Switch Mode

အပိုင်း (၄၄၃)

မင်းက အဆင့်မီလို့လား…

ရီဖူရှင်းက ထိုသို့ ပြောလိုက်လျှင် လူတိုင်းက  သူ့ကို ကြည့်သည်။

လောင်ဟွန်က အေးခဲသွားပြီးမှ ရယ်မောလိုက်၏။ နဂါးကလန်မှ လူငယ်များကလည်း ရယ်မောလိုက်ကြသည်။ ရီဖူရှင်းက လောင်ဟွန်အား မှော်ဂီတပညာတွင် ယှဉ်ပြိုင်လိုသည်။ သူက နဂါးဆရာက ဘာဆိုသည်ကို နားလည်ပုံ မရသေးပေ။

“အစ်ကိုဖူရှင်း…” လင်းအာလည်း စိတ်ပူသွားသည်။ ရီဖူရှင်းက အလွန် ပါရမီ ကောင်းသော်လည်း သူမတို့မိသာစုမှ နဂါးဆရာများက မည်မျှ အားကောင်းသည်ကို သိသည်။ လောင်ဟွန်က နဂါးဆရာ တစ်ယောက်ဖြစ်သည်။

လောင်မူက ရီဖူရှင်းအား ကြည့်သည်။ သူက ဘာလို့ ဒီလိုဖြစ်ရတာလဲ…။ သူက လောင်ဟွန်ထံတွင် အရှက်ကွဲတော့မည်။ သို့ဆိုလျှင် လင်းအာက ဝမ်းနည်းရပေမည်။

လောင်ဟွန်က သူ၏ဝိုင်ခွက်အား လှုပ်လိုက်သည်။ ဂီတအကူက သူ့အား စိန်ခေါ်လို၏။ သူက တကယ်ပဲ သူ့နေရာကို မသိဘူလား…။

“သခင်မ… ဒီနေ့က လင်းအာရဲ့ မွေးနေ့ပဲ…” လောင်ဟွန်က ပြောသည်… “တိုက်ခိုက်တာက အဆင်မပြေဘူး… ဒါပေမဲ့ ဂီတပိုင်းဆိုင်ရာ စိန်ခေါ်ပွဲကလည်း ကြည့်ကောင်း လိမ့်မယ်လို့ ထင်ပါတယ်… သူက စိန်ခေါ်ချင်တယ် ဆိုမှတော့ ကျွန်တော်က သူ့ဆန္ဒကို လိုက်လျော ပေးချင်ပါတယ်… ဒါက လင်းအာရဲ့ မွေးနေ့ပွဲကို ပိုပြီး အသက်ဝင်စေလိမ့်မယ်… ပြီးတော့ သူ့ရဲ့ ဂီတက လှည့်စားတာလား တကယ်လားဆိုတာ လူတိုင်းက မြင်ကြရလိမ့်မယ်…” သူက ပြုံးလျက် လက်ကျန် ဝိုင်အား သောက်လိုက်သည်။ ထို့နောက် သူက လူအုပ်ထဲမှ ထွက်ကာ ရီဖူရှင်းထံ လျှောက်သွား လိုက်၏။

“ကျုပ်က မင်းကို ကောင်းကောင်း သင်ပြပေးရတာပေါ့…” လောင်ဟွန်က ပြုံးလျက် ပြောသည်။ ရီဖူရှင်းက ပညာယူလိုသည် ဆိုမှတော့ သူကလည်း နောက်ဆုတ်ပေးစရာ မရှိပေ။

သခင်မလောင်က လက်ဝှေ့ယမ်းသည်။ ချက်ချင်းပင် လူတိုင်းက နောက်ဆုတ် လိုက်ကြ၏။ အလယ်တွင် တိုက်ပွဲတစ်နေရာစာ ကွက်လပ် ဖြစ်သွားသည်။ သခင်မလောင်က စိန်ခေါ်ပွဲကို ခွင့်ပြုပေးလိုက်ခြင်း ဖြစ်သည်။ နှစ်ဖက်လုံးက လိုလားသည် ဆိုမှတော့ သူမကလည်း တားဆီးလိုခြင်း မရှိပေ။ ဘယ်သူက အနိုင်ရသည် ဖြစ်ပါစေ အဆင်ပြေ၏။ အကယ်၍ ရီဖူရှင်း အနိုင်ရပါက လင်းအာ မှန်သည်ဟု ဆိုလိုသည်။ အကယ်၍ သူရှုံးသွားပါက သူက နတ်ဗိမာန် အိမ်တော်နှင့် မထိုက်တန်ပေ။

