Switch Mode

အပိုင်း (၃၅၆)

လောကကြီးကို စာရေးခြင်း

ယူချင်းအား သယ်ဆောင်လျက် ရီဖူရှင်းက တောင်ပေါ်ကို တက်နေသည်။ သူက မချိပြုံးပြုံးကာ ခက်ခဲစွာ လျှောက်နေ၏။ ဖိအားများနှင့် ယှဉ်လျှင် မကောင်းဆိုးဝါး အငွေ့အသက်များက သူ့အား လွှမ်းမိုးနိုင်စွမ်း သိပ်မရှိပေ။ သူက လုံးဝ အားပြည့်ခြင်း မရှိသေးသော်လည်း ဧကရာဇ် အသိက ရှိနေဆဲဖြစ်သည်။ ထိုအရာက မည်သည့်အရာနှင့်မှ  တုန်လှုပ်ခြင်း မရှိနိုင်ပေ။ မကောင်းဆိုးဝါးက သူ့အား ဘာမှ မလုပ်နိုင်ပေ။

ယူချင်းကား အိပ်မောကျနေသည်။ သူက ရီဝူချင်းနှင့် ရီဖူရှင်းကို ရက်များစွာ သယ်ဆောင်လာကာ တောင်ပေါ်ကို တက်ရောက်ခဲ့သည်။ ထို့နောက် သူက အဟံနှင့် ဆက်လက် တိုက်ခိုက်ခဲ့ရ၏။ သူကလည်း အားပြတ်သွားကာ ယခု လုံးဝ အိပ်မောကျသွားသည်။

“ငါတို့ ရောက်တော့မယ် ထင်တယ်…” ရီဖူရှင်းက မော့ကြည့်သည်။ ကောင်းကင်တောင်၏ တောင်ထိပ်က သူ၏ ရှေ့နားတွင်ဟု ထင်ရသည်။

သူက နောက်ထပ် တစ်လှမ်းလှမ်းကာ နှင်းမြေပြင်ပေါ်တွင် နက်ရှိုင်းသော ခြေရာတစ်ခုကို ဖြစ်ပေါ်စေသည်။ နှင်းများက ဆက်လက် ကျဆင်းနေသော်လည်း သူက အေးစက်မှုကို မခံစားရပေ။ သူက နှင်းများကို သူ့ခန္ဓာကိုယ်ပေါ်တွင် ကျဆင်းစေပြီး ရှေ့ကို ဆက်သွားသည်။ ထိုအရာက လွန်စွာခက်ခဲကာ နှေးကွေးသော်လည်း သူက လက်မလျှော့ပေ။ ထိုအရာကလည်း ယူချင်း၏ ခိုင်မာသော စိတ်ဓာတ် ဖြစ်သည်။ ဤမတိုင်မီက သူက ရီဖူရှင်းအား မိစ္ဆာအသိ ဖုံးလွှမ်းနေသော အချိန်တွင်ပင် တောင်ထိပ်သို့ ခေါ်ဆောင်လာသည်။

ဟွာချင်းချင်းက သူတို့နောက်မှ လိုက်ပါလာနေဆဲ ဖြစ်သည်။ ရီဖူရှင်းအား ကြည့်ကာ သူမက အမှန်ပင် အံ့အားသင့်ရသည်။ သူ ခံစားနေရသော ဖိအားကို သူမသိသည်။ ရီဖူရှင်းက လူတစ်ယောက်အား ကျောပိုးလျက် မည်သို့ ဆက်သွားနိုင်သနည်း။ သူ၏စိတ်အင်အားက ဘယ်လောက် အားကောင်းသနည်း။

သူတို့က ဖြည်းညင်းစွာ တက်ကြသည်။ မြွေများလို သူတို့က တောင်ပေါ်ကို ခြေလက်များ သုံးလျက် လေးဖက် ထောက်ကာ တက်ကြသည်။

ရီဖူရှင်းက ထုံကျင်မှုကိုသာ ခံစားရ၏။ သူက အချိန်မည်မျှကြာအောင် လျှောက်လာခဲ့သည်ကို မသိတော့ပေ။ သူက နောက်ဆုံး ခြေလှမ်းကို တောင်ထိပ်ပေါ်သို့ ချလိုက်သည့် အချိန်တွင် သူက အရာအားလုံး ပြီးဆုံးသွားသလို ခံစားရသည်။ သူက ခေါင်းမော့လျက် ကောင်းကင်အား ကြည့်သည်။ နှင်းများက တောင်ထိပ်ပေါ်သို့ ကျဆင်းနေဆဲ ဖြစ်သည်။ သူက လက်ဆန့်တန်းလျက် နှင်းပွင့်တစ်ခုက သူ၏ လက်ပေါ်ကို ကျဆင်းလာသည်။ စိုးရိမ်ပူပန်မှုများ အားလုံး ပြယ်ပျောက် သွားသည့်အလား သူက ပြုံးလိုက်သည်။

