးပွက်ပွက်အန်သည်။ ထိုရိုက်ချက်အောက်တွင် သူ၏အရိုးများ ကျိုးအက်သွားရပြီး ဒဏ်ရာ ပြင်းစွာရသည်။ သို့တိုင်အောင် သူ၏အေးစက်သော မျက်လုံးများက ရီဖူရှင်းကို ဝါးစားမတတ် ကြည့်နေဆဲ ဖြစ်သည်။

“အဲဒါက ဒေါသလား… အရှက်ရတာလား…” ရီဖူရှင်းက ယန်ချူကို ကြည့်ကာ မေးသည်။ ယန်ချူကလည်း သူ့ကို တစ်ခါမှ သက်ညှာခဲ့သည် မဟုတ်ပေ။ ယခင်က သူတို့၏အစာ ဖြစ်ခဲ့သော ရီဖူရှင်းကား ယခု မုဆိုးဖြစ်နေပြီ။

“တော်ဝင် တံဆိပ်ပြားတွေ…” ရီဖူရှင်းက အေးစက်စွာ ပြောသည်။

ယန်ချူက သူ၏သိုလှောင် လက်စွပ်ကို ထုတ်ယူကာ ရီဖူရှင်းထံသို့ ပစ်ပေးလိုက်သည်။ ရီဖူရှင်းက လက်စွပ်အား ယူလိုက်ကာ စစ်ကြည့်သည်။ အထဲတွင် တော်ဝင် တံဆိပ်ပြား တစ်သောင်းခန့်ကို အမှန် မြင်တွေ့ရသည်။

ထို့နောက် သူက ယန်ချူကို ကြည့်သည်။ ယန်ချူ၏ ခေါင်းထဲတွင် ဘာရှိသည်ကို သူသိသည်။ သူ့အတွက် ဒေါသထွက် စိတ်ပျက်ရသည်မှာ သဘာဝပင်။

ယခု ဘယ်သူမှ ဘာမှ မပြောနိုင်ဘဲ ယန်ချူ၏ တော်ဝင် တံဆိပ်ပြားများက လုယက်ခြင်း ခံရသည်။

“သွားစို့…” ရီဖူရှင်းက ယန်ချူကို လျစ်လျူရှုကာ ပြောသည်။ သူက ယန်ချူကို သတ်စရာမလိုဟု ယူဆသည်။ အကယ်၍ သူက ယန်ချူကို သတ်ခဲ့ပါက ဓားကျေးရွာနှင့် ရန်စပွားမည် ဖြစ်သည်။ ရီဖူရှင်းက တော်ဝင်လမ်းတွင် ယန်ချူ၏ တံဆိပ်ပြားများကို လုယက်ခြင်းက သာမန် ဖြစ်စဉ်မျှသာ။ သို့သော် သူက ယန်ချူကို သတ်လိုက်ပါက ဖြစ်လာနိုင်သော အကျိုးဆက်က ကြီးမားပေသည်။

ထို့နောက်တွင် အသက်ရှင် ကျန်ရစ်သော ယန်ချူတို့ အုပ်စု တစ်ခုလုံးကလည်း အဝေးကို ထွက်သွား ကြတော့သည်။ ဓားပျံမြို့မှ လူတိုင်းက ထိုမြင်ကွင်းကို ကြည့်ကာ ထိတ်လန့် ကြရသည်။ သူတို့က ကျောခိုင်း ထွက်သွားသော ဓားကျေးရွာ ဓားသမားများကို ကြည့်ကြသည်။ သူတို့အားလုံး၏ မျက်နှာများတွင် စိတ်ပျက်မှုများကို အထင်းသား တွေ့ရသည်။

“ငါတို့က တော်ဝင်လမ်းက ထွက်ရင် လက်စားချေဖို့ အခွင့်အရေး ရလာလိမ့်မယ်…” အဝေးကို ထွက်ခွာသွားသော ယန်ချူက သူ့လူများကို ပြောသည်။ တော်ဝင်လမ်းကား ဤခရီး၏ရပ်နားရာ တစ်နေရာသာ ဖြစ်သည်။ သူတို့က တော်ဝင်ကျဲ နန်းတော်ကို ရောက်သောအခါ ရီဖူရှင်းကလည်း သူလုပ်ခဲ့သည်များ အတွက် ပေးဆပ်ရမည်ဟု သူ တေးထားသည်။

တစ်နာရီခန့် ကြာသောအခါ မရေမတွက်နိုင်သော ဓားအသိများ စုပေါင်းနေသော တစ်နေရာတွင် ဧကရာဇ်ဓား ပုံရိပ်တစ်ခုကို မြင်ကြရသည်။ ထိုဓားပုံရိပ်က ကြည်လင် တောက်ပနေကာ အလယ်တွင်လည်း လက်တစ်ဖက်ပြတ် လူတစ်ယောက်က ကြောက်မက်ဖွယ် ဓားအသိများ စီးဆင်းလျက် ထိုင်နေသည်ကို မြင်ကြရသည်။ သူကား ရီဝူချင်း ဖြစ်သည်။

ရီဖူရှင်းနောက်မှ လိုက်ပါလာသော လူများ အားလုံးက ရီဝူချင်း ကိုယ်တွင် စီးဆင်းနေသော ဓားအသိကို ခံစားကြရကာ ရီဝူချင်းအား အားကျကြသည်။ ထိုဓားအသိက ဓားပညာ၏ အသန့်စင်ဆုံးသော အမွေအနှစ်တစ်ခု ဖြစ်သည်ကို သိရှိခံစားကြရသည်။ ရီဝူချင်းက ထိုပညာရပ်များကို လေ့လာဆင်ခြင်ရန် အချိန်တစ်ခုသာ လိုအပ်သည်။

ရီဖူရှင်းက သူ့အတွက် ဓားကျေးရွာနှင့် ရင်ဆိုင်ကာ ရှေးဟောင်း နယ်မြေကို ဖွင့်လှစ် ပေးခဲ့သည်။ ထိုအချက် တစ်ခုတည်းက သူတို့အကြား ခင်မင်ရင်းနှီးမှုကို မြင်ကြရသည်။

ရီဖူရှင်းက အပြင်တွင်ရပ်ကာ ထိုမြင်ကွင်းကို တိတ်ဆိတ်စွာ ကြည့်နေသည်။ သူက ဓားသမား မဟုတ်ရာ ထိုပညာရပ်များကို စိတ်မဝင်စား။ ယခု တော်ဝင်လမ်း ဂိတ်တံခါးဖွင့်ရန် အချိန်နီးကပ်လာပြီ ဖြစ်ရာ ရီဝူချင်းက နောက်တစ်ဆင့် တက်ရန် သူက မျှော်လင့်နေသည်။

***


Comment

Leave a Reply

Options

not work with dark mode
Reset