မှန်သည်… ရီဖူရှင်းက ရှုံးနိမ့်မည် သေချာသလောက်ပင်။ လောင်ဟွန်ကား နဂါးဆရာ တစ်ယောက်ဖြစ်သည်။

ရီဖူရှင်းနှင့် လောင်ဟွန်က တစ်ယောက်နှင့် တစ်ယောက် မျက်နှာချင်းဆိုင်၍ ထိုင်လိုက်ကြကာ သူတို့၏ ကု့ချင်းများလည်း ထွက်ပေါ်လာ၏။ ရီဖူရှင်းက သူ၏ကု့ချင်းကို ငုံ့ကြည့်သော အချိန်တွင် လောင်ဟွန်က ရီဖူရှင်းအား သရော်ဟန်ဖြင့် ပြုံးသည်။

“စပါ…” ရီဖူရှင်းက ပြောသည်။

လောင်ဟွန်ကလည်း အချိန်မဆိုင်းဘဲ သူ၏ကု့ချင်းကြိုးကို တီးခတ်လိုက်သည်။ ချက်ချင်းပင် လူတိုင်းက နဂါးတစ်ကောင်၏ အော်သံနှင့်အတူ ပြင်းထန်သော အင်အားကို ခံစားကြရသည်။

ရီဖူရှင်းက ခေါင်းငုံ့ကာ တိုးညင်းစွာ ရယ်မောလိုက်၏။ သူက လတ်တလော ဖြစ်ပျက်ခဲ့သည်များကို ပြန်တွေး ဖြစ်သွားသည်။ ထိုအရာက ဂီတထဲမှ အနုပညာရသသိ ဖြစ်သည်။ သူ၏ လက်ချောင်းများက ကြိုးများပေါ်တွင် ပြေးလွှား သွားသည်။ သူ၏သံစဉ် စတင် ထွက်ပေါ်လာလျှင် တီးလုံးများက ထူးခြားသော စွမ်းအင် ပါဝင်သည့်အလား လူအများအား အနုပညာရသသိထဲကို ချက်ချင်း ကျဆင်း သွားစေသည်။

သခင်မလောင်၏ဘေးတွင် ထိုင်နေသော ကုယွန်ချီ၏ ရင်ဘတ်က တုန်ခါသွားသည်။ သူမက ရီဖူရှင်းကို ထိတ်လန့်စွာ ကြည့်၏။

ဒီသံစဉ်…

သခင်မလောင်က သူမအား ကြည့်သည်။ သည်မိန်းကလေးက အဘယ်ကြောင့် တည်ငြိမ်မှု ပျက်သွားရသနည်း။ သခင်မလောင်က စိန်ခေါ်ပွဲကို ပြန်ကြည့်သည်။ သူမက ထင်မှတ်ထားသလိုပင် ရီဖူရှင်း၏ ဂီတက သိမ်မွေ့သော အချိန်တွင် လောင်ဟွန်၏ဂီတက အားပြင်းသည်။ လောင်ဟွန် ပြောသလိုပင် ရီဖူရှင်း၏ဂီတက မိန်းကလေးများအား နှစ်သိမ့်ရန်မျှသာ ဖြစ်ဟန်ရသည်။ အနုပညာရသသိက အားကောင်းသော်လည်း တိုက်ခိုက်ရေး စွမ်းအင် မရှိပေ။

ကုယွန်ချီက ထိုသို့မတွေးပေ။ သူမက ထိုသံစဉ် တစ်ခုလုံးကို ကြားဖူးသည်။ အနုပညာရသသိကား တီးခတ်သူ၏ နှလုံးသားကို ဖော်ကျူးထားခြင်း ဖြစ်သည်။ အစပိုင်းက တည်ငြိမ်သည်။ သို့သော် ဒုတိယပိုင်းက မည်မျှ ကြောက်မက်ဖွယ် ကောင်းသည်ကို သူမသိသည်။