မမြင်ရသော ဖိအားက ပျောက်ကွယ် သွားသည်။ ယခု သူက လွန်စွာ ပေါ့ပါးမှုကို ခံစားရသည်။ ယခုကား သူက တောင်ထိပ်၏ အစွန်း တစ်နေရာတွင် ဖြစ်သည်။ သူက နောက်ကို လှည့်ကြည့်လျှင် အောက်ခြေမှ တစ်လောကလုံးကို မြင်ရသည်။ ကောလာဟလအရ တောင်ထိပ်ပေါ်တွင် မမြင်ရသော အားလှိုင်းတစ်ခု ရှိသည်။ ဘယ်သူကမှ အထဲကို တိုက်ရိုက် ဝင်ရောက်၍ မရပေ။

မျက်လုံးကို မှိတ်လျက် ရီဖူရှင်းက အသက်ကို ဝအောင်ရှူ လိုက်သည်။ ထို့နောက် သူက တောင်ထိပ်ပေါ်မှ ရှုခင်းအား ကြည့်သည်။ တောင်ထိပ်အား နှင်းများ ဖုံးအုပ်ထားသည်။ ယူချင်းအား ပိုးလျက် သူက ရှေ့ကို ဆက်လျှောက် သွားသည်။ ရှေ့တွင် နှင်းလူ နှစ်ယောက်ကို တွေ့ရသည်။ သူတို့က ကု့ချင်းများကို ချကာ ထိုင်နေကြသည်။ သူတို့က ကု့ချင်းကို အာရုံစိုက်ကာ တီးခတ် နေပုံရ၏။

သူတို့က နှင်းရုပ်တုများဖြစ်ရာ ရီဖူရှင်းက သူတို့၏ မျက်နှာကို ရှင်းလင်းစွာ မမြင်ရသော်လည်း သူက ထူးခြားသော ကိုယ်ရောင်ကိုယ်ဝါကို ခံစားရ၏။ ဘယ်ဘက်မှ တစ်ယောက်ကား နှင်းများဖြင့် ပြုလုပ်ထားသော ဆံပင်ရှည်များ ပခုံးပေါ်ကို ပြန့်ကျဲကာ ကျနေသည်။ သူ၏ လှုပ်ရှားမှုများက သိမ်မွေ့ဟန် ရနေသည်။ ရီဖူရှင်းက ကု့ချင်းတီးခတ်နေသော လွန်စွာ ကောင်းမွန်လှသော ပုံပန်းသွင်းပြင်ကို ခန့်မှန်း၍ ရသည်။ ရီဖူရှင်းက နောက်တစ်ယောက်၏ သွင်ပြင်အား တစ်ချက် ကြည့်ရုံမျှဖြင့် ဘယ်သူ ဖြစ်သည်ကို သိသည်။

သူကား ဧကရာဇ်ရီချင် ဖြစ်သည်။

သူက ဧကရာဇ်ရီချင် ဆိုပါက နောက်တစ်ယောက်က အရှေ့ဘက်၏ အရှင်သခင် အရှင်ဒွန်ဟောင် ဖြစ်မည်မှာ သေချာလှသည်။

ဒဏ္ဍာရီကား တကယ် မှန်ကန်သည်။ ကောလာဟလများအရ ဧကရာဇ်နှစ်ပါးက တောင်ထိပ်ပေါ်တွင် တစ်ခုခု ချန်ထားခဲ့သည် ဟူ၏။ လက်ရှိတွင် ဧကရာဇ်ရီချင်၏ ရုပ်တုများ အားလုံးမှာ ဖျက်ဆီးခံရပြီး ဖြစ်သည်။ သူ၏ ရုပ်ထုအား ဤနေရာတွင် ဆက်လက် ရှိနေနိုင်သည်မှာ လွန်စွာ တန်ဖိုးကြီးမား လှပေသည်။

