Switch Mode

အပိုင်း (၂၇၄)

ဂီတတိုက်ပွဲ

လက်ရှိတွင် ရီဖူရှင်းက တိတ်ဆိတ်စွာ ရှိနေဆဲ ဖြစ်သည်။ သူကား ထူးခြားသော ကိုယ်ရောင် ကိုယ်ဝါနှင့် ချောမော ခန့်ညားသည်။ သူ၏ ရှည်လျား သွယ်လျသော လက်ချောင်းများက ကု့ချင်းကြိုးပေါ်တွင် ကခုန်နေသည်။ ကောင်းကင်မှ ကြောက်မက်ဖွယ် ကောင်းသော မြင်ကွင်းက သူ၏ ကု့ချင်း တီးခတ်မှုကို သက်ရောက်စေဟန် မရှိပေ။ ယခုတွင်ကား သူက ကု့ချင်းကိုသာ အာရုံဝင်စားလျက် တီးခတ်နေသည်။ သူ၏ မျက်လုံးရှေ့တွင် တောင်များ ပြိုကျလျှင်ပင် သူက မျက်တောင် တစ်ချက် ခတ်မည် မဟုတ်သည့်အလား ဆက်လက် တီးခတ်နေ၏။

ထိုအခိုက်တွင် လူအများက ထူးဆန်း အံ့ဖွယ် အနုပညာ ရသသိ တစ်ခုထဲသို့ ဆောင်ယူသွားခြင်း ခံလိုက်ရသည်။ သူတို့၏ မသိစိတ်က ရီဖူရှင်းအား စိုးရိမ်စိတ်များ ဖြစ်လာကြကာ ရီဖူရှင်းက ထိုတွင်းနက်ကြီး၏ ဝါးမျိုခြင်း ခံရမည်ကို စိုးရိမ်နေကြသည်။

ရီဖူရှင်း၏ ခေါင်းထက်တွင်ကား ထူးဆန်းသော မြင်ကွင်းက ကြောက်မက်ဖွယ် ကြီးထွား လာနေသည်။ အင်းကွက်က သဘာဝ စွမ်းအင်များကို ရက်စက်သော သားရဲက မြင်ကွင်းမှ အရာအားလုံးကို သတ်ဖြတ်သကဲ့သို့ စုပ်ယူနေသည်။

နောက်ဆုံးတွင် ချိန်ရှင်းမူ၏ လက်ချောင်းက ဗျပ်စောင်း၏ ကြိုးများကို ရုန့်ရင်းစွာ တီးခတ်လိုက်သည်။ ရီဖူရှင်း၏ ခေါင်းပေါ်မှ တွင်းနက်ကြီးအား သဘာဝ စွမ်းအင် အားလှိုင်းတစ်ခု လာရောက် ရစ်ပတ်သည်။ တိမ်မည်းများ ကောင်းကင်တွင် ဖြစ်ပေါ်လာကာ တစ်လောကလုံးကို အမှောင်ထုများ လွှမ်းခြုံစေသည်။ ထိုအရာက မိစ္ဆာတစ်ကောင်၏ မွေးဖွားခြင်း အလားပင်။ မိုးကြိုးနှင့် လျှပ်စီးက ကောင်းကင်တွင် တဖျတ်ဖျတ် လက်နေသည်။ ထို့နောက် ထိုအရာများ အားလုံးက ရီဖူရှင်းထံ ဆင်းသက် လာသည်။

လူအများအပြားက ရှေ့မှ မြင်ကွင်းအား စိုးရိမ်စွာဖြင့် ကြည့်ကြသည်။ ထိုအရာက ကြောက်မက်ဖွယ် ကောင်းလွန်းလှသည်။ ထိုတိုက်ခိုက်မှုက အမှန်ပင် ဓမ္မအဆင့် တန်ခိုးရှင်က ခံနိုင်ရည်ရှိသော တိုက်ခိုက်မှုလား။ ထိုတိုက်ခိုက်မှုအား အဆင့်နိမ့် အကာနာ ပါရမီရှင်များ ပင်လျှင် ခုခံနိုင်မည့်ပုံ မပေါ်ပေ။