လောင်ရန်၏ အမူအရာကလည်း ပြောင်းလဲသွားသည်။ ဘယ်လို ဖြစ်နိုင်မှာလဲ… သူက သည်သံစဉ်အား ဂီတအလုပ်ရုံတွင် ကြားဖူးခဲ့ကာ သူကိုယ်တိုင် ဝယ်ယူလိုခဲ့သည်။ လူအများအပြားကလည်း ချီးကျူးခဲ့ကြသည်။ ကုယွန်ချီက ထိုသံစဉ်အား ဝယ်ယူသွားခဲ့ကာ ယခုရီဖူရှင်းက မည်သို့ ထိုသံစဉ်အား တီးခတ်နိုင်သနည်း။

တခြားလူများက သူ ဘာတွေးနေသည်ကို မသိကြပေ။ နဂါးကလန်က စိန်ခေါ်ပွဲအား တိတ်ဆိတ်စွာ ဆက်ကြည့်နေကြသည်။ သူတို့အတွက်မူ သည်စိန်ခေါ်ပွဲက ဘာမှ မထူးခြားပေ။

ထင်မှတ်ထားသလိုပင် လောင်ဟွန်၏ အနီးတွင် လေတိုးသံ တဟူးဟူး မြည်လာသည်။ လေစီးကြောင်းများက နဂါးတစ်ကောင် အဖြစ် ပြောင်းလဲသွားသည်။ ထိုနဂါးက ဟိန်းသံပေးကာ ရီဖူရှင်းထံသို့  ခုန်အုပ်လိုက်သည်။ သို့သော်လည်း ရီဖူရှင်း၏အနီးတွင် သံစဉ်မုန်တိုင်းတစ်ခု ရှိနေဟန်ရသည်။ တစ်ခါတစ်ခါ လျှပ်စီးများ တဖျတ်ဖျတ် လက်သွားကာ တစ်ဖက်လူ၏ သံစဉ်အား တားဆီးသည်။

လောင်ဟွန်၏ နောက်တွင် တကယ့်နဂါး တစ်ကောင် မွေးဖွားလာသည်။ ကြောက်မက်ဖွယ် လေစီးကြောင်းလည်း ဖြစ်ပေါ်လာ၏။ နဂါးကြီးက ခွေကောက်ကာ ရီဖူရှင်းထံသို့ ပျံသန်းလာသည်။ ကုယွန်ချီ ထိတ်လန့် သွားသည်။

နဂါးကြီးက ရီဖူရှင်း၏ အပေါ်ကို ကျဆင်းလာသည်။ ကြောက်မက်ဖွယ် လေစီးကြောင်းများက အပေါ်မှနေ၍ ရီဖူရှင်းကို ငုံ့ကြည့် နေကြသည့်အလား ထင်မှတ်ရသည်။ လောင်ဟွန်၏ သံစဉ်များက ထိုနဂါးထဲတွင် စီးဝင်နေသည်။ နဂါးကြီးက သူ၏ ပါးစပ်ကြီးအား ဟကာ လောကကြီးကို တုန်လှုပ်သွားအောင် ဟိန်းသံ ပေးလိုက်သည်။ နဂါးကြီးက ရီဖူရှင်းအား ဝါးမျိုလိုသည်။

ရီဖူရှင်းက ထိုအရာများကို မြင်ဟန်မရပေ။ သူ၏ လက်ချောင်းများက မြန်ဆန်သွားသည်။ တိတ်ငြိမ်ကာ တိတ်ဆိတ်သော သံစဉ်က ရုတ်တရက် ပရမ်းပတာ ဖြစ်သွားသည်။ လျှပ်စီး အက်ကွဲသံများ အဆက်မပြတ် ဖြစ်ပေါ်လာကာ မိုးကြိုးစီးကြောင်းများ ဆင်းသက် လာသည်။ ကောင်းကင်တွင်လည်း မိုးသက်မုန်တိုင်းများ ဖြစ်ပေါ်လာဟန် ရသည်။ လျှပ်စီးကြောင်းများက နဂါးပုံရိပ် လေစီးကြောင်းများကို ချက်ချင်း ဖျက်ဆီးသွားသည်။ ထို့နောက် လွန်စွာ ထိတ်လန့်ဖွယ် ကောင်းသော မြင်ကွင်းတစ်ခု ဖြစ်ပေါ်လာ၏။ နဂါးကြီးက လျှပ်စီးများနှင့် ကခုန်နေ၏။ ထိုမြင်ကွင်းက လှပလွန်းလှသည်။