ရာစုနှစ် အနည်းငယ်က အရှင်ဒွန်ဟောင်နှင့် ဧကရာဇ်ရီချင်တို့က ဤနေရာတွင် ကု့ချင်းကို တီးခတ်ခဲ့ကြသည်။ သူတို့က အတူတူ သောက်ကာ တေးသီကျူးခဲ့ကြသည်။ ထို့နောက် မိစ္ဆာနတ်ငှက်အား ရင်ဆိုင် တိုက်ခိုက်ခဲ့ကြ၏။ နောက်ပိုင်းတွင် အရှင်ဒွန်ဟောင်က လောကအား အုပ်စိုးသော အချိန်တွင် ဧကရာဇ်ရီချင် ပျောက်ကွယ် သွားခဲ့ရသည်။ သူတို့ နှစ်ယောက်က လောကကို အုပ်စိုးပြီး နောက်ပိုင်း ဘာတွေ ဖြစ်ပျက်ခဲ့သနည်း။

ယူချင်းကို မြေပြင်တွင် အသာအယာ ချပြီး ရီဖူရှင်းက ဧကရာဇ်ရီချင်၏ ရုပ်တုအား ဦးညွှတ်သည်။ သူတို့၏ ပတ်သက်မှုကို သူက ရှင်းရှင်းလင်းလင်း မသိသော်လည်း တစ်ခုခုရှိသည်မှာ သေချာသည်။

သူက ဦးညွှတ်လျှင် သူ၏ မျက်လုံးက တစ်နေရာကို ရောက်သွားသည်။ သူက ထိုနေရာကို လျှောက်သွားကာ နှင်းမြေပြင်အား လက်ဖြင့် ယက်လိုက်သည်။ သူက ဘူးသီးခြောက် တစ်လုံးကို တွေ့ရ၏။ ထိုအရာက မြေကြီးထဲကို နက်ရှိုင်းစွာ နစ်မြုပ်ခြင်း မရှိသေးပေ။ သူတို့က တောင်ပေါ်ကို တက်နေစဉ် တစ်ယောက်ယောက်က ဤနေရာကို ရောက်လာခဲ့သည်လား…။

ရီဖူရှင်း တုန်လှုပ်သွားသည်။ သူက ပတ်ဝန်းကျင်ကို လိုက်ရှာကြည့် သော်လည်း ကျယ်ပြန့်သော မြေနေရာတွင် မဆုံးနိုင်သော နှင်းများကိုသာ တွေ့ရသည်။

ဤသို့ဆိုလျှင် ဤနေရာတွင် ဘယ်သူက အရက်သောက် သွားသနည်း။ တစ်စုံတစ်ယောက်က ဤနေရာကို ရောက်လာခဲ့သည် ဆိုပါက သူ၏ တန်ခိုးက ဘယ်အဆင့်လဲ…။ ကောင်းကင် တောင်ထိပ်တွင် ဘာခေါင်းလောင်းမှလဲ မရှိပေ။ ဤသို့ဆိုလျှင် ခေါင်းလောင်းသံက ဘယ်နေရာက လာသနည်း။

ရီဖူရှင်းက တစ်စုံတစ်ခုကို ခံစားမိလျှင် နှင်းရုပ်တု နှစ်ခုအား ကြည့်သည်။ သူက လွတ်လပ်ခြင်း ကျင့်စဉ်အား အသက်သွင်း လိုက်သည်။ ထိုအခိုက်တွင် သူက အသက်ဝင်လာသော ပုံရိပ်နှစ်ခုကို မြင်ရသည်။ အရှင်ဒွန်ဟောင်နှင့် ဧကရာဇ်ရီချင်တို့က သူ၏ စိတ်အာရုံထဲတွင် အသက်ဝင်လာသည်။

“စီနီယာ…” ရီဖူရှင်းက ဧကရာဇ်ရီချင်၏ ရုပ်တုအား ခေါ်လိုက်သည်။ ရာစုနှစ် အနည်းငယ်က ဧကရာဇ်ရီချင်က ဧကရာဇ် မဖြစ်သေးပေ။ ယခု ရုပ်တုက တီအန်ယွာ တောင်ပေါ်တွင် မြင်ခဲ့ရသော ဧကရာဇ်ရီချင်ထက် အသက်ငယ်ရွယ်ပေသည်။