ဖျက်ဆီး မုန်တိုင်း ဆင်းသက် လာသည်ကို တော်ဝင် ချန်ကျောင်းတော်မှ လျိုဂျန်လန်က အေးစက်သော မျက်လုံးများဖြင့် ကြည့်သည်။ သူ၏ လက်နှစ်ဖက်အား တင်းကျပ်စွာ ဆုပ်ကိုင်ထားသည်။ ရီဖူရှင်းက ထိုမုန်တိုင်း အောက်တွင် သေဆုံးသွားစေဖို့ သူ မျှော်လင့်သည်။ ထိုနည်းဖြင့် နန်ဒူနိုင်ငံ၏ ဘေးအန္တရာယ်က ပျောက်ကွယ် သွားမည် ဖြစ်သည်။ မဟုတ်လျှင် ရီဖူရှင်းက သွေးကြွေး ဆပ်ရန် သူတို့၏ တံခါးကို အနှေးနှင့်အမြန် လာရောက် ခေါက်ပေတော့မည်။

ကျောင်းတော်ဘက်မှ တန့်ယွီ၊ စုမူဂီနှင့် တခြားလူများက ထိုမြင်ကွင်းကို စိုးရိမ်ခြင်း ကင်းမဲ့စွာ ကြည့်နေကြသည်။ ရီဖူရှင်းက အမှန် ထိုသို့နည်းဖြင့် သေဆုံးသွားပါက ထိုအရာက သူ၏ မိုက်မဲခြင်း ကြောင့်သာ ဖြစ်သည်။

မုန်တိုင်းက ရီဖူရှင်း၏ အပေါ်သို့ ရောက်ရှိ လာစဉ်မှာပင် ရီဖူရှင်း အနီးတွင် လှည့်ပတ်နေသော အသံလှိုင်းက ရုတ်တရက် ထက်ရှသွားသည်။ ပုံသဏ္ဌာန်မဲ့ စိတ်စွမ်းအား လှိုင်းများ ထွက်ပေါ်လာ၏။ တိုက်ခိုက်မှုက သူ၏ အနီးကို ရောက်လာသည်နှင့် ဖျက်ဆီးခံရသည်။ ထို့နောက် ထိုအရာက သဘာဝ စွမ်းအင်များ အဖြစ် ပြောင်းလဲသွားပြီး ရီဖူရှင်း အနီးတွင် စုစည်းကာ လှည့်ပတ် နေကြသည်။

ထိုသို့သော ပုံစံဖြင့်ပင် လူတိုင်းက အံ့အား သင့်ဖွယ်ရာ မြင်ကွင်း တစ်ခုကို မြင်လိုက် ကြရသည်။ လွန်စွာ ဖျက်အား ပြင်းသော မှော်တိုက်ကွက်က ရီဖူရှင်း၏ အနီးကို ရောက်သွားတိုင်း သူ၏ စိတ်ဝိညာဉ် အားလှိုင်း၏ ဖျက်ဆီးခြင်းကို ခံရသည်။ ရီဖူရှင်းက ကု့ချင်းကို တီးခတ်လျှင် သူက တခြားလူများ သတိ မထားမိစဉ်မှာပင် မိမိကိုယ်ကို စိတ်ဝိညာဉ် အားလှိုင်းဖြင့် ကာကွယ်ထားပြီး ဖြစ်သည်။ ထိုအရာက မည်သည့် တိုက်ခိုက်မှုကိုမဆို ကာကွယ်နိုင်သည်။

မှော်ပညာကား စိတ်ဝိညာဉ် စွမ်းအားကို အခြေခံ၍ ဖြစ်လာခြင်း ဖြစ်သည်။ အင်းကွက်မှ ထုတ်လွှတ်သော မှော်တိုက်ကွက်များ ပင်လျှင် စိတ်ဝိညာဉ် စွမ်းအားများကို အခြေခံ၍ ဖြစ်ပေါ်လာခြင်း ဖြစ်သည်။ စိတ်ဝိညာဉ် စွမ်းအားကို သုံးလျက် တိုက်ခိုက်နိုင်သူများက ထိုအရာကို ခံစစ်တွင်လည်း သုံးနိုင်ပေသည်။