“ဘာလဲ…” လူတိုင်းက ရီဖူရှင်းအား ထိတ်လန့်စွာ ကြည့်ကြသည်။ သူ၏လက်များက မြန်ဆန်စွာ လှုပ်ရှားသွားကာ ကု့ချင်းကြိုးများက ရုန့်ရင်းကြမ်းတမ်း သွားသည်။ ဂီတသံစဉ်က မူလကနဲ့ လုံးဝ မဆိုင်တော့ပင်။ သံစဉ်များက ရပ်တန့်သွားခြင်း မရှိဘဲ ကောင်းကင်ယံထံသို့ ထိုးတက်သွားသည်။

သည်တစ်ကြိမ်မူကား လောကမှ လျှပ်စီးစွမ်းအင်များ အားလုံးက ထိန်းချုပ်ခံရဟန် ရသည်။ လျှပ်စီး စွမ်းအင်များက ရီဖူရှင်း၏အနီးတွင် လင်းလက် တောက်ပစွာ စီးဆင်းနေသည်။ ညင်သာသော လူငယ်လေးက လွန်စွာ ထက်ရှကြမ်းတမ်းသော လူငယ်တစ်ယောက် အဖြစ် ပြောင်းလဲသွားသည်။

မွေးနေ့ပွဲမှ လူများအားလုံး ထိတ်လန့် သွားကြသည်။ သူတို့အားလုံးက ရီဖူရှင်းအား ထက်ရှသော မျက်လုံများဖြင့် ကြည့်ကြသည်။ သခင်မလောင်၏ မျက်လုံးများကလည်း အရောင်လက် သွားသည်။ အနုပညာရသသိကာ နူးညံ့ခြင်းမှ ကြမ်းတမ်းခြင်းသို့ ပြောင်းလဲသွား၏။ သံစဉ်ကလည်း ပိုမိုရုန့်ရင်း ကြမ်းတမ်းလာသည်။ ပတ်ဝန်းကျင်မှ လျှပ်စီးဓာတ် စွမ်းအင်များ အားလုံးက ဂီတ၏ ထိန်းချုပ်မှုအောက်ကို ရောက်နေကြောင်း သူမက သတိထားမိသည်။

လျှပ်စီး အလင်းတန်းများ ရောက်လာကြသည်။ မဆုံးနိုင်သော လျှပ်စီးများ လေထဲ အက်ကွဲကြသည်။ လောင်ဟွန်က သူ၏စိတ်ကို အဆက်မပြတ် တိုက်ခိုက်နေသည်ဟု ခံစားရ၏။ သူ၏စိတ်ထဲတွင် အရာအားလုံးကို ဖျက်ဆီးနိုင်သော မုန်တိုင်းတစ်ခု ရောက်ရှိလာသည်။

သူ၏ အမူအရာကလည်း လွန်စွာ လေးနက် သွားသည်။ သူက သက်သောင့်သက်သာ မရှိတော့ဘဲ​ ကြမ်းတမ်းစွာ တီးခတ်သည်။

သို့သော်လည်း လျှပ်စီးကြောင်းများက အဆုံးသတ်ဟန် မရဘဲ နဂါးကြီးအား သွားရောက် ရစ်ပတ်ကာ အစိတ်စိတ် အပိုင်းပိုင်း ဖြစ်သွားစေသည်။ ထို့နောက် သူတို့က လောင်ဟွန်၏ခ န္ဓာကိုယ်ထဲကို တိုးဝင်လာကြသည်။