အရှင်ဒွန်ဟောင်၏ မျက်လုံးများက လွန်စွာ အသက်ဝင်လှသည်။ အနက်ရောင် ဆံပင်များက သူ၏ ပခုံးပေါ်ကို ဝဲလျက် ကျဆင်းနေသည်။ သူ့တွင် ထင်ပေါ်သော ကိုယ်ရောင်ကိုယ်ဝါရှိသည်။ သူတို့၏ ပုံရိပ်များက တကယ့် အစစ်အမှန် မဟုတ်သည်ကို ရီဖူရှင်းက သိသည်။ သူတို့က ဤနေရာတွင် မရှိတော့ပေ။

သူ၏စိတ်ထဲကို ဂီတသံများ စိမ့်ဝင်လာသည်။ ကု့ချင်းသံစဉ်များက ရီဖူရှင်း၏ စိတ်နယ်ပယ်ထဲကို ဝင်ရောက်လာကာ ဂီတသင်္ကေတများ အဖြစ် ပြောင်းလဲ ဖြစ်ပေါ်ကြသည်။ ယခုတွင်သူက ပုံရိပ်ယောင် ကမ္ဘာတစ်ခုထဲကို ရောက်နေသည်။ သူက ဧကရာဇ်နှစ်ပါး တီးခတ်နေသည်ကို နားဆင်နေရသည်။

ရီဖူရှင်းက မျက်လုံးကို မှိတ်လိုက်လျှင် ထိုမြင်ကွင်းက ပိုမို ကြည်လင် ပြတ်သားလာသည်။ သူက လွန်ခဲ့သော ရာစုနှစ် အနည်းငယ်သို့ ပြန်လည် ရောက်ရှိသွားသလို ခံစားရသည်။ ဧကရာဇ်နှစ်ပါးက ငယ်ရွယ်နုပျိုသော အရွယ်တွင် ရှိပြီး သူတို့က တောင်ထိပ်ပေါ်တွင် ကု့ချင်းအား အတူတူ တီးခတ်နေကြသည်။ သူတို့က လွန်စွာ ခင်မင်ရင်းနှီးကြပြီး အတူတူ ရှင်သန် သေဆုံးရန် ကတိသစ္စာ ပြုခဲ့ကြသည်။

သူတို့က တကယ့် စစ်မှန်သော ပါရမီရှင်များဖြစ်ကြကာ ကောင်းကင်ဒေသ၏ ထိပ်ဆုံးကို တက်လှမ်း နိုင်ခဲ့ကြသည်။ နောက်ပိုင်းတွင် ဘာတွေ ဖြစ်ပျက်ခဲ့ကြသနည်း။ ထိုအရာက အာဏာကြောင့်လား…။

ရီဖူရှင်းက သက်ပြင်းချသည်။ ထို့နောက် သူက မျက်လုံးကို ဖွင့်ကာ နှင်းများ ပြည့်နေသော ကောင်းကင်ကို ကြည့်သည်။ သူက ထိုင်ချလိုက်ကာ သူ၏ ကု့ချင်းဝိညာဉ်အား ထုတ်လိုက်သည်။

ဂီတသံစဉ်များက ညင်သာစွာ ထွက်ပေါ်လာသည်။ တီးလုံးများက လှပကာ လွတ်လပ်သည်။ သီချင်းက လောကို ခရီးနှင်သွားကာ ပြိုင်ဆိုင်မှုများ ကျေးဇူးတရားများကို ရင်ဆိုင်ဖြေရှင်းသည်။ သီချင်းထဲတွင် တီးခတ်သူက လောကကို ဓားတစ်လက်ဖြင့် မည်သို့ ခရီးနှင်ခဲ့သည်ကို သူကခံစား၍ ရသည်။ သူက လွတ်လပ်စွာ အသက်ရှင် နေထိုင်သော်လည်း သူ၏ နှလုံးသားစေရာကို လုပ်သည်။ သူက လောကကြီး၏အနှောင့်အယှက်များမှ ကင်းလွတ်လျက် လက်စားချေ လိုသည်။

ရီဖူရှင်း တီးခတ်လျက် ဂီတသင်္ကေတများက ဧကရာဇ်ရီချင်နှင့် အရှင်ဒွန်ဟောင်တို့၏ ရုပ်တုများမှ ထွက်ပေါ်လာသည်။