ကု့ချင်းသံက အနည်းငယ် လျင်မြန်လာသည်။ သူ၏ လက်ချောင်းများက ကု့ချင်းကြိုးများတွင် လျင်မြန်စွာ ပြေးလွှားနေသော အချိန်တွင် ကောင်းကင်ထက်မှ အင်းကွက်၏ တိုက်ခိုက်မှုများ ကလည်း ပိုမို ပြင်းထန် လာသည်။ ရီဖူရှင်း၏ လှုပ်ရှားမှုများက သိမ်မွေ့သလို မြစ်ရေအလျင်ကဲ့သို့ တည်ငြိမ်ပြီး ချောမွေ့ကာ လှပသော သံစဉ်တစ်ခုကို ဖန်တီးနေသည့် အလားပင်။ မိုးသက်မုန်တိုင်းများက မည်မျှ ပြင်းထန်ပါစေ သူ့အား မည်သည့် အရာကမှ လုပ်ရှားအောင် မတတ်နိုင်ပေ။ မည်သည့် အားအင်ကမှ သူ့အား တုန်ခါစေနိုင်စွမ်း မရှိပေ။

ထိုအခိုက်တွင် ထိုချောမောသော လူငယ်လေး ခန္ဓာကိုယ်မှ နိုဘယ်စွမ်းအင် အငွေ့အသက်များကို ပင်လျှင် တွေ့ကြရသည်။

ဘယ်လောက် အားကောင်းလိုက်တဲ့ ခံစစ် နည်းစနစ်လဲ။ လူတိုင်းက လှမ်းကြည့် လိုက်ကြသည်။ သူက နိုဘယ်အဆင့် သိဒ္ဓိဝင် ပစ္စည်းထံမှ စွမ်းအားများကို အသုံးပြု နေသည့်တိုင် ရီဖူရှင်းက ဂီတတွင် လွန်စွာ သိနားလည်ပုံ ရသည်မှာ ထင်ရှားသည်။ သူက ဂီတကို နားမလည်ဟု ပြောခြင်းမှာ ချိန်ရှင်းမူအား သရော်ရန်သာ ဖြစ်၏။

ချိန်ရှင်းမူလည်း အနည်းငယ် အံ့အားသင့် သွားသည်။ ရီဖူရှင်းက ကု့ချင်းကို တီးခတ်သည်။ ထိုအရာက မည်သည့် ထူးခြားမှုမှ မရှိသော်လည်း သူက ခံစစ်အား တည်ထားနိုင်သည်။ မှော်ဂီတပညာရှင် တစ်ယောက် အနေဖြင့် ရီဖူရှင်းက ဂီတပိုင်းဆိုင်ရာ တိုက်ခိုက်မှုများ အားလုံးကို သိနားလည်သည်။ အထိရောက်ဆုံးကား စိတ်ဝိညာဉ် စွမ်းအားဖြင့် တိုက်ရိုက် တိုက်ခိုက်ခြင်း ဖြစ်သည်။ စုမူဂီက ထိုနည်းစနစ် အောက်တွင် ခံရခြင်း ဖြစ်သည်။ သို့သော်လည်း ရီဖူရှင်း၏ ခံစစ်က စိတ်ဝိညာဉ် စွမ်းအားဖြင့် ဖန်တီးထားခြင်း ဖြစ်သည်။ သူ့စိတ်အား နဂါးတစ်ကောင်က ကာကွယ် ထားသည့် အလား လွန်စွာ ခိုင်မာလှသည်။ သူ့အား ထိုးဖောက်ရန် လုံးဝ မဖြစ်နိုင်ပေ။