လောင်ဟွန်၏ နောက်တွင် အားကောင်းသော မာန်ဖီသံတစ်ချက် ထွက်လာသည်။ နဂါးသက်စောင့် ဝိညာဉ်က လောကကို တုန်ခါလျက် ထွက်လာ၏။ သို့သော် နဂါးသက်စောင့် ဝိညာဉ်အားလည်း လျှပ်စီးများက ရစ်ပတ်သွားကာ သတ်ဖြတ်လိုက်ကြ၏။

ရီဖူရှင်း၏သံစဉ်က ပိုမို၍ အားကောင်း လာသည်။ သူ၏စွမ်းအင်များက ရပ်တန့်၍ မရနိုင်ပေ။ ထိတ်လန့်ဖွယ် ကောင်းသော စွမ်းအင်က လေဟာနယ်အား ဖျက်ဆီးကာ လောင်ဟွန်အား ရစ်ပတ်လာသည်။ ကျယ်လောင်စွာ မြည်ဟည်းသံ တစ်ချက်နှင့်အတူ လောင်ဟွန်ထံသို့ မိုကြိုး လျှပ်စီးကြောင်း တစ်ခု ကောင်းကင်မှ ဆင်းသက်လာကာ သူ၏ကု့ချင်းက အမှုန့် ဖြစ်သွားသည်။

ရီဖူရှင်း၏သံစဉ်က ဆက်လက် ထွက်ပေါ်လာနေသည်။ လျှပ်စီးများက သူ့ရှေ့တွင် တဖျတ်ဖျတ် လက်နေကြကာ သူ့အား မြွေများအလား စိုက်ကြည့် နေကြသည်။ လောင်ဟွန်၏ အမူအရာက သေဆုံးသွားသည့် အလားပင်။ သူကား အလွန် အရှက်တကွဲ ဖြစ်ရသည်။

“ဒါက လှည့်စားမှုလေးတွေ ဆိုပေမဲ့ ကျုပ်က ဂီတကို နားမလည်တဲ့လူတွေကို ဆုံးမဖို့ အသုံးပြုနိုင်တယ်…” ရီဖူရှင်းက အေးစက်စွာ ပြောသည်။ သူ၏သံစဉ်က နှေးကွေးသွားကာ ရပ်တန့်သွားသည်။

မွေးနေ့ပွဲတစ်ခုလုံး တိတ်ဆိတ်နေသည်။ ရီဖူရှင်း၏သံစဉ်က လိမ်လည် လှည့်စားခြင်းသာဟု လောင်ဟွန်က ပြောသည်။ သူက ရီဖူရှင်းအား ပညာပေးမည်ဟု ပြောခဲ့၏။ သို့သော် သူက ဘာလုပ်ခဲ့သနည်း။

နဂါးဆရာကား ဂီတကို နားမလည်သူဟု သရော်ခံရ၏။ ထိုအရာက စော်ကားခြင်းပင်။

ရီဖူရှင်းက သူ့အား ဒဏ်ရာရအောင် မလုပ်ခဲ့ပေ။ သို့သော် သူ၏စကားက လောင်ဟွန်၏ နှလုံးသားအား နာကျင်စေသည်။

“ဒီသီချင်းကို မင်း ဘယ်လို သိတာလဲ…” လောင်ရန်က ရီဖူရှင်းကို မေးသည်။ သူက ထိုလူများလား…။

“လောင်ရန်… ဘာဖြစ်နေတာလဲ…” လောင်ရန်က ထိုသံစဉ်ကို သိသည်။

“ကျုပ်က ဂီတအလုပ်ရုံကို သွားပြီးတော့ လင်းအာအတွက် သီချင်း သွားရွေးတယ်… တစ်ယောက်က ဒီသီချင်းကို လေလံဆွဲနေတယ်… ဒါပေမဲ့ မိန်းကလေးယွန်ချီက နောက်ဆုံးမှာ ဒီသီချင်းကို ဝယ်သွားခဲ့တယ်…” လူအများအပြားက ကုယွန်ချီအား ကြည့်ကြသည်။