တခြား အရပ်တစ်ခုမှ လှပသော မိန်းမပျို တစ်ယောက်က တောင်ထိပ်ကို ရောက်လာသည်။ ဟွာချင်းချင်းက နောက်ဆုံးတွင် တောင်ထိပ်ကို ရောက်လာသည်။ သူမက ရီဖူရှင်းကို လှမ်းကြည့်လျှင် သူက ကု့ချင်း တီးခတ်နေသည်ကို မြင်သည်။ ဟွာချင်းချင်းက ဂီတကို ချစ်ခင်မြတ်နိုးသည်။ သူမက သံစဉ်ထဲမှ ဆန်းကြယ်မှုကို ခံစားမိသည်။ ထိုအရာက လွန်စွာ လှပကာ အပြစ်အနာအဆာ ကင်းသည်။ အနုပညာ ရသသိကာ လွန်စွာသန့်စင်ကာ မြင့်မြတ်သည်။ သူက ရီဖူရှင်းနှင့် ယူချင်းထံသို့ လျှောက်လာသည်။

ထိုအခိုက်အတန့်တွင် သူမက ရီဖူရှင်းရှေ့ကို ရောက်လာသည်။ သို့သော် သူမက ဘာမှမလုပ်ပေ။ သူမက ဂီတသံစဉ်အား အနှောင့်အယှက် မပြုလိုပေ။

သူမ ရောက်နေသည် ကိုလည်း ရီဖူရှင်းသိသည်။ သို့သော် သူကလည်း မရပ်တန့်လိုပေ။ ဂီတသင်္ကေတများက သူ၏စိတ်ထဲကို အဆက်မပြတ် ဝင်ရောက်လာသည်။ သူ၏ လက်ချောင်းများက ကြိုးများကို ထိတွေ့ကာ တစ်ချိန်က အရှင်ဒွန်ဟောင်နှင့် ဧကရာဇ်ရီချင်တို့၏ အတွေးများကို ခံစားမိသည်။

လှပသော သံစဉ်က တဖြည်းဖြည်းနှင့် ပြောင်းလဲလာသည်။ သံစဉ်က ပိုမိုနက်မှောင်လာကာ ဝမ်းနည်းသော ခံစားချက်ကို ပေးသည်။ လွတ်လပ်မှုကို အရိပ်တစ်ခုက ကျဆင်းလာသည်။ သူ၏ နှလုံးသားမှ ရုန်းကန်မှုကို သူက ခံစားရသည်။ သန့်စင်သော နှလုံးသားကား ယခင်လို အပြစ်ကင်းမှုကို ထိန်းသိမ်းနိုင်စွမ်း မရှိတော့ပေ။ သူတို့က လွတ်လပ်ရန် ရုန်းကန်သည်။ သူတို့က နာကျင်မှု၊ ဝမ်းနည်းမှု၊ ဒေါသများကို ခံစားရသည်။ နှင်းများက သီချင်းထဲမှ ဝမ်းနည်းမှုကို ခံစားရဟန်ဖြင့် ကြမ်းတမ်းလာသည်။

ဧကရာဇ်နှစ်ပါး ကု့ချင်း တီးခတ်နေသော ပုံရိပ်က ဟွာချင်းချင်း၏ စိတ်ထဲတွင်လည်း ပေါ်လာသည်။ သံစဉ်များက သူမ၏နားထဲကို ဝင်ရောက်လာလျှင် သူမ၏ ဝိညာဉ်က ထိတ်လန့်ကာ အနုပညာရသသိထဲကို ဆွဲသွင်းခံရသည်။

သူမကလည်း တောင်ပေါ်ကို တက်လာစဉ်က စိတ်ထဲတွင် များစွာ ရုန်းကန်ခဲ့ရပြီး ခက်ခဲစွာ တွေးတော နေခဲ့သည်။

ဂီတသံစဉ်က ပြောင်းလဲ သွားပြန်သည်။ အခက်အခဲများ နာကျင်မှုများ ပြီးသွားသောအခါ အရာအားလုံးက ပုံမှန်ပြန်ဖြစ် သွားသည်။ သူတို့၏နှလုံးသားများက ရေပြင်ကဲ့သို့ တည်ငြိမ်သွားကာ သန့်စင်မှုကို ပြန်လည် ထိန်းသိမ်းနိုင်သည်။ လေထဲတွင် နှင်းများ ကခုန်ကြသည်။