ဒုတိယ တစ်မျိုးကား ဂီတကို သုံး၍ မှော်တိုက်ကွက် များအား ထုတ်ဖော်ကာ တိုက်ခိုက်ခြင်း ဖြစ်သည်။ တူညီစွာပင် ရီဖူရှင်းက ခံစစ်ကို ပြင်ဆင်ထားသည်။ သူက သဘာဝ စွမ်းအင်များကို စုစည်းကာ သူ့အနီးကို ကပ်လာသည့် မည်သည့် မှော်တိုက်ကွက်ကို မဆို ဖျက်ဆီးရန် ပြင်ဆင် ထားသည်။ သူ့အနီးကို မည်သည့် အရာကမှ ကပ်၍ မရပေ။

ရီဖူရှင်းက ဂီတကို သိနားလည်သည်သာ မဟုတ်ဘဲ သူကား လွန်စွာ ကျယ်ကျယ် ပြန့်ပြန့် သိထားခြင်း ဖြစ်သည်။ ထိုအရာက ချိန်ရှင်းမူ ငြင်း၍ ရသော အရာ မဟုတ်ပေ။

မှန်သည် … သိထားရန် တစ်ခု ရှိနေပေသေးသည်။ ရီဖူရှင်းက သူ၏ ဂီတပိုင်း ဆိုင်ရာ တိုက်ခိုက်မှု များကို ကာကွယ် နိုင်သည်။ ထိုအရာက ရီဖူရှင်း၏ အရည်အချင်း တစ်စိတ်တစ်ပိုင်း ဖြစ်သည်။ သိဒ္ဓိဝင်ပစ္စည်း အကူအညီဖြင့် ပင်လျှင် သူ၏ ဂီတပိုင်းဆိုင်ရာ ကျွမ်းကျင်မှုကို လျှော့တွက်၍ မရပေ။

အင်းကွက် နည်းစနစ်ဖြင့် ပြင်းထန်စွာ တိုက်ခိုက်မှုက ပင်လျှင် ရီဖူရှင်း၏ ခံစစ်အား ကျော်ဖြတ်နိုင်ခြင်း မရှိပေ။

ထို့ကြောင့် သူ့အား တိုက်ခိုက်ရန် တစ်နည်းသာ ရှိတော့သည်။ ထိုအရာက ရီဖူရှင်းက ဂီတနှင့် ပတ်သက်၍ မည်မျှအထိ နက်ရှိုင်းစွာ သိသလဲ ဟူသည်ကို စမ်းသပ်ရန် ဖြစ်သည်။ ထိုအရာက အနုပညာ ရသသိအား ဖန်တီးခြင်း ဖြစ်သည်။ ထို့နောက် တစ်ဖက်လူ၏ စိတ်အား သိမ်းပိုက်ကာ ထိန်းချုပ်ခြင်း သို့မဟုတ် သတ်ဖြတ်ခြင်းများကို ပြုလုပ်နိုင်သည်။

ချင်နန်းတော်တုန်းက ရီဖူရှင်းက ဂူမင်အား ထိုသို့ လုပ်ခဲ့ခြင်း ဖြစ်သည်။ ထိုအရာက ဂူမင်အား အရှုံးပေးစေပြီး သံစဉ်၏ ထိန်းချုပ်မှု အောက်ကို ရောက်စေသည်။ ဂူမင်က ရီဖူရှင်း ဖန်တီးသော အနုပညာ ရသသိအား ခံနိုင်ရည် မရှိဘဲ မြေပြင်တွင် ဒူးထောက်ခဲ့ ရသည်။

ချိန်ရှင်းမူ၏ ဂီတပညာနှင့် ပတ်သက်၍ မူကား သံသယ ဖြစ်စရာ မလိုပေ။ သူ၏ လက်ချောင်း လှုပ်ရှားမှုက ပြောင်းလဲ သွားသည်နှင့် သံစဉ်ကလည်း ပြောင်းလဲ သွားသည်။ ချိန်ရှင်းမူ တီးခတ်သော အခါ သံစဉ်က လွန်စွာ မြင့်မြတ် ထည်ဝါဟန် ရှိနေသည်။ ထိုအရာက လွန်စွာ လင်းလက် တောက်ပလာပြီး လူတိုင်း၏ စိတ်ထဲကို ထူးဆန်းသော နေရာတစ်ခုသို့ ရောက်သွား စေသည်။