ဂူယွန်ချီကလည်း ထိတ်လန့်သွားသည်။ သူမက သခင်မလောင်ကို ကြည့်သည်… “အဲဒါ တကယ်ပဲ လင်းအာကို ပေးခဲ့တဲ့သံစဉ်ပဲ…”

သခင်မလောင်က ဂီတသင်္ကေတ စာရွက်ကို ကြည့်ကာ အံ့အားသင့် သွားသည်။ ကုယွန်ချီက သည်သံစဉ်အား လွန်စွာ ချီးမွမ်းခဲ့ကာ လင်းအာအတွက် ဝယ်ခဲ့သည်။ ယခု ရီဖူရှင်းက ထိုသံစဉ်အား တီးခတ်ခဲ့၏။

“ဒါဆို ဒီလို အားကောင်းတဲ့ အရာကို သူက ဘယ်လို ရခဲ့တာလဲ…” နဂါးကလန်က လောင်ဟွန်အား ထောက်ခံလိုသည်။

ရီဖူရှင်းက နှာခေါင်းရှုံ့လိုက်သည်။

“မင်းက ဘယ်လို ဒါကို သင်ခဲ့တာလဲ…” သခင်မလောင်က မေးသည်… “ဘယ်သူ ရေးခဲ့တာလဲ…”

“အဲဒါက ကျုပ်ရဲ့ တီထွင်မှုပဲ… ကျုပ်ရေးခဲ့တာ…” ရီဖူရှင်း​က ပြောသည်။ လူတိုင်းက ထိတ်လန့် သွားကြသည်။ ရီဖူရှင်းက ထိုသံစဉ်အား ရေးခဲ့သည်လား…။ ကုယွန်ချီပင်လျှင် မယုံကြည်နိုင်ပေ။ ရီဖူရှင်းက ထိုသံစဉ်အား ဂီတအလုပ်ရုံတွင် တီးခတ်ခဲ့သူ ဖြစ်ကြောင်း ခန့်မှန်းမိသော်လည်း ရီဖူရှင်းက ရေးခဲ့သည်ကိုမူကား…။

“ခင်ဗျားက ကျုပ်ကို အနိုင်ရလိမ့်မယ်… ဒါပေမဲ့ ဒီလောက်တော့ ကြွားလုံး မထုတ်သင့်ဘူး… သခင်မ… သူက တခြား လူတွေရဲ့ဂီတကို ခိုးယူတာ ဖြစ်ရမယ်… သူက နိမ့်ကျတဲ့လူပဲ…” လောင်ဟွန်က အေးစက်စွာ ပြောသည်… “လင်းအာကို သူနဲ့ အဆက်အဆံ မလုပ်ခိုင်း သင့်တော့ဘူး…” သူက သူ၏ဂုဏ်သိက္ခာအား သည်နည်းဖြင့် ပြန်ရနိုင်သည်။

“ဟာသပဲ… ဒါဆို ဒါကို နားထောင်ကြည့်…” ရီဖူရှင်းက ပြောကာ ကု့ချင်းကြိုးများအား ထိခတ်လိုက်သည်။ ထိုအခိုက်တွင် သံစဉ်တစ်ခုက အဆုံးစွန်သော မြင့်တက်မှုသို့ ရောက်သွားကာ ကောင်းကင်ကို ဖြတ်ရိုက်သွားသော မုန်တိုင်းတစ်ခုအလား လောင်ဟွန်အား ရိုက်ခတ်သွားသည်။

လောင်ဟွန်၏ ခေါင်းက တုန်ခါသွား၏။ ရီဖူရှင်းက အစီအစဉ်မကျဘဲ ဒေါသတကြီး တီးခတ်နေခြင်း ဖြစ်သည်။ သူက သူ၏ဒေါသကို ပေါက်ကွဲနေခြင်းပင်။ သို့သော် ထိုအရာက ရုန့်ရင်းကြမ်းတမ်းသော သံစဉ်တစ်ခု ဖြစ်သွားသည်။