ဟွာချင်းချင်းက မော့ကြည့်သည်။ သူမက ကု့ချင်းနှင့် လွန်စွာ ရင်းနှီးကျွမ်းဝင် သော်လည်း ထိုမျှ ပြည့်စုံသော ဂီတသံစဉ်အား တစ်ခါမှ မတီးခတ်ဖူးပေ။ ဂီတသင်္ကေတများက သူမ ရှေ့မှောက်တွင် ကခုန်နေကြသည်ကို မြင်လျှင် သူကလည်း ထိုင်ကာ ကု့ချင်း ဝိညာဉ်အား ထုတ်လွှတ်သည်။ သူမ၏ သေးသွယ်သော လက်ချောင်းများက ကု့ချင်းကြိုးပေါ်တွင် ပြေးလွှားသွားကာ ရီဖူရှင်း နှင့်အတူ လိုက်လံ တီးခတ်သည်။ သံစဉ်နှစ်ခုက လိုက်လျောညီထွေက လှပညက်ညောသည်။ ဧကရာဇ် နှစ်ပါးက ဤသီချင်းအား အတူတူ တီးခတ်ခဲ့ကြသည်။ ယခု သူတို့နှစ်ယောက် တီးခတ်လျှင် အနုပညာ ရသသိက ပိုမိုအားကောင်း လာသည်။

ကောင်းကင် တောင်ထိပ်ပေါ်တွင် ဂီတသံစဉ်က အချိန်ကို ဖြတ်သန်းသွားကာ နှင်းများအကြား ဖြစ်တည်နေသည်။ ထိုအရာက လွန်စွာ လှပပေသည်။

တည်ငြိမ်သော သံစဉ်ထဲတွင် သူတို့က ဧကရာဇ်နှစ်ပါး၏ နှလုံးသားများ ရင့်သန်လာမှုကို ခံစားရသည်။ သူတို့ကလည်း သူတို့၏ နှလုံးသားအား သန့်စင်အောင် ထိန်းသိမ်းခဲ့ကြသည်။ သို့သော်လည်း သံစဉ်က တဖြည်းဖြည်း ထက်ရှကာ တင်းမာလာသည်။ ထိုအရာက ကောင်းကင်ကို ကျယ်လောင်စွာ ဟစ်အော်လိုသည့်အလား ထင်မှတ်ရ၏။

ရီဖူရှင်းနှင့် ဟွာချင်းချင်းတို့က သံစဉ်ထဲကို သူတို့၏ သဘာဝ စွမ်းအားများအား မသိလိုက်ဘဲ အသုံးပြုမိ နေကြသည်။ လေထဲတွင် သဘာဝစွမ်းအင်များက ကြမ်းတမ်းစွာဖြင့် လှုပ်ခတ်နေသည်။ ထိုအခိုက်တွင် ကောင်းကင်တောင်က ပြောင်းလဲလာသည်ဟု သူတို့က ခံစားကြရသည်။ မဆုံးနိုင်သော ရောင်ခြည်ရောင်ဝါများ ကောင်းကင်တောင်ကို ဖြန်းပက်လာသည်။ နှင်းပွင့် တစ်ခုစီတိုင်းက အနုပညာရသသိကို ဖော်ကြူးသည်။

ဧကရာဇ်များက နှင်းတောထဲတွင် ကု့ချင်း ထိုင်တီးနေသည်ကို သူတို့က မြင်ကြရသည်။ မြင့်မြတ် ထည်ဝါသော အရောင်အဝါများက ကောင်းကင်ကို ဖုံးအုပ်လျက် တောင်ပေါ်ကို ဖြန်းပက်ထားသည်။ အနုပညာရသသိထက် ပိုမို ကြောက်မက်ဖွယ် ကောင်းသည်ကား တောင်ထိပ်ပေါ်ကို ရောက်ရန် စိတ်ဓာတ်ခိုင်မာ ပြတ်သားမှုဖြစ်သည်။

ဂီတသံစဉ်ထဲတွင် ဧကရာဇ်များ၏ ခိုင်မာသော ဆုံးဖြတ်ချက်များ ပါဝင်သည်။ ရီဖူရှင်းထံတွင် ဧကရာဇ် အလင်းမှိန်မှိန် စတင် လင်းလက်လာသည်။ သူကား အနုပညာရသသိထဲတွင် လုံးဝ နစ်မြောနေသည်။

ထိုအခိုက်တွင် ရီဖူရှင်း နားလည်လိုက်သည်က ဧကရာဇ်နှစ်ပါးက ရာစုနှစ်အနည်းငယ်က တောင်ပေါ်ကို တက်ရန် ဆုံးဖြတ်ခဲ့ကြသည်။ သူတို့က ကောင်းကင် တောင်ထိပ်တွင် ဤဂီတသံစဉ်ဖြင့် လောကကို အုပ်စိုးရန် ဆုံးဖြတ်ခဲ့ကြသည်။

***


Comment

Leave a Reply

Options

not work with dark mode
Reset