“မြင့်မြတ်သံစဉ်…” ထိုသံစဉ်အား ထိုနေရာရှိ လူအများထဲတွင် သိသူ သိပ်မများပေ။ သို့သော်လည်း ထိုသံစဉ်အား ဟွာချင်းချင်း သိသည်။ ထိုသံစဉ်ကား အလွန်အမင်း အားကောင်းသော အနုပညာ ရသသိ ပါဝင်သော တိုက်ခိုက်ရေး သံစဉ်ဖြစ်သည်။ ချိန်ရှင်းမူက ရီဖူရှင်းအား တိုက်ခိုက်ရန် ထိုသံစဉ်အား အမှန်တကယ် အသုံးပြုခဲ့သည်။

ဟွာချင်းချင်း၏ စိတ်ထဲတွင်တည်း တူညီသော ပုံရိပ်တစ်ခု ဖြစ်ပေါ်လာသည်။ ချိန်ရှင်းမူကား ထိုနေရာတွင် ရှန့်ထို တစ်ပါးကဲ့သို့ လင်းလက် တောက်ပနေသည်။ သူပြောသော စကားများက ရှိန့်ထိုတစ်ပါး၏ စကားများကဲ့သို့ ဖြစ်သည်။ သူ၏ လက်ဝါးကို ဝှေယမ်းလျှင် ရှိန့်ထိုတစ်ပါး၏ စိတ်အင်အား ကဲ့သို့ပင် ဓားများနှင့် နတ်သတ္တဝါ ဆန်းများ လေထဲတွင် ပေါ်လာကာ ရီဖူရှင်းထံသို့ တိုးဝင် သွားသည်။

ထိုသံစဉ်က သူ့အား ဦးတည်နေရာ ရီဖူရှင်း ခံစားနေရသော အနုပညာ ရသသိက ပိုမို အားကောင်း ပေသည်။ သူ၏ မျက်လုံးထဲတွင် ချိန်ရှင်းမူက ရှန့်ထို တစ်ပါးအဖြစ် ပြောင်းလဲ သွားသည်။ သူ့ထံမှ အလင်းများ ဖြာထွက်နေသည်။ ရှန့်ထို၏ စကားများက ဓားများအဖြစ် ပြောင်းလဲသွားကာ သူ့ထံသို့ တိုးဝင် လာကြသည်။ ရှန့်ထို၏ စိတ်အင်အားက နဂါးများ၊ ဇာမဏီများနှင့် ရှီလန်နတ်ငှက်များ အဖြစ် ပြောင်းလဲသွားပြီး သူ့ထံ ပြေးဝင် လာနေကြသည်။ သူက မည်သည့် အချိန်တွင်မဆို ပြိုလဲ သွားနိုင်သည်။

ထိုအခိုက်တွင် ရီဖူရှင်းကား ရှန့်ထို တစ်ပါးအား အန်တုနေသော သာမန် ကျောင်းတော်သား တစ်ယောက်မျှသာ ဖြစ်သည်။ သူက မည်သို့ ခံနိုင်ရည် ရှိမည်နည်း။

စကားတစ်ခွန်းက သူ့အား သေဒဏ် ပေးနိုင်သလို အတွေးတစ်ခု ကလည်း သူ၏ အသက်အား ယူသွားနိုင်သည်။