လောင်ဟွန်က မျက်နှာများ ဖြူဖပ်ဖြူရော် ဖြစ်သွားကာ နောက်ဆုတ် လိုက်သည်။

“ဒါက မလုံလောက်သေးဘူး ဆိုရင် သီချင်း ပြောင်းရအောင်…” ရီဖူရှင်းက ပြောသည်။ သံစဉ်က ပြောင်းလဲသွားသည်။ နဂါးများက ကောင်းကင်တွင် မာန်ဖီကြ၏။ ထိုသံစဉ်က လောင်ဟွန် တီးခတ်ခဲ့သော သံစဉ်နှင့် အလားသဏ္ဌာန်တူသည်။ နဂါးတစ်ကောင်က လေကို ခွင်းလျက် ဒေါသတကြီး တိုးဝင်သွားသည်။

ကုယွန်ချီ ထရပ်သည်။ သူမက ချောမောသော လူငယ်လေးကို စိုက်ကြည့်သည်။ ထိုအခိုက်တွင် ရီဖူရှင်းကား ပြိုင်ဘက် ကင်းသည်။

“ဒါက ဘယ်လို ဖြစ်နိုင်မှာလဲ…” လောင်ဟွန်က သူ့အား ထိတ်လန့်စွာ ကြည့်သည်… “မင်းက ဒါတွေကိုလည်း ရေးခဲ့တာလား…”

“မင်းက ရေအိုင်ထဲက ဖားသူငယ်ပဲ…” ရီဖူရှင်းက သရော်သည်။ သူ၏ အဖြူရောင်ဝတ်စုံက တဖျတ်ဖျတ် လှုပ်ခတ်နေ၏။ လက်ရှိတွင် သူက သည်ရက်ပိုင်း အတွင်း စုဆောင်းထားသော ဒေါသများ အားလုံးကို ဖောက်ခွဲလိုက်ဟန် ရ၏။

“ဒါဆို မင်းကို သိုင်းပညာနဲ့ ပညာပေးရတာပေါ့…” လောင်ဟွန်က မာန်သွင်း လိုက်သည်။ သူ၏နဂါးများကလည်း အော်ဟစ်ကြဟန် ရသည်။ သူက နဂါးတစ်ကောင်အလား ရီဖူရှင်းထံသို့ ခုန်အုပ်လိုက်၏။

အလင်းတစ်ချက် ဖျတ်ခနဲ လက်သွားကာ ရီဖူရှင်း၏ ကု့ချင်းက လက်စွပ်ထဲကို ဝင်ရောက်သွားသည်။ ချက်ချင်း သူ၏ခန္ဓာကိုယ်အား လျှပ်စီးများ ရစ်ပတ်သွားသည်။ ကြောက်မက်ဖွယ် လျှပ်စီးကြောင်းက လောင်ဟွန်ထံသို့ တိုးဝင်လာကာ သူ၏ စိတ်နယ်ပယ်ထဲကို တိုက်ခိုက်သည်။

ထို့နောက် ရီဖူရှင်းက သူ၏လက်ကို မြှောက်လိုက်သည်။ နဂါးများက လောကကို တုန်ခါသွားအောင် အော်ဟစ်ကြသည်။ ရီဖူရှင်း၏ လက်က အရာအားလုံးကို ဖျက်ဆီးသော နဂါးတစ်ကောင်း အလား ထင်မှတ်ရသည်။ ထို့နောက် နဂါး၏ လက်သည်းက လောင်ဟွန်ထံ ရောက်လာကာ သူ့အား ဖမ်းဆုပ်လိုက်သည်။

“မင်းက သိုင်းပညာအတွက် အဆင့်မီလို့လား…”

ရီဖူရှင်းက လောင်ဟွမ်းအား မြေပြင်ပေါ်တွင် ကိုင်ပေါက် လိုက်သည်။ မြေပြင်က လူတိုင်း၏ နှလုံးခုန်သံနှင့်အတူ တုန်ခါသွား၏။ သူတို့ရှေ့မှ မြင်ကွင်းကား လွန်စွာ ထိတ်လန့်ဖွယ် ကောင်းသည်။

သူက တကယ်ပဲ ဂီတ အကူများလား…။

မင်းက သိုင်းပညာအတွက် အဆင့်မီလို့လား…။

***


Comment

Leave a Reply

Options

not work with dark mode
Reset