သို့သော် ထိုအားနည်းသော ကျောင်းသားကား ကု့ချင်းကို တီးခတ်နေဆဲ ဖြစ်သည်။ မိုးသက် မုန်တိုင်းများ အလယ်တွင် ရီဖူရှင်းက သူ၏ ကိုယ်ပိုင်သံစဉ်ကို တီးခတ်နေသည်။ သူ၏ သံစဉ်အားလှိုင်းတွင် ဓားများ ကွယ်ပျောက်သွားပြီး နတ်ငှက်များ ပျက်စီးသွားရသည်။ တိုက်ခိုက်မှုများက မည်မျှ ပြင်းထန်ပါစေ ရီဖူရှင်းအား လှုပ်ရှားစေနိုင်စွမ်း မရှိပေ။ သူ၏ ခန္ဓာနှင့် သူ၏ ဂီတမှ လူအများက သူ၏ သန်မာမှုကို တွေ့နိုင်သည်။

တဖြည်းဖြည်းနှင့် သူ၏ သံစဉ်က မြင့်တက်လာသည်။ သို့သော်လည်း တည်ငြိမ်နေဆဲ ဖြစ်သည်။ တဖြည်းဖြည်းဖြင့် သံစဉ်က မြင့်တက်လာပြီး သူ့ထံ ရန်မူလာသော တိုက်ခိုက်မှုများ အားလုံးကို ဖျက်ဆီးလိုက်သည်။ တစ်ချိန်တည်းမှာ သူ၏ စိတ်အသိအား ကာကွယ်မှုကိုလည်း ထိန်းသိမ်း ထားသည်။ သူ့အား ထိလို့မရအောင် ရှိနေဆဲ ဖြစ်သည်။

ရီဖူရှင်း၏ သံစဉ်က လေထုကို ပျံ့နှံ့နေရာ လူတိုင်းက ခံစား၍ ရသည်။ ထိုအရာက အားနည်းသော ကျောင်းသား တစ်ယောက်က အရွယ်ရောက်လာ သကဲ့သို့ ဖြစ်သည်။ မိုးသက် လေပြင်းများ အောက်တွင် သူက ရင့်ကျက်လာသည်။ ထိုအားနည်းသော ကျောင်းတော်သားတွင် တစ်လောကလုံးကို ပိုင်ဆိုင်ရန် အသိပညာနှင့် ရည်ရွယ်ချက် ရှိသည်။

သူ့ထံမှ နိုဘယ်အသိ ဖြာထွက်လာသည်။ ရီဖူရှင်းတွင် လွန်စွာ ထူးခြား ကောင်းမွန်သော ကိုယ်ရောင်ကိုယ်ဝါ တစ်ခုက သူ မသိလိုက်မီတွင်ပင် ထွက်ပေါ်လာသည်။ သူကား ထာဝရအားဖြင့် စိတ်ဓာတ် ခိုင်မာသည်။ သူ့တွင် တုန်လှုပ်ခြင်း ကင်းမဲ့သော စိတ်ရှိသည်။ မုန်တိုင်း အလွန်တွင် အားနည်းသော ကျောင်းတော်သားက ရင့်ကျက်ကာ ကြီးပြင်း လာသည်။ နောက်ဆုံးတွင် သူကား မည်သို့သော သူကို မဆို စိန်ခေါ် နိုင်လောက်သော အားကြီးသောသူ ဖြစ်လာသည်။

တချို့သော အားကောင်းသော လူများမှာ ဂီတ၏ သက်ရောက်မှုကို မခံရပေ။ သူတို့၏ အတွေးများကား လွတ်လပ်ပေသည်။ ရီဖူရှင်း၏ ဂီတမှ သူတို့က ဘဝ၏ အနိမ့်အမြင့် အတက်အကျ များကို ခံစားရသည်။ သူ၏ ဂီတက အရွယ်ရောက်ကာ ရင့်ကျက်ရန် ခရီးတစ်ခု ဖြစ်သည်။ ထိုအရာက ထူးဆန်းသော ခံစားချက် ဖြစ်သော်လည်း ထိုခံစားချက်က လွန်စွာ သဘာဝကျသည်။

သံစဉ်က ပိုမို မြင့်တက်လာပြီး ပိုမို စိတ်လှုပ်ရှားဖွယ်ရာ ကောင်းလာသည်။ သံစဉ်က ကောင်းကင်ဘုံသို့ ချိုးဖျက်တော့မည့် အလား မြင့်မားစွာ တက်ရောက် သွားသည်။

လူအများ၏ စိတ်နယ်ပယ်ထဲတွင် သူတို့က လူငယ် တစ်ယောက်က နိုဘယ် အဆင့်သို့ တက်ရောက်သွားပြီး ဧကရာဇ် တစ်ပါးအဖြစ် ကြီးပြင်း လာသည်ကို မြင်ကြရသည်။ အခက်အခဲများအား ကြောက်ရွံ့ခြင်း မရှိဘဲ ကျော်ဖြတ်ရင်းက သူက တစ်လောကလုံးကို ထိန်းချုပ်နိုင်သောသူ တစ်ဦး ဖြစ်လာသည်။

ထိုအခိုက်တွင် ကု့ချင်းကို တီးခတ်နေသော လူငယ်လေးကား အားနည်းသော ကျောင်းတော်သား တစ်ယောက်နှင့် မတူတော့ပေ။ သူ၏ နောက်ကျောက ဖြောင့်မတ်နေပြီး သူ့ထံမှ ထွက်ပေါ်လာသော ထည်ဝါမှုက နဂါးတစ်ကောင်၏ ခန္ဓာနှင့် အလားသဏ္ဌာန် ရသည်။ သူ၏ သံစဉ်ထဲတွင် နဂါးများ၏ အော်သံများ ရှိနေပုံရသည်။ ဧကရာဇ် အသိက ထွက်ပေါ်လာကာ စတင် ထိန်းချုပ်တော့သည်။

ရီဖူရှင်း၏ စိတ်ဝိညာဉ် စွမ်းအားများက တိုက်ခိုက်မှုများကို ဆက်လက်၍ ဖျက်ဆီးနေဆဲ ဖြစ်သည်။ အထက်ကို ဆန်တက်နေသော သံစဉ်က ဧကရာဇ် တစ်ပါး၏ ယုံကြည်ရသော စီးတော်ယာဉ်အလား ဖြစ်လာသည်။ ပုံရိပ်ယောင် မြင်ကွင်းတွင် ချိန်ရှင်းမူနှင့် ရီဖူရှင်းကား တစ်လောကလုံး၏ အပေါ်တွင် ရပ်နေသော ရှန့်ထိုတစ်ပါးနှင့် ဧကရာဇ် တစ်ပါးတို့ ဖြစ်ကြသည်။

ဂီတ ဟူသည်မှာ အဘယ်နည်း။ စစ်မှန်သော ဂီတက အနုပညာ ရသသိကို သယ်ဆောင်ကာ နားဆင်သူကား ဂီတကမ္ဘာထဲကို ရောက်ရှိ သွားစေသည်။

ရီဖူရှင်းက ဂီတကို မသိဟု ချိန်ရှင်းမူက မှတ်ချက်ချသည်။ ဂီတပိုင်းဆိုင်ရာ တိုက်ခိုက်မှုနှင့် နည်းစနစ်များတွင် ရီဖူရှင်းက ချိန်ရှင်းမူအား မယှဉ်နိုင်ပေ။ သို့သော်လည်း ကုန်ခဲ့သော နှစ်အနည်းငယ် အတွင်းတွင် ရီဖူရှင်းက ဂီတ၏ နက်ရှိုင်းသော အခြေအနေ တစ်ခု အထိကို ရောက်ရှိခဲ့သည်။ အနုပညာ ရသသိတွင် ရီဖူရှင်းက ချိန်ရှင်းမူထံတွင် မရှုံးနိမ့်ရန် လုံးဝ ယုံကြည်မှု ရှိသည်။

ပျက်စီးခြင်း ကမ္ဘာနှင့် ကမ္ဘာကြီး သံစဉ် နှစ်ခုအား တစ်ခုတည်း အဖြစ် ပေါင်းစပ်ခဲ့သည်။ သူ၏ အားကောင်းသော စိတ်အသိဖြင့် ပေါင်းလျှင် သူက မည်သို့ ရှုံးနိမ့်မည်နည်း။ သူက တော်ဝင် နည်းစနစ်အား ဂီတတွင် ပေါင်းစပ်ကာ အနုပညာ ရသသိအား ပိုမို အားကောင်းအောင် လုပ်ခဲ့သည်။ လူအများက ဂီတ၏ အသိတစ်ခု၏ တွေးထင်ကြမည် ဖြစ်သော်လည်း အမှန်က နည်းစနစ် တစ်ခု ဖြစ်သည်ကို သူတို့ သိမည် မဟုတ်ပေ။

ပုံရိပ်ယောင် မြင်ကွင်းထဲတွင် ကြီးမားသော လူနှစ်ယောက် ပေါ်လာသည်။ သူတို့က ကမ္ဘာကြီးအား ခြေဖဝါးအောက်ကို သွတ်သွင်းရန် အဆင်သင့် ဖြစ်နေသကဲ့သို့ ပုံဟန်ရသည်။ သူတို့ နှစ်ယောက်၏ စိတ်အင်အားက အလွန် အားကောင်း လှသော်လည်း ရှန့်ထို၏ အသိက မူလကတည်းက အားကောင်းနေခြင်း ဖြစ်ပြီး ဧကရာဇ် အသိမူကား ဆက်လက်၍ ကြီးထွား အားကောင်းနေကာ နောက်ဆုံးတွင် ကောင်းကင်အား ဖြိုခွင်း၍ ကမ္ဘာကြီးအား ထိန်းချုပ်သည်။

ကျယ်ပြန့်သော ပတ်ဝန်းကျင် တစ်ခုလုံး အေးခဲသွားသည်။ ထိုအခိုက်တွင် ဂီတထဲတွင် ကွယ်ဝှက်ထားသော အနုပညာ ရသသိကို လူတိုင်းက ခံစားရသည်။

ရီဖူရှင်းက ချိန်ရှင်းမူနှင့် စစ်မှန်သော ဂီတပညာကို သုံးလျက် ယှဉ်ပြိုင်ခဲ့သည်။

ယခု သူကား မားမားမတ်မတ် ရပ်နေသည်။ သံစဉ်၏ အဆက်မပြတ် မြင့်တက် လာမှုကြောင့် ဧကရာဇ် အသိကလည်း ဆက်လက်၍ အားကောင်း လာသည်။

နောက်ဆုံးတွင် တုန်ခါမှု တစ်ခုနှင့်အတူ ရှန့်ထို တန်ခိုးရှင် ပြိုလဲသွားသည်။ ချိန်ရှင်းမူက သူ့ထံ ဆင်းသက် လာသော ဖိအား တစ်ခုကို ခံစားရသည်။

ဒေါင်….။ လူတိုင်း၏ အကြည့်အောက်တွင် ဗျပ်စောင်းကြိုး ပြတ်သံ တစ်ချက်နှင့် အတူ ချိန်ရှင်းမူ၏ လက်က ရပ်တန့် သွားသည်။ ထို့နောက် သူ၏ ပါးစပ်မှ သွေးများ စီးကျလာ၏။

အရှေ့မြေရိုင်း ဒေသ၏ လူငယ်မျိုးဆက်မှ အတော်ဆုံး မှော်ဂီတ ပညာရှင်က သန့်စင်သော ဂီတပညာချင်း ယှဉ်ပြိုင်ရာတွင် ရီဖူရှင်းအား ရှုံးနိမ့်ခဲ့သည်။

ထိုအခိုက်တွင် ချိန်ရှင်းမူက တစ်ကြိမ် တစ်ခါက သူက ရီဖူရှင်းအား ပြောခဲ့သော မှတ်ချက်ကို ပြန်သတိ ရလာသည်။ မင်းက ဂီတနှင့် ပတ်သက်ပြီး မသိ နားမလည်ဘူး။ အကယ်၍ သူက ဂီတကို နားမလည်လျှင် မည်သူက ဂီတကို နားလည်သနည်း။

***


Comment

Leave a Reply

Options

not work with dark mode
Reset